شاركي في النقاش

سجلي الدخول لإضافة تعليق.

التعليقات

1,961
  1. حبيبة أوسو ربنا يقدرك ويقويكى على تحضير العفاريت قصدى الماجستير
    يعنى كنتى بتدخلى غرفة العمليات وكده.............. يا قلبك <<<أصلى جبانة قوى >>>>
    انا بقى اول ما أدخل مستشفى إيدى تسقع وضغطى يرتفع وشفايفى تنشف ودقات قلبى تزيد



    عطر وعرووس وحبيبة اوسو...عغندكم حق وانا كمان كنت فاكرة انى مش بلحق اقراء
    وفيه مواضيع كتير جدا ومهمة بسيبها واقول هرجعلها تانى لكن الملف بيشغلنى
    وان شاء الله كلنا نتعاون مع بعض ونفتصد فى الملف


    أم سوسو ...أنا مش مصدقة حاسة انى بحلم وانا بقرأ قصة سرب الحمامات أن والدك بيكتب عنا
    ربنا يخليه ويعطيه الصحة والعافية ويرزقه من حيث لا يحتسب والأهم ربنا يرزقه الجنة
    ويتقبل دعاءه وله بالمثل ان شاء الله


    توتا شرفتينا ونورتيا وان شاء الله تتبصتى معانا

    نرمو...... على فكرة انا دوخت برضه لما جيت دخلت خالد مدرسة
    طبعا مقدرش ادخله حكومة هنا بحس ان مفيش اهتمام وانا أصلا كمان عايزة أدخله لغات
    فالحمدلله دخلته هنا أنترناشونال هى زى اللغات عندنا فى مصر بالضبط
    بيأخذوا عربى وحساب فى مادة واحدة
    وانجليزى
    وتاريخ السعودية طبعا بس حاجات بسيطة خالص وطبعا بالإنجليزى
    وماث رياضيات بالإنجليزى
    ورسم وتلوين
    وإسلام بالإنجليزى وبعض سور قصيرة من القران
    وفيه مادة أسمها معلومات عامة بالانجليزى
    بس هنا المناهج أصعب من مصر
    لأن أختى مدرسة إنجليزى وبتعطى دروس لأطفال فى لغات بتقولى اللى خالد بياخذه ده بيأخذه هنا فى صف ثانى إبتدائى
  2. اسماء....يا رب يشفيللك اروى وتقوم بالسلامة ان شاء الله
    هدهود...مالك يا جميل بس ...قلقتينا عليكى ...خلى باللك من صحتك شوية ...وممكن تخلى نورهان تقعد مع جودى شوية لما تصحى ....وما تنسيش تواظبى على الفيتامينات...انت بتعملى مجهود كبير بالراحة شوية على نفسك...وان شاء الله اية تنجح وتفرحى بيها زى نورهان
    انوج...ايه يا باشا لاسلام ولا كلام ولا حاجة كده ....انت فين ويو يو عامل معاك ايه دلوقتى
    عروس.....دانا طيبة والله مش شريرة خالص...ههههههه...بس اصل اللى ريهام بتحكى عليه دا فعلا ما ينفعش نهائى ان اتنين متجوزين يعملوه...امال هما اتجوزو ليه اصلا
    ام يوسف...ازيك يا عسولة وازى يوسف ومريم
    توتا...اهلا بيك
    زوجة مصرية ....ربنا ييسرللك الاحوال. ويفك كربك ....وترجعى ترغى معانا زى الاول لان كلامك كله جميل ومفيد جدا...وبيدى روح جميلة للصفحة اللى بتكتبى فيها ماشاء الله عليك...ان شاء الله يكون فى ميزان حسناتك
    حبيبة....مالها بس الست كريمة دى حتى رمز الحنان كله ..ههههه.وبعدين انت نسيت كمان فاطمة عيد وحسنين ومحمدين هههههه...ولا يهمك يا قمر بس انت ركزى معانا واديلنا معلومات اكتر وربنا يقدرك على العفاريت اللى بتحضريها...
    ايمان.....بصى يا ستى بالنسبة للموقع بتاعك ...لو هومبدئيا كويس بس محتاج تعديلات ممكن تعرضيه وتاخدى راى الناس فيه وايه اللى ممكن يضاف من وجه نظرهم وفيه فايدة للاطفال ...ممكن تتطلعى بمجموعة افكار جديدة...مش كانت عندك
  3. @egypty

    nermo)))
    يا بنات عايزة اخد رائيكم فى موضوع بالنسبة للمصريات انا بنتى ان شاء الله هتدخل المدرسة السنة دى :27: حد سمع فيكم عن مدارس المستقبل التجريبية المتكاملة لغات التقديم هيبداء بكرة انا اصلا كنت هدخلها مدرسة راهبات عندنا فى حلوان بس خوفونى منها ق…
    نيرمو انا كمان عايزه اعرف مدرسه كويسه انا يوسف في مدرسة الوفاء الازهري الخاص اللي في حلوان وطالع اولى ابتدائي ان شاء الله واخته طالعه كي جي وان بصراحه المنهج الازهري صعب اوي في تحفيظ القران ياهوه هايجراله حاجه يااما انا اعصابه بتتعب من الحفظ الكتير وكمان ده طفل محتاج يلعب اكترتخيلي خلاصوا في كي جي 2 لحد سورة المطففين فا انا نفسي احوله في مدرسه اسلاميه مش لغات اللغات برده صعبه بس مش عارفه مدرسه كويسه ياريت البنات يفدوني مدرسه اسلاميه خاصه في ضواحي حلوان وتكون كويسه حد سمع عنها وليها باص طبعاوكمان هوه حد يدخل ولاده مدرسه اسمها الراهبات :angry2:
  4. @pooota

    الموضوع: أفكار بخصوص مشروع تثقيف المكفوفين

    أفكار بخصوص مشروع تثقيف المكفوفين
    ******************************
    دلوقتي طبعاً بعد التطور الرهيب في التكنولجيا اصبح الموضوع اكثر سهولة

    ممكن مساعدتهم باكثر من وسيلة

    الوسيلة الأولى
    التطوع وشراء كتب وقراءتها مباشرة للمكفوفين

    الوسيلة الثانية
    شراء جهاز
    mp3
    وامداده بالملفات الذاخرة بالمعلومات القيمة في الدين والثقافة العامة السليمة التي بتني ولا تهدم وترضي الله

    وكل فترة يتم تغير الملفات وامداده بالبطاريات

    الوسيلة الثالثة
    تسجيل صوتي لبعض الكتب او بعض المعلومات

    التسجيل ده بصوتنا
    هنقرأ ونسجل على شرايط او كمبيوتر
    ونديلهم الملفات في صورة شرايط او على ال
    mp3


    الوسيلة الثالثة

    نشر هذه الفكرة لكي يستفيد منها كل مسلم في جميع انحاء الأمة الإسلامية
  5. @egypty

    &quot;محتاجة للدعاء&quot;
    السلام عليكم ازيكم يااحلى بنات ادعولي بقه النت يتصلح في شفتي لاني نفسي اتابعكم وادخل معاكم علطول...حد يقدر يفيدني يابنات المشكلة ان خط التليفون بتاعنا في شقتي مش نافع يدخل عليه دي اس ال وبيقولوا مش عارفه اطرافه نحاس او حاجه كده يعني وق…
    محتاجه للدعاء ان شاء الله اروى تطلع بالسلامه وتكبر وتبقى احلى عروسه وتفرحي بيها

تابعي تجارب أخرى من هذا القسم.