حكاية معلمة (والدي يرفض تزويجي بسبب الراتب)

آمين يارب العالمين شاكره مرورك اختي الكريمه وجزاك الله خير

هلا بك اختي نورتي موضوعي وشاكره اهتمامك وردك اللطيف اللي يثلج الصدر ويسعد الخاطر والله بيني وبينك دعوة المسلم لاخيه المسلم بظهر الغيب لها تأثير عظيم وهذا اللي انا حسيته يعني سبحان الله من بعد ما كتبت الموضوع وكل البنات تفاعلوا وردوا علي ونصحوني بقيام الليل وكثرة الاستغفار و بعد ماقصروا كلهم دعوا لي فسبحان الله تغير الحال ووين كنت ووين صرت الحين انا على مشارف تنفيذ الخطوه اللي عمري ما كنت اتخيل نفسي اسويها بدون موافقة وعلم ابوي يعني تخيلي اني ابتزوج من غير علم ابوي وسبحان الله كل ما احس بخوف اجي هنا وافتح الموضوع واقرأ الردود واتشجع وينهزم فيني الخوف واقتنع بكلامكم اني على الطريق الصحيح واني اللي بسويه مو غلط خاصة ان اخوي وامي وعمي واخوالي كلهم معاي صدقوني يا اخواتي عمري ما راح انسى وقفتكم معاي ما اقول غير جزاكم الله عني كل خير والله يجعلها لكم في موازين حسناتكم

هلا بك اختي

تصدقين من البدايه مادخلت راسي فكرة البخور بس قلنا يمكن ابوي يكون فيه شي وهالبخور بيوضحه لنا لكن ابشرك ربي صرف تفكيري وتفكير امي عن البخور وامي قالت هو ابوك كذا من يومن تزوجته ما زاد ولا نقص منه شي هو هو ما تغير

ومشكوره على دعواتك ولك بالمثل يالغاليه وهذا اللي انا محتاجته الحين اكثر من اول وقفتكم معاي ودعواتكم بظهر الغيب وجزاك الله كل خير