قررت أتغير .... و برضو فى قعدة الستات !!!!

مساء الخير عليكم يا بنات وحشتوني

حبيبه ربنا يفك كرك و يقويكي و ينجحك ان شاء الله


ايناس
يعني انت حاليا عايشه في اسكندريه؟؟؟؟طب فين يا بنتي



مشمش
مالك النهارده خضيتيني


مادو
ميرسي على السؤال


عروس
كان في ايه في برنامج صبايا خضيتوني؟؟؟؟؟؟؟؟


باقي البنات يارب تكونوا بالف صحه و خير

محدش يعرف اخبار عن نيرمين بقى لها كتيييير مفيش اي اخبار ربنا يطمنا عليها


النهارده يومي كان جمييييييييييييل و كله انجاز الحمد لله
اصلي قررت اني منامش بعد ما اصحى اصلي الفجر
و اقرا قران و الاذكار و بعد كدا اجهز حاجه الحضانه ليويو و اصحيه و بعد ما ينزل مع باباه انام
فبجد حسيت ان اليوم طويل و عملت مليون حاجه
و المفاجاه اني حفظت 3 صور من الجزء ال30 الحمد لله و بجد من ابتدائي معملتهاش
بس فعلا تنظيم الوقت بيفرق جدااااا


اللي ضايني ان يوسف رجع من الحضانه متعور في وشه و هدومه عليها دم
هو قاللي اتخبط في الترابيزه

بس يا بنات انا حاسه انه مش بيحكيلي كل حاجه و مش عارفه اعمل ايه هموت من القلق ان حد يعمله حاجه و ميقوليش

ياريت اللي ولادهم في حضانات يقولولي بيتعاملوا مع المواقف دي ازاي؟؟؟


يلا هجيلكم باليل ان شاء الله

السلام عليكم ورحمه الله وبركاته
ازيكم يااجمل بنويت يارب كلكم تكونو فى احسن صحه واسعد حال
ممكن طلب انا عارفه انى طلباتى كترت هههههههههههههه بس انا عارفه انكم كرام
التورته الجاهزه بيكون عليها طبقه من الشيكولاته مزينه بيها بتكون مش ماسكه ومش سايبه
عامله زى الكريم شانطى وطعمها مفيهوش كريم شانطى
لو حد يعرف يقولى على طريقه الكريمه دى ياريت تساعدونى ولكم جزيل الشكر

مساء الخير يابنات

انا لسه مكلمه نرمين دلوقتى
وهى الحمد لله بخير بس طبعا الوضع صعب جدا وبتسلم عليكم كلكم وبتبلغكم تدعولها

الغااليه عطر الشموع
بصى ياحبيبتى من تجاربى مع اولادى
لازم تدى ابنك ثقه بنفسه وتعودهوش على الخوف يعنى صاحبيه وانزلى لمستوى تفكيره
قبل ماتعاقبيه على اى حاجه عملها او اى غلطه افتكرى كويس جدا انه طفل
وياريت يابنات وانتم بتتعاملو مع اطفالكم فى طرق العقاب تفكروا شويه هل لو فعل الغلطه طفل تانى غريب
هل هتقدرى تعاقبيه وبالضرب مثلا كما يفعل البعض مع اطفالهم او هتشخطى فيه طبعا لا وممكن تطبطبى عليه
ياريت نعامل اطفالنا زى كده بالظبط ونعرفهم الغلط بهدؤ صدقونى هتكسبوهم وهتكسبو نفسكم كمان
لو اديتى للطفل الامان هيحكيلك كل حاجه ولو ااتمنك على سر متقلهوش لحد حتى باباه بس لو لازم تقولى لباباه فى نفس الوقت ياريت باباه ميبينش اتانه عرف حاجه بكده الولد لاو البنت هتفتح قلبها وعقلها لمامتها والام هيا الكسبانه
ليه بقى لانها ساعتها هتثق فيكى وكل حاجه هتحكيها ولو محتاجه مشوره مش هتستشير حد غريب او صحبتها
وساعتها الله اعلم الصديقه دى او الزميله اى كان بتفكر ازاى وشكل سلوكها ايه
ربنا يباركلكم فى اطفالكم ويعينكم ويعين باباهم عليهم يارب
تقبلو ردى

لميا اشربى ميراميه بتقلل هرمون الحليب وكمان البردقوش
تحيا مصر جزاك الله خيرا انك طمنتينا على نيرمين ربنا يفك كربهم
ام اسلام جزاك الله خيرا على معلوماتك فى التربيه
عطر مبروك للحفظ وهى دى بركة البكور فعلا الاستيقاظ للفجر وبعدها تكملى يومك
بيكون يوم كله نشاط
بالنسبه لبرنامج صبايا اه ياعطر كارثه والله بس مش عارفه اتكلم
انشر الغسيل ازاى لما نتقابل على الياهو
بالنسبه لموضوع يويو والمدرسه
طبعا هو بدأ يخرج للعالم الخارجى فلازم تكونى هاديه جدا معاه
وتخليه يحكى كل حاجه بس مش بطريقة سين وجيم
لا استدرجيه مين اكتر صاحب بتحبه المدرسه قالت ايه
بتحب صحبك ليه وبتكره التانى ليه
فحا تجمعى معلومات عن اصحابه وبعدها حا تكتشفى اى تغيير طرا عليه
مصدره اى صاحب وتبدأى تحلى المشكله
اما بالنسبه للضرب وارد طبعا انه ييجى مضروب من صاحبه
فنصيحه لازم تعوديه يواجه بنفسه وفى نفس الوقت
تقولى له كلهم اصحابك ولازم تلعبوا مع بعض
ولازم تكونى على علاقه مع اى مدرسه فى المدرسه عشان تعرفى منها اخبار ابنك
لكن بدون هو ما يعرف انتى حا تشكلى شخصية ابنك
انه يعتمد على نفسه ويواجه لكن انتى حا تكونى الايد الخفيه ال نترسم وتخطط
للطريق ال يمشى فيه
لانك لو تدخلتى فى كل كبيره وصغيره وانتى ال حا تواجهى حجا تعوديه على الاتكاليه
وتهمشى شخصيته جدا وطبعا اهم حاجه الدعاء فى كل صلاه بالصلاح وربنا يكفيه شر السوء واصدقاء السوء
ام اسلام الصوص ال بتسالى عليه
عباره عن علبة قيمر قشطه معلبه او قشطه طبيعى وعليها سكر حسب الرغبه وملعقة اكل كاكاو او نسكافيه
وتقلبيها على النار بمضرب يدوى دقائق وتستخدميها للتزيين