السلام عليكم ورحمة الله وبركاته ..
كيفكم ياحبايب قلبي ..
ادري انكم تحبون الفزعات ومراح تتركوني الحالي
ربي يسعدكم دنيا وآخره
ويير اموركم ويحقق امانيكم
أنا متزوجه لي 9 شهور وماكتب ربي لي الحمل
فحبيت استفسر عن مستوصف للفحص عن تأخير الحمل ؟؟
ابي دكتور ودكتوره ممتازين للفحص عن تأخر الحمل
كم المده مايطلع التحليل ؟؟؟ بعد ما أحلل ..
ابي مستوصف صغير مو كبير حتى مايكون زحمه
والمستوصف يكون في الرياض أو المجمعه
دعواتكم لي
خايفه ! :(:44:
ربي يجزاكم الفردوس الاعلى من الجنه ...
انتظر ردودكم بأسرع وقت ...
شاركي في النقاش
سجلي الدخول لإضافة تعليق.
التعليقات
4- رفع
- اناااااااا انصحك لاتروحين انتظري لين تكملين سنه على الاقل لانك اذا رحتي للمستشفى من اللحين بتشيلين هم
صدقيني بتتعب نفسيتك انتظري لسى بدري عليك وانسي موضوع الحمل لين تكملين سنه اوبعد سنتين ليه مستعجله على الادويه والحوسه وضيقة الصدر ..................هذي نصيحه من اخت مجربه اماااااااااااااااا مستوصف روحي لاي مستوصف بالرياض ما شاء الله وش كثرهم ون شاء الله البنات يفيدونك....................والله يرزقك ويرزقنااااااااااااااااااااااا
- .
.
أفضل لك تنتظرين وتشيلين فكرة الحمل من راسك
لأن كثر التفكير تلخبط الهرمونات وتأخر الحمل ..
عموما"
فيه مستوصف الموعد ..
عندهم دكتوره شاطره .. هويدا ..
ومعاها طاهر الصباغ الإستشاري المعروف في طب النساء والولادة
و يعالج تأخر الحمل أكثر من 20 سنه وهو معرووووووووووووف جدا"
تقدرين تسوين بحث بالمنتدى وبتعرفين عنهم ....
.
.
أما التحاليل هو الدكتور أو الدكتوره تحدد لك وش التحاليل اللي لااازم تسويها ..
وكم المده لكن ماتقعد أكثر من يومين .. أو أسبوووع بالكثييييييييير ..
أنتي أسأل وهم بيفيدونك أكثر ..
.
.
وقبل لا تقدمين على أي خطوه ..
خلي أملك بالله كبيييير .. الأستغفار والصدقه بنية الحمل ..
وصدقيني راح تشوفين الخير بأذن الله . - ان شاءالله البنات يفيدونك لاني مو من الرياض
بس عندي ملاحظه صغيره
اللي يقولون انتظري لين تكملين سنه مابقى شي على السنه
وكل ماصار الفحص بدري كان افضل يعني وش فرقت عن 3 شهور
يالغاليات العمر يجري احنا نسعى وربي يكتب لنا اللي فيه الخير
يعني انا مثل صاحبة الموضوع بيصير لي 9 اشهر وربي ماكتب لي الحمل وكشفت ماانتظرت وطلع عندي مشاكل من قبل الزواج ماكنت اعرفها وهذ انا اعالج حبه حبه وهذي وجهة نظري والسموحه على الاطاله:27:
والله يكتب لنا اجمعين الحمل الطبيعي عاجلا غير اجل ونشوف اعيالنا بأحظانا اللهم امين
مواضيع مشابهة
تابعي تجارب أخرى من هذا القسم.