[رابطة] أصحاب العمليات الجراحية للتنحيف

السلام عليكم ورحمة الله وبركاته ازيكم كلكم انا اسفة انى من فترة ما تواصلت معاكم بس انا كنت بمر بفترة عصيبة جدا بعد عملية التدبيس من احساس دائم بالغثيان واعياء تام من عدم الاكل وللان نفس الاعراض تلازمنى وان كانت اقل حدة .. المهم انى حبيت اطمن على الكل وياريت نشجع بعض على الالتزام في رمضان لانى بصراحة خايفة من كتر الحرمان اللى نريت فيه انى الخبط في الاكل لو حسيت نفسي اتحسنت شوى .. والله يعينا .. وبالنسبة للاخت اللى سألت عن الدورة وتأخرها فأنا ايضا تأخرت دورتى عن موعدها وقد كان موعدها يوم عمليتى يعنى وللان لم تأتى اى انها تأخرت 19 يوم ولكن الدكتور اخبرنى انه من الممكن حدوث ذلك مع بعض السيدات عند اجراء العمليات

أم عتريسة
بصراحة بنستفيد منك جدا ...وكلامك كله سليم ومبتبخليش علينا باي معلومة أو خبرة ... جزاكي الله عنا كل خير وياريت بقى تكتبي لينا نظام غذائي لرمضان (شوفتي انا طماعة ازاي).
miss viva
وانتي كمان ياحبيبتي غالية و عزيزة على قلبي وربنا يطمنا عليكي .... احساسي انك عن قريب هتبشرينا بنزولك القوي (بعد الالتزام الاقوى) ان شاء الله.
الحلوة كنزي
انت فين ... وحشتينا... الحمد لله انك بتتحسني ولسة كمان ان شاء الله ... قوليلنا بقى نزلتي كام كيلو لغاية دلوقتي... بصي بالنسبة لموضوع الدورة انا بعد العملية اتاخرت برضة ... وفضلت بقى ماشية على مزاجها مرة تتاخر ومرة تقدم لغاية ما انتظمت لوحدها بس برضه اسالي الدكتور للتأكيد وخير ان شاء الله.

شرينية - لولو 77 - مشغولة - انتم فين ؟