::موضوع مختار:: تعالو نفضفض ونحكي عن موقف محرج تعرضتي له بسبب السمنة

والله يا بنات انا كل يوم بقعد اقرا تجاربكم ومعانتكم والله مفيش حاجة مستحيلة بس انتوا خدو القرار وربنا هيكرمك ان شاء الله

هاي دبدوبات

بصراحة مواقفكم تموت ضحك

انا اتذكر شاركت بمثل هالموضوع قبل سنة تقريباً بس هذا اكيد موضوع ثاني

انا قبل 3 سنين كنت متينة حيل حيل .. لكن الحمدلله ربي هداني للطريق الصواب لول

واتخذت قرار اعتبره من اهم القرارات واللي تحول لإنجاز بحياتي عمري ماراح انساه .. وهو اني ضعفت وتحولت من وحدة متينة ودبة وغولة .. الى وحده ضعيفة ويلد على عظم <<طبعاً هذا قبل هين انا الحين شوي متنانة بس بعدني رشيقة :27:

المهم خلوني اكلمكم عن موقف محرج وسخيف .. من احرج المواقف اللي واجهتها اثناء سمنتي .. واهوا نفس الموقف اللي كتبته من قبل

مرة كنا رايحين معرض كبير مسوينه بالكويت .. وكان هالمعرض خاص بالدراعات .. عاد انا رايحة مع اهلي للمعرض ووقتها كان عمري 17 سنة او اقل

المهم وقفنا صوب محل والبياع فيه واحد هندي كرهني بنفسي

شافني وفجأة من غير ما اطلب منه شي ولا قلتله ابي شي

راح طلع دراعة شكلها غرييييييب تقولون خيييييمة مو دراعة ..ومقااسها اكبر بوايد من مقاسي بذاك الوقت يعني بإختصار حجمها بقري

امي وخالاتي قالوله شنهو هذا؟ قالهم هذا حق حرمة متينة .. ويطالعني طبعاً يعني يقصدني :04:

عاد لاتشوفون انا شسويت فيه خخخخخ .. مابغا الا عمره المسكين

وماخليت اهلي يشترون منه ووقتها عصبت وزعلت

الحمدلله الايام عدت على خير الله لا يعودها يارب

مواقف محرجة تصير لنا .. انا لو اعد لكم كم موقف مابخلص.. هذا غير الكلام الي يجرح ..