شاركي في النقاش

سجلي الدخول لإضافة تعليق.

التعليقات

1,360
  1. @am_tbyb

    نانا 2000
    ايمان يا حبيبتى انت عارفة اليومين اللي قبل الفرح دول بيبقو مرهقين قد ايه للعريس وللعروسه والتنشنه بتبقى للركب .. شدة اعصاب وقلق وتوتر وزنقه فى كل حاجه .. زنقة وقت وزنقة مصاريف واى احتكاك ولو بسيط بيبقى مشكله .. فمعلش يعنى خليكى انت علطول …
    السلام عليكم جميعا
    مادو وعروس النيل
    الله يخليكم, دة بس من زوقكم:redface:
    وانا كمان بحب المصريين جدا جدا وحتى معايا هنافى عمان صحبتى مصرية و اسمها ايمان وهى طيبة خاااااااالص.

    ******
    انا الظاهر بدخل فى اوقات غريبة محدش بيكون موجود, الساعة عندى 2 صباحا , انتو عادة بتدخلو على التجمع الصبح ولا باليل ولا ايه النظام ؟

    انا بس اليومين دول بنقل على بيت جديد فالامور عندى متلخبطة شوية

    ماما زوزو

    ازيك.. انا بقى لى فترة كنت بتابع اعمالك الفنية الرائعة انا برضو غاوية اشغال يدوية وابتكارات بس طبعا مش حتلحق شغلك:)
    ايمان
    اولا ... شكرا على ترحيبك
    وعايزة اقولك ان دة السيناريو اللى بيحصل دايما حتى فى المجتمع

    السودانى لما يكون فى مناسبة او زواج الناس بتكون مش على

    طبيعتها,وحساسة حبتين, وبقولك الكلام دة عن تجربة او تجارب وشفتها

    بتحصل كتير بين اسرة العريس والعروس بس كل دة بعد فترة بينتهى

    وحترجع العلاقات طبيعية , اطمنى وما تفكريش كتير فى كل تصرف

    يعملوه والحل بتاع ماما زوزو فى رايى انو مناسب جدا .. وربنا يهديهم وتعملو فرح لذيذ ودى زغروطة منى :icon28:






  2. @3aroos_elneel

    ايمان
    ربنا يصلح لكم احوالكم وفعلا ده سيناريو تقريبا متكرر فى كل العائلات
    وخصوصا لما البنت بتكون خارجه من بيت ما فيش حاجه اسمها اهل الاب
    لانهم لا يوجدلهم وجود وهى بتجتهد فى بداية حياتها انها تطبق ما تربت عليه
    لكن الصح عملوها بكل ود وما تنتظروش منها رد للود لانها حا تحاول
    تستفزكو جدا عشان تسبت دايما لاخوكى انها مظلومه معاكو وتستدر عطفه
    فنصيحه بلاش تدوها الفرصه نهائى واهم حاجه علاقتقوا باخوكى وهى خليها الايام
    تعلمها ومع حسن المعامله لازم حا تكون معاكو ووحده منكو
    وربنا يتمم لاخوكى على خير
  3. @3aroos_elneel

