ماتقدرين تروحين الجيم وتبغين تسوين رياضة نصيحة وربي مفيدة داخل


بسم الله الرحمن الرحيم


هلا والله

أولا أشكرك على دخولك موضوعي يالغالية وأتمنى لك الفائدة يا رب

أولا أنا أساسا كنت سمينة بس طولي والحمد لله يخفف من حدة و وضوح السمنه

طولي 168 و وزني عاد مثل البورصة up و down و أقصى وزن وصلت له في يوم من الأيام الغابره الله لا يعيدها 100 :44:

طبعا كانت كارثه نزلت وزني بالرجيم القاسي والرقص لأني كنت أمووت على الرقص :7_5_131:

لين صار وزني في السبعينات 76 - 74 وهكذا

المهم من فترة وبعد الحج طبعا ظميري صار يؤنبني يوم اشغل الاغاني :44:

وجسمي يبي الحركه وبدأ يترهدل ولقيت الحل :S_45:

dvd لقيته في كارفور خاص بالرياضة لرياضية أمريكية اسمها


Leslie Sansone


أدري بتقولين وش الجديد والمميز ؟؟؟ :mad:

لا وربي المميز فيها انه في بيتك وفي مكانك في غرفتك تسوين حركات تحرق الكالوري والدهون وكأنك ماشيه ميل واحد

وفي دي في دي آخر ميلين اثنين وفي دي في دي ثالث كأنك تمشين 3 أميال

والحركات جدا سهله نحفت وشدة لي أردافي وظهري وصدري وبطني وتستخدم أثقال خفيفة وممكن تستغنين عنها

وتناسب حتى الكبار في السن

وأنا علشان ما أتملل أشغله على اللاب توب

وأسوي الرياضة والرموت في إيدي وأفرر في القنوات في التلفزيون

وربي أخلص ساعة الرياضة وأنا ما أحس بالملل والوقت :time:

وممكن تسوين على القوقل بحث باسمها وبتلاقين بعض الكليبات لنوعية رياضتها قبل لا تشترينه

وأنا بس حبيت أنصحكم لأني ماشاء الله وصل وزني 66 وأحاول بعد أنزل فيه :7_5_127: بحيل الله وقوته

أبغي وع الرجيم والرياضة أوصل وزني 57 إن شاء الله

وخلنا نخلي شعارنا نعم للصحة والرشاقة ولا للسمنه والشحوم والامراض

أمانة أنتظر الردود مب تسفهون لي وينرمي موضوعي ورا

102 تعليق 7,249 مشاهدة

شاركي في النقاش

سجلي الدخول لإضافة تعليق.

التعليقات

100
  1. جزاكى الله خيرا حبيبتى
    وان شاء الله توصلى للوزن اللى تبيه بصحة ومن غير شر ولامرض
  2. @albloyh

    الله يجزاااااااااااااااااااااااااك كل خير وانا باذن الله بروح اليوم كارفور وادورها من جدا نفعتني نفعك الله بعملك دا في الجنه:D و***** الله بدعيلك كل يوم قبل الفطور انو ربنا يحققلك الى تبغيه وشكرا
  3. @om_firas

    مشـــكوورهـ أختـــي وان شاء الله توصلي للوزن الي تتمناه وانتي بصحه وعافيه

    يعطيكي العافيه
    :26:

تابعي تجارب أخرى من هذا القسم.