أسئلة بخصوص العزايم

عزيزاتي وحبيباتي:

الأسبوع الجاي حيجيني ضيوووووف عزيزين علي قلبي . وحيجلسوا عندي


لمدة أسبوع .قولوا الله يحيهم ومرحبا ألف .


عموما قلت أبغي أصلح بتيفور ومعمول وتمرية وغريبه من دحين عشان

أرتاح .ولكن أبغي أصلح حاجات ثانية وأخليها في الفريزر.


يعني مثل السمبوسة والفطائر والبيتزا والكرواسان والخ....


اخواتي الرجاء مساعدتي في طرق مظبوطة ومجربة وهل تنفع لمدة أسبوع

أو أسبوعين في الفريزر بدون مايتغير طعمها ولاريحتها.

وياليت تكتبون لي حاجات تنفع في الفريزر.


لأني بصراحة: أشغالي كثيرة والبيت كبير جدا. وأحب الجلسة مع الضيوف

مو الوقفة طول اليوم في المطبخ .

ومع ذلك مانسلم من الوقفة ؟


أسرعوا الله يوفقكم ويجعلها في موازيين حسناتكم.


مع تحياتي أختكم هــــــاله

خلاص مأبغي منكم ولاشىء





تراني مرررررررررررررررررررررررررررررررررره






زعلانه












ومتضايقة











متوقعت منكم هذا
















التطنيش










هـــــــــاله:

اهلين هالة

ولا تزعلي عيوني

ممكن تعملي ورق عنب
وعندك عجينة فيافي نجد ام 10 دقائق روعة لكل امعجنات
ممكن تعملي كبة وفي طريقة شام العسل الله يخليها لنا
ممكن تعملي سبرنق رول محشي بالجمبري والخضار

البيتزا انا افضل انك تعملي العجينة وتقطعيها دوائر وتحطيها في الفرن لمدة 10 دقائق ثم تخرجيها وتحطيها في الفريزر بعد ان تبرد وتكوني مجهزة الصلصة الحمرة الخاصة بها وبعدين اذا حبيتي تعمليها خرجي اقراص البيتزا والصلصة من بدري واعمليها افضل تكون طازجة

ممكن تعملي بسكوت التوفي وتحطيه بالفريزر وطريقته كالتالي

2كوب حليب بودرة يحمص جيدا ثم يضاف له 2بيض وم ص فانيلا و1/2 كوب زبدة سايحة و1/2 كوب سكر بودرة ويخلط جيدا ثم يضاف له بسكوت مكسر
ويخلط باليد مع الانتباه حتى لايتفتت البسكوت ثم يعمل على شكل اسطوانة ويلف في روق بلاستيك افضل من القصدير ويوضع في الفريزر وعند التقديم خرجيه قبلها بفترة ثم قطعيه حلقات ويقدم


هذا اللي عندي اليوم وبكرة ارجعلك ياعسل لو قدرت
واذا ماقدرت البركة في الحلوين

الله يسعدك في الدنيا والأخرة يأغلي عزوزعندي


وشكرا لك علي إهتمامك .


بس بالنسبة للبيتزا ليه أدخلها الفرن وعشر دقايق فقط يعني لحد ماتستوي أو لتحمير فقط ؟ من تحت وإلا من فوق أشعل عليها؟
والصلصة أصلحها وأحطها في برطمان وفي الثلاجة لحين الإستعمال ؟
وياليت إذا عندك طريقة ممتازة للصلصه تكتبيها ولا عليك أمر .


والبسكويت دائما أصلحه بس أحطه في قصدير .مأدري كيف بالبلاستيك؟

وممكن أصلحه ولمده طويله يبقي في التلاجه ؟


الله يوفقك ويسعدك وينور دربك يأغلي من العسل.













هــــــــــــــــاله

هلا .. بقولج اشياء بسيطة بس مرات الواحد ينسى عنها.. سوي عصاج اللحم المفروم مع البصل والملح والفلفل الاسود والقرفة والبقدونس ولما ينضج لفيه وخليه بالفريزر ومتى مااحتجتيه طلعيه وتقدرين تسوين منه بسرعه معكرونة بالباشميل او مع الجلاش او مع الفطاير وشوفي طريقة فيافي نجد وايد حلوة وتخمر خلال عشر دقايق بس رهيبة عن جد.. وحتى الدجاج فوري منه كميه وفتتيه وحطيه بالفريزر وتقدرين تسوين منه حشوة وهي عبارة عن بصل وثوم والدجاج وملح وفلفل اسود وتقدرين تستفيدين من هذي الطريقتين.. في الشاورما وبالتوست..

http://vb.hawaaworld.com/showthread.php?threadid=26712&highlight=%D4%C7%E6%D1%E3%C7+%C8%C7%E1%CF%CC%C7%CC

http://vb.hawaaworld.com/showthread.php?threadid=26710&highlight=%CA%E6%D3%CA+%C8%C7%E1%CF%CC%C7%CC