شاركي في النقاش

سجلي الدخول لإضافة تعليق.

التعليقات

15
  1. @yasmyn_2

    الله يسعدك مثل ما اسعدتيني بدعاك .. ولك مثلها ان شاء الله ..

    حقيقي ادعي لك وللأخوات في ظهر الغيب والله العالم ..


    خلينا معاك أختي .. و اي جديد خبرينا .. ترى والله ادخل المنتدى ادور موضوعك ..

    يمكن ظل عندي سؤال .. يهمني اعرفه عشان احكم على الموضوع .

    انت باقي لك شي في قلبك من مودة وحب تجاه زوجك ؟ هل تعبت بسبب بعده عنك ؟
    كوني صريحة مع نفسك أولا .. حتى تستطيعي تحديد أولوياتك ..
  2. @hrof_alhgaaa

    اختي غرابيل العنود
    الله يشرح صدرك وييسر امرك ويسخر لك زوجك
    ويصلح عيالك ويكونون قرة عين لك
    ما شاء الله عليك احس انك انسانه صابره راضيه بما قسم الله لك
    وابشرك بقوله تعالى ( إِنَّمَا يُوَفَّى الصَّابِرُونَ أَجْرَهُم بِغَيْرِ حِسَابٍ ) الله يجعلك منهم ياااارب
    والرضا قول رسولنا وحبيبنا محمد صلى الله عليه وسلم بما معناه ( من رضى فله الرضا)
    صحيح ان الوضع صعب بس مع ايمانك وتوكلك على الله والصبر والرضا
    بتقدرين بفضل الله تغيرين اشياء كثيره في داخلك . وتعيشين مرتاحه .
    وياحبيبتي نصيحه اذا كنتي عند اهلك ارجعي لبيتك وخليك طبيعيه مع زوجك
    يا ما سمعنا قصص كثيره ان الزوج ما يرتاح الا عند ام عياله وحبه الاول
    ولا يعرف قيمتها وقدرها الا بعد زواجه من ثانيه . ويا حبيبتي
    بما انه شاريك ما شاء الله فشتريه ولا تترديين ولا تحتارين
    بس استعيني بالله واتوكلي عليه سبحانه . وهو سبحانه بيكفيك ما اهمك ..
    وانتي اقنعيه يجهز لك مطبخ وتكون كل
    وحده مستقله بحياتها اريح لك ولها .. ويا اختي لو تفكرين بقل ومنطق زواجه
    بإذن الله خيره لك يكفيك قول الله تعالي ( فَعَسَى أَن تَكْرَهُواْ شَيْئًا وَيَجْعَلَ اللّهُ فِيهِ خَيْرًا كَثِيرًا )
    .. وبعدين خلاص الامر تم
    وما بيدك تسوين شيء .. ولا انتي اول ولا اخر وحده . وخذي مثال امهات المؤمنين
    رضى الله عنهن ..
    وشوفي غيرك اسوء منك ومجتمعنا مليان متزوج عليها وهي معلقها وعياله ماخذهم
    ولا تشوفهم بعد الله يكون في عونهم وينصرهم
    في اختي بادري بالرجوع والعوده له

    اسال الله لك يقين صادق وراحة بال وعلو شاءن ورفع قدر عند زوجك
    وان يشرح صدرك . وان يبدل حزنك فرح وسرور وان يملىء قلبك
    سكينه واطمئنان . واصدق الدعوات القلبيه لك حياة زوجيه هانئه وسعيده اكثر من قبل

    والليل مهما طال فلابد من طلوع الفجر

تابعي تجارب أخرى من هذا القسم.