انا جاهزة لأي مساعدة في اي مشكلة نفسية تخص الطفل

السلام عليكم يا اختي انا عندي ولدي الكبير عمره سنتين وشهر


انا الحمدلله ما اضربه حالفه علا نفسي بس ضرب خفيف مثل الريشه تاديبي واستعمل معاه time out والصراحه جابت فايده بس ما اعرف كم مره اسويها ينفع كل ما عاند او ما سمع الكلام وسوا شي غلط؟؟؟؟
طيب الشي الثاني في بداية زواجي اكيد كان في مشاكل تعرفين اول كل زواج وكان في صراخ ومن هالاشياء وصار ولدي اذا سمع صوت عالي يقعد يبكي ويخاف للحين واذا شافني العب او اعلي صوتي باللعب يقعد يبكي ويصيح ويخاف ومررررررررره اضايق هل هذي تعتبر عقده من لصراخ لي كان يسمعه وهو صغير وكيف اقدر اعالجها لن دايم الوم نفسي ونفس الشي اذا اي احد يلعب قدامه لعب دفش ويرفع صوته يقعد يبكي ويخاف.............


ياليت تجاوبيني باسرع وقت الله يوفقك دنيا واخره

ايه وشي ثاني مررررررره متعبني...ولدي الكبير قلتلك علا مشكلته الحين ولدي الصغير عمره سنه واسبوعين مشكلته هو سببي وغلطتي بس ياليت ياليت تقوليلي كيف اصلحّها تكفين انا لمن ولدته ما حبيت ولدي الكبير يغار منه فكنت اضل اعطيه للشغاله ولن اصلا ولدي الكبير مره متعلق فيني ما يرضا الشغاله تسويله شي فصرت دايم اتكل علا الشغاله اكثر المرات هي تنومه تاكله تغيرله تلعبه والله اني اتالم من جوا والحين باديه معاه لكنه يفضلها انا ادري انها غلطي لكن ابي اصلحها ما ابيه يقعد يبكي لا شافها او اذا كان مضايق بس يسكت معاها الله لا يهينك تجاوبيني وتقوليلي كيف ابد و وش اسوي مع لثنين

وبارك الله فيكي وجعله في ميزان اعمالك

انا ولدي عمره 5 سنوات وصاير عصبي ويزعل من اي شي ومايسمع الكلام
مااعرف هل هذي غيره من اخوه اللي اصغر منه

ياليت تجاوبيني ياحبيبتي انا مريضة لي ست سنوات اخذ حبوب نفسيه وحاطة حرتي بولدي الكبير عمره 3 سنوات وكل يوم انا وابوه سب وهواش واحيانا طراق بعد وصار يجري وياخذله ركن ويسد اذانه بيدينه ولا يصارخ ويشد شعري ويضرب ابوه وصاير عصبي ساعديني تكفين جعلها ربي في موازين حسناتك

السلام عليكم اختي
انا اشكو من العصبية الزائدة خصوصا عندما اغضب من اولادي
اقوم ((بالعض )) اعضضهم بشدة من غير احساس
واشعر بعدها بتأنيب الضمير
ارجوا المساعدة وشكرا