وش فيك،، بديتي تترددين بعد ما مشيتي صح لالالالالالا تترجعين ...
و انت ليش لحد الحين حاطه الاخرين عقبة كبيرة قدامك ،، هذي حياتك الخاصة و انت الي لازم تقررين وش بتسوين؟؟؟
و الله فهمته منك أنه بدأ يتحسن معك في كلامه و أسلوبه و هي مؤشر ممتاز و دليل أنه يبغى هالتغيير و متمسك فيك...
حبيبتي لا تضييعين هالفرصة بترددك واصاغك لكلام الاخرين ،، غير عقلك لا تسمعين له و أن ما اقول لك ما تستشيرين ،، لكن صدقيني كثرت الاراء ما تتفق أبدا لان كل واحد بيعطيك رأي و أنت الي بتدوخين.....
و مسألة كلام أهله و أهلك هذا ممكن تبحثينه معه و تشوفين رأيه و طبعا بهدوء ،، و لازم تحسسينه أنك محتاجه له و لرأيه ،، و أنشاء ما راح يخيبك....
يا حلوه يافاين أولا : أحنا ما نعرف سبب الزعلة الأساسيه ( ولا نبي نعرفه خصوصيات زوجيه يفضل أنش ما تخوضي فيها ) زمان في الأمارات عندنا اذا المره أتزوج عليها ريلها ( زمان كان الزواج الثاني ولله الحمد على رؤوس الأشهاد ) وهي موافقة وراضيه ولو أمام الناس كان الزوج يقوم بأهدائها مالا وذهب وبعض الملابس وكانوا يسمونها الرضوه وكانت أختياريه يعني الحرمه ما تغصب الرجل على ها الشي بس تفرح فيها حيل ولاكن حرمه زعلانه وتتشرط فلوس علشان ترجع هذي صعبه (حتى لوكانت مضروبه ) وعلى فكره الزوج يهادي زوجته ويراضيها بالي يقدر عليه الزبده : خذي أبنك ورجعي بيتش واسعدي زوجش واصبري عليه أحسن لاتصبري على طلاق ولا ضره ( وساعتها قولي كرامتي ) كرامة المرأه عند ريلها ياحبيبتي وصدقيني بتلاقيه يراضيش بأكثر من اللي طالبتنه ( ديري بالش انسي موضوع الرضوه ) وبتقولي وجدان قالت