جدتي وامي يقولون لازم اذا جتك الدورة تملين بطنك وانا مسوية ريجيم

نفسي أفهم شو هالكلمة اللي ماسكينها كل البنات ((جاتني الدورة ))
هل معناها خلاص لازم أخبص وأكل الأخضر واليابس ..
انا زيكم سمعت كتير بيقولو عن خراب المرأة بس هيدا في حالة الجوع ..
((رغم اني مش متأكدة كتير من المعلومة اللي فوق ))
إلا أنه ممكن ما تجوعي حالك وبنفس الوقت يكون اكلك كلو صحي ..
يعني فطورك مثلا كوب حليب بالقرفة وبيضة مسلوقة وتوست أو بدل البيضة جبنة او مرتديلا
أو حتى ممكن حليب أو نسكافيه وتوست وحبة فاكهة ..

والغدا ..
ممكن شوربة خضار او سلطة ومعاها نوع بروتين مشوي او مسلوق وتوست او ربع رغيف
أو ممكن تبدلي التوست بحبة فاكهة

والعشا ..
زبادي مع حبة فاكهة
او لو كتير جوعانة ممكن تضيفي نخالة .. او سلطة ..


وأتحدى اي وحدة تقوللي خرب ريجيمها .. او حتى خربت هيي ..
لإنه هيدا اكل صحي وكامل العناصر ..
يعني هيك بتضمني بشرتك تكون مشرقة وحلوة .. وشعرك صحي ولامع وما يتساقط
وبنفس الوقت ما تتأثر دورتك ..
وممكن تزيدي شرب السوائل الدافية وكثري القرفة علشان تنزل وتنظف بسرعة ..


نصيحتي المتواضعة اختي انك ما تخربي ريجيمك وما تردي على امك وستك .. لإنه الله يسعدهم في عندهم كتير معلومات متوارثة وقد تكون اغلبها مغلوطة .. او بطريقة ما او جزء منها غير صحيح ..
يعني اسمعي كلامهم بجزء وجزء لأ ..
ملي معدتك بأكل صحي تماااااااااااام ..
يعني ابتعدي الدقيق الأبيض ومنتجاته .. خبز .. كيك .. بسكوت
الدهون ..
الشوكولا بأنواعها .. والسكريات المصنعة كذلك ..
يعني كلي لو خطرلك شي حلو .. استخدمي العسل .. او مثلا قطعة توست نخالة عليها مسحة عسل طبيعي ..
أو ..
انا مرات بس يخطرلي شي حلو ..
بجيب علبة زبادي خالي الدسم .. وبقطع عليها تفاحة وبرش عليها رشة قرفة ورشة زغيري سكر بني او سكر دايت باعتبار ما بحب الحلو كتير
وبهيك بكون ارضيت رغبتي بالحلو .. وبنفس الوقت كل شي صحي ..


هيدي نصيحتي الك ..
والله من وراء القصد ..

امليه لكن بشي مايسمن

كثري سوائل حاره وتمر واصلا انا في الدوره تكون شهيتي مفتوحه :(