افضل نفاس ومريح ...........؟

4 فبراير 2009

بسم الله الرحمن الرحيم

كيفكم ان شاء الله بخير

طريقتي بتجهيزي لنفاسي للفائدة :

اولا أجهز من العطار قبل موعد الولادة مايلي :

نوعين من الحوايج انا اللي اسويها عبارة عن :

النوع الاول :
*البواذر متوفرة عند العطار جاهزة بدون طحن واللي حابة تشتري كل شئ لوحدة وتخلطها بعد عااادي ومكوناتها
حلبة (انا استخدم الوطنية او النجدية ) + سويدة + شمر + ماش + شوي فلفل أسود + شوي قرفة .

والنوع الثاني :
*المردود انا اسويه بنفسي ولي 12 سنة علية بالنفاس والدورة ولا احب اجرب أي مردود من أي وحدة الا من ثقة تسويه لان بعض المردود اذا وقفته الوحدة ترجع خربانه يعني لازم تستمر علية والنوع هذا احيانا من نفاس الى نفاس ولا تغير علي شئ ومن دورة على حسب مزاجي وأقسم بالله العظيم ان مايغير .

وهو مكوناته :
مثل مقادير البواذر وتضيفين عليها الصك واللك + والعفص + والكلوة + وشوي كركم + سكر نبات حسب الرغبة وشوي زعتر حق الشاي .
*وبهار القهوة اذا حبيتي حطي كمون ونونخة وقرنفل وزنجبيل وقرفة وعصفر مطحوونة بعلبة تاخذين منها مقدار ملعقة في الدلة .

*المرة ضروري توفرينها تنقع بموية وتشرب وتتوضين فيها
وتحطين بفنجان القهوة شوية اذا حسيتي بشمم وان تتقهوين لانها معرووفة مضاد حيوي .

*القشر تطبخينه مع القهوة انا ما جربته بالنفاس بس الحين مع الدورة زين .

*العنزروت روعة مقدار نقطة في القهوة لانه مر ينظف المعدة من الغازات والرحم مفعوولة مثل الحلتيت بس ارحم مرارة ينظف ويضوق وعلى فكرة موبس بالنفاس حتي مع الدورة .

*الخوا جوا تطبخ بزيت زيتون وتحطينها بعلبة تدهنين الفوطة كل ماغيرتي وتمسحين على الجرح تعقم .

*الغسولات الملح مع المرة بس لاتكثرين الملح الايام الاولى لانه ينشف الخياط

*مطهر السافلون الاصفر حلو او الديتول الاخصر حق العناية الشخصية .

كنت استخدم الدباغ الارطة والجفت بنفاسي الاول والثاني بس وقفته بنفاسي اللي عقب لانه يسود المنطقة والمطهر يغني عنهم والمرة المنقوعة بالماء .

اهم شئ النفاس ماتحسين بجوع وتبتعدين عن البرودة والماء البارد

تكثر من شرب الماء الدافئ لانه يغسل الكبد والبطن والرحم بعكس كلام جداتنا يمنعون من الماء طلع العكس انا معي المويات غزيرة بفعل الحوايج وشرب الماء تنظفني وتنزل كل البلاوي يعني ماتكمل الاربعين الوحدة الا خلصت ونشفت >>يعني لاتستغربين البلاوي اللي تنزل .

والمشي والرياضة الخفيفة تخليك تقومين بسرعة وتنشط الدورة وتشد الجسم يعني يفضل الاسبوع الاول منسدحة على الظهر او قايمة تمشين ماتكثرين الجلوووس

ابتعدي عن الشمم والعطورات والبخور اذا كنت ماشميتيها بعد الولادة مباشرة احنا الوالدة نجيب لها منديل في كل رشة من عطوراتها وريحة البخور نخليها تشمه عشان بعدين مايضرها .
امممم باقي شئ ماادري عندي ضيوف واحاول انفعكم والله لاني احب افيدكم مثل ماستفادوا مني جاراتي ويدعون لي وصديقاتي واي سؤال انا حاضرة .

التعليقات

ايش افضل فوط نفاس

أفضل غسول وقت النفاس

افضل فوطة لغزارة الدم النفاس. تصويت الله يسعدكم

افضل دويات النفاس

النفاس افضل عند اهلك ام في بيتك ؟؟ شوروا علي