هلا بك اختي وشاكره مرورك ولا فيه احراج ولا شي انا بجاوبك على سؤالك بكل بساطه ليش الاحراج يعني
شوفي يالغلا انا خريجة معهد معلمات ومعاهد المعلمات يتم الالتحاق بها بعد المرحله المتوسطه والدراسه فيها ثلاث سنوات وتتخرج الطالبه وهي مؤهله للتدريس لانها تشتمل على فرع تربوي وطرق تدريس وتطبيق عملي بالسنه الاخيره والوالد هو اللي اختار لي هالطريق قلي بدل ما تتعبي وتدخلي جامعه والا كليه ومشوار طويل اقتصري الطريق بثلاث سنين وبعدين كملي دراستك اذا ودك وانتي معلمه احسن واريح وانا استحسنت الفكره وفعلا درست ثلاث سنوات وتخرجت وتعينت بوظيفه رسميه بنفس السنه اللي تخرجت فيها لان المدارس كانت بحاجه الى معلمات سعوديات وحاولت اكمل دراستي وقدمت طلب لكنهم رفضوا لاني كنت ابي لغه انجليزيه وهالقسم بالذات يبيله تفرغ ونظام التفرغ انلغى مافيه الا انتساب والانتساب ما يفيدني بالانجليزي
واحنا عندنا كل البنات يتزوجون وهم يدرسون يعني الوحده تتزوج وبعدين بكيفها تكمل والا ماتكمل شي راجعلها وبكذا اكون انا بالنسبه لبنات عيلتنا كبيره على الزواج يعني شوفي خواتي تزوجوا وهم بسن الدراسه لكن انا ياحسره درست وتخرجت وهذا انا جالسه
وبالنهايه ما اعتقد هذا موضوعنا يعني لازم اكون 35 والا 40 عشان اكون اكسر الخاطر وعشان اكسب تعاطفكم هي في الاخير حاله انسانيه محورها منع والدي من تزويجي بسبب راتبي بغض النظر عن عمري يعني لو كنت بالخمسين وانا بيدي راتب ما بيزوجني واخرتها راح اوصل للخمسه والثلاثين وللاربعين وانا بعد ماتزوجت اذا ضل ابوي على رايه اعتقد السن ماله علاقه اي بنت تطمح وتحلم بالزواج لانه ستر وعفاف
وشاكره مرورك اختي
حكاية معلمة (والدي يرفض تزويجي بسبب الراتب)
متابعة النقاش، صفحة 38