شاركي في النقاش

سجلي الدخول لإضافة تعليق.

التعليقات

2,025
  1. white angle

    لا شكر على واجب يا قمر بس طالما كفتة البطاطس بتفك منك اعملي قوارب البطاطس باللحمه المفرومه فعلا زي ما قلتي

    وطالما بتعملي لحمه بارده اعملي صنف فراخ نوعي انا اللي خلاني عملت لحوم اني مش كان عندي فراخ في الفريز ومش

    كان في وقت

    سلطة الزبادي سهله اوي طالما هو فرد واحد اعملي كوب زبادي واحد اخفقيه كويس بالمعلقه وتكوني مقطعه خياره صغيره

    مربعات صغيره وتضيفي عليهم فص توم مهروس ورشة نعناع جاف وزبطي الملح حسب رغبتك

    ورايي اعملي اللحمه البارده ا لنهارده وارفعيها في الفريز بس يا ريت تعملي جنبها بيوريه وشوية سوتيه بيكونوا ظراف جنبها

    ودي طريقه حلوه اوي لكفتة البطاطس اتفضلي

    انا اسفه كتبت رابط تاني وعدلت المشاركه اتفضلي الرابط اهه

    http://forum.hawaaworld.com/showthread.php?t=1351760&highlight=%DF%DD%CA%C9+%C7%E1%C8%D8%C7%D8%D3
  2. sama_sehab
    white angle لا شكر على واجب يا قمر بس طالما كفتة البطاطس بتفك منك اعملي قوارب البطاطس باللحمه المفرومه فعلا زي ما قلتي وطالما بتعملي لحمه بارده اعملي صنف فراخ نوعي انا اللي خلاني عملت لحوم اني مش كان عندي فراخ في الفريز ومش كان في وقت…
    جميله اوى طريقه كفته البطاطس شكرا ع الرابط
    وكمان طريقه سطه الزبادى سهله ان شاء الله اعملها
    انتى مغتربه فين؟
  3. @am_abyha74

    whiteangle
    جميله اوى طريقه كفته البطاطس شكرا ع الرابط وكمان طريقه سطه الزبادى سهله ان شاء الله اعملها انتى مغتربه فين؟
    بصي طالما هتعملي فخدة اعملي جنبها رز بالخلطة وفراخ كوردون بلو ودقية ورق عنب مع السلطات والمشروبات والحلو وكفاية كده قوي ده فرد واحد
  4. @am_abyha74

    صباح الخير يا بنات

    عاوزة اقوللكم آخر اخبار الأسواق لأني نزلت يوم الجمعة

    اولا : الزيتون الأخضر طلع للي عاوزة تخلل وتفتحه على رمضان تلحق بس الكيلو ب 4 جنيه
    ثانيا: الطماطم دلوقت لو جبتوها جملة هترسي على جنيه او جنيه ونص بالكتير هاتو كمية وخزنوا علشان رمضان علشان طبعا انتم عارفين انها هتغلى قوي
    ثالثا: برضه البتنجان بتاع الحشو ده وقت التخزين بتاعه اغلى حاجة فيه 2 جنيه ممكن تجيبوه وتخزنوه وتعملوا الخلطة وكله على الفريزر ولما تحبي تعملي محشي في رمضان ديتها تضيفي الرز للخلطة وتفكي البتنجا وتحشيه

تابعي تجارب أخرى من هذا القسم.