قعدة ستات..(التجمع الرابع لستات البيوت الشاطرين جدا)

بنات بنتي ان شاء الله هاتدخل كي جي ون السنة دي وهي مارحتش حضانة او بعدت عني قبل كدة

وطبعا انتو عارفين الغربة بيكون الطفل طول ماهو صغير ممتة وبيتة هما كل حياتة

هي صغيرة 3سنين ونص طبعا انا مهدتلها وكلمتها عن المدرسة شوية بس عايزة خبرتكو بقي في الموضوع دة

يعني في حاجات مثلا اعملها ليها او انبها عليها اصلي خايفة ومرعوبة عليها قوي

دينا حبيبة قلبى انا برضه زيك اكتشفت التجمع ده متأخر من مدام وائل ده انا كمان زعلانه علشان دخلت وما حدش عبرنى غير اختى رمال الناعمه اللى رحبت بيا طيب كده يابنات:44: معليش برضه انا داخله اطمن عليكم واشارك معاكم وبقولكم كلكم بحبكم فى الله

كنزى

عادى يا بنتى بلاش قلق هاتعدى ان شاء الله هو اول يومين بس ان شاء الله وهاتلاقيها اندمجت

انتى اقعدى كلميها ان هايبقى ليها اصحاب قدها ولابسين زيها وهايلعبوا مع بعض بالعاب جميلة والميس هاتغني معاهم وتعلمهم يرسموا ويلونوا

اكيد طبعا جبتى اللنش بوكس قوليلها تحبى احطيلك ايه فيه (طبعا هاتقولك اول حاجة شوكلت وعصير :))

وطبعا المفروض اول يوم بيخلوا الام مع الطفل على الاقل ساعتين على مايخد على الجو والمكان والاطفال

وانتى حاولى تنقيلها واحده تبقى صاحبتها وتخليها تتعرف عليها وتبتدى تتكلم معاها واتسحبى بقى واحدة واحدة واحدة للخلف

:)

ان شاء الله تنبسط جدا

السلام عليكم ورحمة الله وبركاته
رانيا انا الصدفه الجميله خلتنى اقرا قصة
رانيا علوان اكيد تكونى سمعتى عنها
باختصار هى أشهر سباحه فى مصر حصلت على 77 ميداليه على المستوى الدولى
والافريقى ارتدت الحجاب وتركت الشهره والاضواء بكامل رغبتها
والمعلومه دى فعلا كانت جديده عندى
انها من اسره مهاجره فى أمريكا
فحبيت احكى لك عنها ,اقول لك أنا حاسه ان الصدفه ال خلتنى
اقرا القصه دى أنها رساله من ربنا لكى بيطمنك أبشرى
بالخير فى بناتك ومتخافيش انتى عشان بتربى صح
وغرضك ترضى ربنا حا تشوفى بناتك نموذج مشرف زى رانيا
من الغرب والمجتمع المتفتح والشهره ال بتجذب كل البشر
لكن حبها للحجاب كان أقوى ما تخافيش ازرعى صح وان شاء الله
الثمره مشرفه
وشوفى الرابط ده ,أن شاء الله تكون فى حاجات جديده ومفيده
الرابط http://forum.hawaaworld.com/showthread.php?p=22697545#post22697545

كنزى
وضع طبيعى أول طفل بيبعد عن الام بيكون اسحاس مرعب
كلميها كتير عن المدرسه وحا يكون لها صحبات كتير
وحا تشترى لها لبس جديد للمدرسه وألوان
واقلام جديده ,أول يومين ممكن تزعل لانك بعدتى عنها
لكن حا تتعود وتحب المدرسه
امانى
تنورينا واهلا بيكى معانا ويسعدنا وجودك
حنين
فعلا أهم حاجه فى تربية الطفل أننا نزرع فيه مراقبة ربنا له
وخوفه أنه يغضب ربنا لان ده هو الوازع ال حا يحرك الولد
نزرع فيه انك ممكن تتخفى عن كل الناس وحتى بباك ومامتك وتعمل الغلط
لكن حا تتخبى من ربنا فين فاحساسه بمراقبة ربنا له أقوى وسيله
تجنبه ان شاء الله الغلط
وربنا يعنا جميعا على تربية ابنائنا ويرزقهم الهدايه والصحبه الصالحه