حكاية معلمة (والدي يرفض تزويجي بسبب الراتب)

هلا اختي انا توقعت هالشي لأنك قلتي أبوكِ يصلح بين الناس ويعتبر الزواج ستر للبنت <<يعني مجرد تخمين

بالنسبه لبوي الله يرحمه كنت أنا اول وحده تشتغل من عياله ,, أختي الكبيره تزوجت وهي في المدرسه يعني
ماكملت وبالتالي ماشتغلت ,, وأختي إللي أصغر مني شتغلت في وقت كان ابوي خلاص طلع من البيت بسبب أمي فلأن مافي تواصل ماقدر ياخذ من راتبها وفي نفس الوقت كان ذهنه مشغول بموضوع خلافه مع أمي ,, أخوي قبل
لايشتغل أبوي عطاه سيارته<< لأنه ولد فطبيعي المعامله بتكون غير وطبعاً ما أخذ منه ولا فلس من راتبه بالعككس كان هو يعطيه كل ما طلب منه أي مبلغ أختي الصغيره أشتغلت بعد ماتوفى أبوي ,, أنا إللي تدبست في الموضوع ,, كان أبوي مسوي نفس الشي معايه ,, ماخذ بطاقتي المصرفيه وهو يستلم راتبي
ويعطيني فقط (500) درهم ,, وهذا المبلغ لازم أدبر فيه كل أموري ,,مع العلم أني كنت أسوق سياره والبترول ياخذ مني معظم هالمبلغ ,, وملابسي كانت تفشل لأن المبلغ مايكفيني,, يمكن تسألين كيف قدرت أشتري سياره وهو ماسك فلوسي؟؟ أول شي خلاني أتعلم السواقه من راتبي والحمد لله خذت الليسن بسرعه ولا كان بيبهلدني ,, وهو راح ودور لي سياره مستعمله وسواقتها كانت صعبه وطبعاً هالشي مب حباً فيني لأ كان يبغي يتخلص من هم التوصيل للدولم والرجعه منه ,, وبعد ما خذت السياره ظل الموضوع على حاله (500) درهم فقط لا غير ,,
لين الله أفرجها علي وتخلصت من ذاك الوضوع الصعب بعد حولي 4 سنوات من بداية شغلي ,, والحمد لله .
اسمحيلي وسامحيني طولت عليكِ بسرد القصه لأني حبيت اجاوب على أستفسارك بالنسبه لمعاملة آبائنا لنا .

وهذي نبذه بسيطه من معاملة أبوي لي وفي أمور كثيره ما وضحتها لأن لو كتبتها يمكن ماتكفيني 10 صفحات في هالمنتدى
على فكره انا أكبر منك بكثير ولين الحين بعد ماتزوجت ,, بس متوقعه من الله يعطيني حظ عظيم يعوضني عن كل مافت .

هلا والله اختي الغاليه والله يخليك لأهلك ياطيبتك ويابياض قلبك وابشري من عيوني اذا عزمت ابعطي خبر قبل بيوم والله يكتب اللي فيه الخير يارب وشاكره متابعتك اللطيفه والرقيقه

هو ابن الحلال موجود مره واحد خطبني واستمرت خطوبتنا اسبوع واحد وبعدين ابوي فركشها واعتذر من الشاب وقله مالك نصيب عندنا بس هو بعده يبيني للحين ما تزوج واخته هي اللي طلبت من زميلتي تسأل ابوها القاضي اذا يجوز يزوجني بوكالة اخوي بدون معرفة ابوي وابوها قال ايه يجوز وهي ايدها بالموضوع صرنا شله يعني هي واخوها و انا واخوي وعمي واثنين من خوالي وامي وزميلتي وابوها القاضي اللي بيعقد لنا وبصراحه الموضوع بدأ يتضبط وكن المسأله بدت تصير جد بس انا اللي خايفه بمووت من الخوف مدري ليش


شاكره مرورك اختي ولاحول ولا قوة الا بالله

هلا بك اختي مره ثانيه معليش يالغاليه لا يكون زعلتي مني انا والله مو قصدي بس طار عقلي وماقدرت اركز ابوي مستحيل يجمع فلوس عشاني والا عشان اي احد بالدنيا

على كل حال الله يفرجها علينا ويسهلها معانا ويعطينا على قد نياتنا ولا يكلنا الى انفسنا طرفة عين

وشاكره مرورك يالغلا