عايزة تعرفى أستمرينا لية تعالى أقولك !!!

بنات اترككم فى رعايه الله عشان اصلى الظهر و احضر الغدا و ليا بيكم لقاء اخر









السلام عليكم و رحمه الله و بركاته

ازيكوا يا بنات
انا جاية مخصوص علشان اطمن ام البنات
ميرسي ليكي يا قمر على اهتمامك وسؤالك
وطبعا انا مدمنة الصفحة دي يعني اول ما بدخل الشغل بفتحها وكل شوية رفريش لغاية ما بمشي
انما مش عايزة اشارك لاني مودي وحش وحتى معنديش حاجة اقولها
احساس الظلم وحش لما كل اللي بنيته يتاخد فجاه مني وانا مش عارفة اعمل حاجة علشان مدير ظالم محسسني بالعجز وقلة الحيلة
حسبي الله ونعم الوكيل
اكيد زهقتوا من الحكاية دي بس هي ماثرة عليا وعلى حياتي كلها حتى وانا نايمة بحلم بيها

الظلم وحش اوي
بس انا متاكده ان حقي عند ربنا وربنا هينصرني وفي شغلي ان شاء الله

يعني شوية كده استرجع حالتي الطبيعية وارجعلكوا تاني

بس والله كل ما بيكون في سايت او موضوع حلو بقراه بحب تشاركوني فيه لو عجبني علشان كده بحط اللينك منغير مشاركه

لازم تعرفوا اني مقدرش استغنى عنكوا بس هي الحالة النفسية في الحضيض ويمكن اللي مصبرني ردود افعال زمايلي ربنا يباركلهم ساندني (طبعا غير اللي خدت شغلي)
ودعواتكوا فارقة معايا جدا

ميرو حبيبتى احنا مش ممكن نزهق منككل واحد بيقع عليه الظلم بشكل او باخر من الزوج او الشغل او الاهل الجيران وناخذ اجر ان شاء الله وتذكرى دوله الظلم وان طالت ساعه انما دوله العدل وان غابت كل ساعه وقريب هتاخدى حقك (وما ربك بظلام للعبيد ) كفايه انك شفتى اخلاص زمايلك واعتبرى ان ده اختبار ربنا ليكى فى الصبر وعاوزكى تاخدى اعلى درجه ربنا يجعلنا من الصابرين
ام جميله انا بظبتك كل يوم اون لاين وما بتدخليش بعد كدة هتدفعى غرامه

ميرو معلش يا قمر و لا يهمك اختبار صغير لو قابلتيه بالصبر هتلاقى احسن مما تظنى غن شاء الله و اكيد قريب بامر الرحمن نسمع عنك احلى اخبار


هدى بصراحة معنديش فكرة عن موضوع الختان اوى بس انا واحدة من الناس مش حاطاه فى دماغى و لا متخيلة فى يوم من الأيام اختن بنتى

اما بالنسبة ليومياتى يا حلوين

يوم الخميس روقت البيت فى السريع كده و اكلنا و قعدنا مع بعض
يوم الجمعة نضفت البيت كويس و الأرضيات و الأخشاب و نضفت الفرش و الحمام طبعا و المطبخ و كنست بالمكنسة الكهربا و عملت انجاز انى رتبت ضلفتين من الدولاب الحمد لله و حميت بنتى و استحميت و جبنا اكل من برا و عملت تارت تفاح اللى كانت قايلة علية رانيا تحفة بجد و جميل و مقرمش و انضف و احسن من برا الف مرة و من فضل الله عجب زوجى

يوم السبت روقت البيت برده فى السريع و كان فية غسيل غسلت و طبقت الغسيل و عملت كوسا بالشاميل و معاها فراخ بانية تبلتها بملح و فلف و بصل و ليمون و زعتر و معلقتين زبادى و سبتهم شوية و بعدين خلطت دقيق و بقسماط مع بعض و حطتهم فيها و قليت بصراحة بسم الله ما شاء الله طلعت تحفة من غير بيض ابقوا جربوها يا بنات