    بما انى الفجر وما نمتش وما حدش عبرنى باى خلطه او برنامج للعنايهابدا انا
    بصو يا جماعه مش عايزين نسيب نفسنا ونتحجج بالبيت والاولاد وظروف الحياه
    انك ما تهتميش بنفسك فى البيت وتغلطى غلطة كل الناس وتهتم بمظهرها
    جدا وقت الخروج فقط وناس كتير المكياج وقت الخروج فقط وممنوع فى البيت او
    نادرا وفى كمان صوره خاطئه ان الزوجه المتهتمه بنفسها فى البيت ده بيكون على حساب البيت والاولاد
    لازم تحبى نفسك سواء تخينه او رفيعه طويله او قصيره حبى نفسك كده وبس حا تحسى انك سعيده جدا
    التخينه بلاش تتعقدى وكرهتى الرجيم بس على الاقل حاولى بلاش تزيدى فى الوزن
    مش احنا اتفقنا حا ننظم اكلنا على اساس
    ثلث لطعامه وثلث لشرابه وثلث لنفسه احلى رجيم نطبقه وكله حسنات لانك بتحييى سنه
    شوفو عظمة وجمال دينا حتى وانا بتزين واهتم بمظهرى بكسب حسنات
    لانك بتقومى بحسن التبعل وبتعينى زوجك على غض البصر
    كل دقيقه امام المرأه وكل تسريحه لشعرك بحسنات ليه ما نبداش نهتم بمظهرنا وبرده احنا الكسبانين
    فى الدنيا والاخره
    قسمى ملابس البيت ثلاث اقسام
    جزء خصصيه لوقت النهار وشغل البيت ويكون يسهل الحركه ملابس قطنيه للحر
    وشكله منسق
    خلصنا الغدا دش سريع ونلبس حاجه جديده بسيطه ومريحه لوقت الظهيره مع رشة برفان
    وانتظرى عودة زوجك بهدوء واسترخاء ورائحه جميله
    حا تقولى انا لسه ورايا المطبخ والبيت فى باقى شغل
    بعد نزول زوجك ارجعى للبس المطبخ وكملى
    خلصنا كل الشغل ووقت روقان خصصى ملابس معينه بعد انتهاء الشغل
    جينز وبدى حاجات حاولى تكون موجوده كتير بره البيت وزوجك بيشوفها
    البسيها فى البيت بقدر الاستطاعه
    مع تسريحه جميله بسيطه ومكياج خفيف
    طبعا موضوع اللبس لكى مطلق الحريه لكن خدى ال يناسبك منه
    حاولى يكون فى تنوع فى البرفان للتغيير كل مره نوع
    خلطه للشعر مرتينفى الاسبوع ومش عايزه اعذار
    قبل الحمام بنصف ساعه ادهنى اى كريم شعر او حتى زيت شعر
    والبسى كيس وبعد كده اغسلى شعرك مع الوقت مش حا تعانى
    من التقصف نفس الجكايه البشره
    كل حاجه ممكن تتحط حطيها وعلى حسب نوع بشرتك
    الوصفه دى ارتحت عليها
    نشا وماء ورد وحليب بودره ربع ملعقه من كل نوع
    يخلط ونضعه 20 دقيقه ويشطف بماء بارد ثم دافىء
    نعومة الجسم مهمه جدا لانها رمز الانوثه
    اخلطى فازلين مع زيت بيبى اويل
    وادهنى بيه وحلو جدا لتشقق القدمين استعمليه يوميا
    ما لكوش حجه ومش عاوزه اعذار
    عوزين تنفيذ فورى لانها كلها حاجات بسيطه ومش محتاجه وقت ولا جهد ولا مال
    عشان ما حدش يقول الغلاء
    وبكدا ده حا يكون شكلك باستمرار فى البيت وحا يعفيكى من الحرج
    لما الاولاد تكبر الكلمه المكرره دائما انا ما ينفعش اللبس كده انا بكون محرجه من ولادى
    عوديه انك دايما متهمه بمظهرك بلبسك واللبس الخاص االانجيرى اكيد مش امام الاولاد
    اتمنى يكون الموضوع مفيد وارجوكم بلاش تسيبو نفسكم للحياه تسرق اجمل ايام العمر
    وربنا يجعل ايامنا كلها سعيده
    ولا تنسونى من صالح دعواتكم
  4. جزاكي الله كل خير علي النصائح الحلوه دي و فعلا انا كمان نفي أغير من ثقافه ان المكياج للخارج مش للداخل
    ايمان ربنا يهدي الحال معلش لازم توجهي و تحطي في أعتبارك ان أخر الايام دي بتكون الدنيا مشحونة قوي فخليكي انت محضر الخير و لو في حاجة مديقاكي ممكن تلفتي النظر بشكل لطيف و كمان طلما حيسكنوا معاكي من الاول كدة لو في حاحجة بديقك توضحي لأن بعد كدة حيبي خلاص دا العادي و بقي حق مكتسو ربنا يهدي نفوس و يفك الكرب و يتتم لاخوكي بخير
  5. @nana_2000_1

    صباااح الفل عليكم
    عاوزة اطمنكم .. امبارح كان اول يوم لاحمد فى الحضانه .. الحمد لله كان مبسوط جدا .. الهيد مستريس بتاعة الحضانه طلبت منى ماروحش معاه ولا انا ولا اي ام تانيه لاي طفل تانى .. بس نتابع بالموبايل ولقيته سعيد ويومه كان حلو قوى
    وزى ما قولتولى بالضبط .. كل اصحابه بيساعدوه .. وانا كمان زي ماقولتولى ماحاولتش احسسه انه مختلف عنهم خالص .. حتى ماكترتش عليه فى النصايح وقلت اسيبه يعيش التجربه ..
    الحمد لله بيقول يا مامى الحضانه جميله والميس بتحبنا قوى .. تخيلو بعد ماكان بينام الساعه واحده بالعافيه .. امبارح نام الساعه 9 .. انا الحمد لله سعيده جدا .. ما تتصوروش معنوياتى مرتفعه قد ايه .. يا رب يفضل كده علطول و ربنا يخليكو لى .

تابعي تجارب أخرى من هذا القسم.