حكاية معلمة (والدي يرفض تزويجي بسبب الراتب)

ياعمري قسم بالله إنك مثال في الصبر والأكثر حرصك على عدم جرجرة أبوك في المحاكم مع إنه يستاهل هذا الشيء... الله يرحم حالك ويحنن قلب أبوك ... وردك الأخير واللي سواه مع أمك وأخوك ضيق صدري بس إن شاء الله الوالدة رجعت عندك في البيت لأنه صعبة مرة قعدتك لحالك في البيت ..

والله اختى انا نفس حالتك بس ابوي ما ياخذ راتبى لا يقول اصرفي على البيت لما يكبرون اخوانك وخواتى كلهن تزوجن حتى الاصغر منى وانا قاعدة بين الاربع جدران بين دموعى ودفاتر تحضيرى

هلا بك اختي

ابوي من يقدر يحتال عليه ؟؟؟؟؟

الله يثبتني على الدعاء والاستغار ويعوضني خير

شاكره مرورك وجزاك الله خير

هلا بك اختي

صدقيني يالغاليه انا حزينه على ابوي اكثر من حزني على نفسي صحيح ابوي قاسي علي وموريني الويل لكنه رجال كبير بالسن وعنده الضغط والسكر اقوم انا اكملها واجرجره المحاكم وعشان ايش عشان اتزوج انا خايفه من زواج المحكمه لاني طول عمري ما بكون مرتاحه بزواجي وبحياتي مع زوجي اللي زوجتني له المحكمه بدون موافقة ابوي يمكن بيوم من الايام تحصل بيني وبين هالزوج مشكله والا شي اكيد بيقلي روحي انا ما تزوجتك الا من المحكمه ومن دون رضا ابوك ومابيكون عندي ظهر اسند عليه راضيه بعيشة الهم عند ابوي احسن من اني اطلع عن شوره حتى لو هو ظلم لي ما اقول غير الله يهديه

وبالنسبه لامي مازالت عند اهلها امي خلاص ما عاد تقدر تتحمل العيشه مع ابوي وانا معها بهالقرار بصراحه خايفه عليها تتعب والا تنهار وبعدين عاد اقعد بدون أم احسن تقعد ببيت اهلها لا عين تشوف ولا قلب يحزن وانا اكلمها بالتلفون كل يوم واطمن عليها

شاكره مرورك اختي وجزاك الله خير