خواتي بستشيركم في رجل متقدم الله يجزاكم خير

السلام عليكم

ساعات اقول لاي وحده تستخير في امور الخطبه و الزواج

بس هذا ابدا مايبالها تفكير انسي الموضوع

واذا كان رغبه في النفقه

فيا اختي مدام بنتك كبيره ماشاء الله دوري لك على وظيفه ان شاء الله مدرسه تمهيدي

نعمه وفضل من الله

ولا تضطرين لشي بكره عواقبه ماتسرك

وكأن هذا الزواج تفوح منه ريحه المسيار :(

بعدين عمرك 35 سنه يعني لسى صغيره ليش متشائمه .

السلام عليكم ..

شوفي حبيبتي ..

بغض النظر عن آرائنا ..

انتي اجلسي مع نفسك وفكري ... لأنك انتي مهما شرحتي لنا فأنتي ادرى بظروفك اكثر من غيرك..!!

ثاني شئ ... هو من البدايه ما كان صادق وهذي النقطه محسوبه عليه قال نه متزوج من ثالثه ..!

ثالث شئ .. ظروف هذا الشخص صعبه .. يعني ماتشوفينه كثير يعني كل عشرين يوم .. يعني مره في الشهر فهل انتي مستعده انك تتزوجين هذا الشخص؟!..

رابع شئ.. هل هو بيتزوجك مجرد زواج ينام معك ويمشي؟؟ ولا بينفق عليك ويفتح لك بيت ويبي منك عيال؟؟ ويهتم فيك كـ زوجه لها حقوق وواجبات؟؟..

***************************************************************************************************


شوفي يالغاليه انا بعطيك رأيي بكل صراحه ووضوح انسان زي هذا ظروفه صعبه وانتي بحاجه لرجل في حياتك مو ظل رجال وبس... وسبق لك تجربه فحرام تعيشين تجربه ثانيه من زواج نسبة فشله 80%..

الأنسانه اذا تبي تتزوج تبي انسان تحتمي فيه يحس فيها يقاسمها الحياه بالحلوه والمره.. صعب صعب صعب تحصلين هذا الشئ مع هذا الخاطب.............واقولها لك بكل صراحه اي انسانه بهالدنيا خاضت تجربه فاشله في زواجها الأول لابد تحذر انها تخوض الفشل مره ثانيه...

غير كذا الشخص هذا ماراح يعدل بينك وبين حريمه الثانيات.. انتي يمكن تقولين مايهمني اهم شئ افتك من الضغوط اللي انا فيها... وانا اقولك غلطانه لأن مع العشره راح تحبينه والله ان تتعب نفسيتك اذا تتصلين عليه وتسمعينه بين عياله .. او مسافر مع زوجته الثانيه او او او الخ... بأختصار لاتاخذك احلامك الورديه بعيييييييييييييييد..!


اما اذا انتي استخرتي وارتحتي له .. ولك رغبه بزواج منه.... لازم تشترطين هذي الشروط واشك انه يوافق :) ..

1/ مصروف شهري لك نفقه...

2/ يفتح لك بيت شرعي..

3/ مايحرمك من الأنجاب ...

4/ اذا تبين تتوظفين مايمنعك..


ونصيحه فكري زيييييييييييييييين قبل ماتقدمين على هالخطوه موفقه ان شاءالله :)

بصراحة .. اللي من أولها يخبي شيء .. يعني مخبي أشياء وأشياء غيرها .
.
.
تستخير وتشوف إذا هي مستعدة تتحمل أسوأ الاحتمالات مثل مابترضى بأحسن الاحتمالات يجيها كل 20 يوم ؟؟
.
.
اشوفها لسه صغيرة وتقدر تلاقي عمل خاصة في المدن الكبيرة مهما كان تعليمها
تتوكل على الله .. ثم تثق بنفسها وبأنها قادرة تتحمل مسؤولية نفسها
أصعب شيء .. لما اشوف واحدة تتزوج عشان تبغى الستر وراحة البال وتلاقي العكس
خاصة اللي مااشتغلت ولا شافت الناس كيف ماتفكر غير في مصلحتها .
رزقها بيد ربي .. واللي كاتبه لها بتأخذه بدون أي نقص فلا تستعجل وتفكر كويس وتستخير .

وربنا يرزقها بالزوج والوظيفة اللي تتمناها يارب .

يابعد عمري اخاف تطلعين من دحديره لحفره والله مدري كيف المثل بس اخاف تروحيين لحياة ماترتاحين فيها
والرجال الي ياخذ ويترك ويتزوج ينخاف منه فكري اكثر واكثر واستخيري الله ييسر امورك ويخلي لك بنيتك ولايعوزكم لاحد