السلام عليكم ورحمة الله وبركاته
وحشتونى...وحشتونى....وحشتونى
واخيرا خلصت كل اللى ورايا وفضيت لكم
معلش يامشمشة قولتلكو يومين وغبت عشان كان عندى تلال من الغسيل كنت لازم اخلص منهم
وطبعا كان قرايب جوزى بيجو يزورونا بعد مارجعنا بالسلامة:icon33:
وبالرغم من انى اترحمت من الطبخ اول يومين بعد ماجيت
وكنا بنطلب دليفرى لانى كنت فعلا تعبانة ومش قادرة اقف فى المطبخ
الا انى طبعا بما ان هيشرفنى ضيوف فلازم غصب عنى ادخل المطبخ واعمل اشهى الاكلات
يعنى من الاخر كده ايدى ورجليا اهم وهاتوا الفنكة بقى وعلقونى لانى لسة مابدأتش فى الرجيم
بس والله غصب عنى ان شاء الله من بكرة هبدأ عشان بس اكون جهزت اكل الرجيم
تعالوا بقى لما احكيلكم على احلى لحظات مرت عليا فى حياتى كلها
يارب ياحبايب قلبى ربنا يكرمكوا جميعا بزيارة بيته الحرام وزيارة حبيبى رسول الله
واللى راح العمرة والحج يروح تانى لانها فعلا متعة مابعدها متعة
بصراحة انا دعيتلكم كلكم هناك الحمد لله ربنا قدرنى ومانستش حد
والله حتى انس واحمد وكمبة ابن كوكر كمان ودعيتلها بساعة سهلة ان شاء الله
ودعيتلكم كمان تيجوا المكان ده وتتمتعوا زى انا ما اتمتعت
ودعيت ان ربنا يرزق زوج ام مريم ويوسع رزقه ويكرمهم بزيارة سنوية للعمرة هم واولادهم فى حضنهم ان شاء الله
وسلمتلكم كلكم على حبيبى رسول الله ودعيتلكم فى الروضة الشريفة مش بس بالحمل والذرية الصالحة المعافاة
لا بالعفو والعافية والرضا والسعادة فى الدنيا والآخرة انا فعلا نسيت الورقة الى فيها الاسامى بس الحمد لله افتكرتكم كلكم حتى كنت بقول وهدى وعائشة بس مش عارفة مين هدى وعائشة دول محدش منكم بعتلى ان اسمه من الاسماء دى بس سبحان الله لما كنت بقول اسامكيم واسامى الناس اللى وصتنى بالدعاء كنت بنطق الاسمين دول اوتوماتيك مع انى انا اصلا ماليش صحبات بالاسم ده
شوفو بقى وانا فى كل لحظة وكل خطوة فى الحرم كنت بتخيل نيفين معايا مش عارفة ليه
انا كنت حاسة انى بعمل العمرة انا وهى يمكن عشان هى حبيبة قلبى وصفت احساساها هناك بصدق قوى
فكان واصلنى وكمان هى وصفتلى ونصحتنى بحاجات اعملها هناك وفعلا الحمد لله نصايحها دى نفعتنى قوى
ربنا يجازيكى عنا كل خير يانيفوو
طاقة أمل (خبرات متبادلة حول مراكز العقم فى مصر) ج3
متابعة النقاش، صفحة 222