بصراحة الله يكون بعونج على هالمصيبة
بس لا تجعلي من هذه المصيبة سبب لخسرانك بيتك وعيالك وزوجك ووظيفتك
أولا : تقبلي الواقع وحاولي تتعايشين معاه ، والله أدري انا هالشي وايد صعب بس حاولي كثر ما تقدرين
ثانيا : تركك لوظيفتك أكبر غلط ، يمكن أقولج ارتاحيلك شهر أو شهر أو نص و من بعدها ردي للدوام ، صدقيني معاشك وايد راح ينفعك وقت الازمات خصوصا لحالتك ، وبعدين الدوام يشغل وقت فراغك بدل ما تكونين مقهورة بالبيت .
ثالثا : اهتمي بنفسج ، قصي شعرج وصبغية ، اذا كنتي متينة سوي ريجيم ، اشتري ملابس بيت جديدة وستايل
يعني ردي بنفسج 10 سنوات قبل ، ادلعي شوي.
رابعا : عيالك في أمس الحاجة لك ، لا تبينين لهم انك انجنيتي من زواج أبوهم صدقيني راح تعقدينهم ، والمستفيد الاول والاخير من هالشي الزوجة الجديدة راح تلعب دور العاقلة اللي راح تتكفل بعيالك بدالك و تكبر بعين زوجك أكثر وتكونيين بنظرة وحده مجنونة ، أدري هالشي صعب بس الأصعب انك تتركين نفسج تدمرين بيتج وعيالج ومستقبلج .
حبيبتي طبقي الخطوات هذي وذكري الله وكثري من الصلاة والقرآن صدقيني راح تكونين أقوى وتردين حق زوجك وعيالك ، وزوجك اذا شافج كاشخة و متعطرة يوم عن يوم راح يحن ويرجعلج ويمكن ينسى زوجته الثانية بعد
واخيرا اقولج : عيالج في أمس الحاجة لج رجعي لهم ولا تفقدينهم
والله يوفقج :24:
وقوليلنا بعد تطبيقج هالخطوات شصار
زو جى مع زوجته يستعبطونى
متابعة النقاش، صفحة 24