عربتي السحرية , تعالي اركبي معي بسرعة لنسافر مع بعض لعالم الرشاقة و الفرح و الأمل .

متابعة النقاش، صفحة 52

شاركي في النقاش

سجلي الدخول لإضافة تعليق.

التعليقات

312
  1. سلام يا بنت العربه الحلوات مبروك للي نحفو ولله يوفقكم وعن نفسي رجعت زدت كيلو وصرت65 بس مو مشكله لاني اكلت كل اللي نفسي فية ثلاثه ايام متواصلة وماتتخيلو كمية الاكل الي بلعتها والحين رجعت للرجيم بنشاط صارلي 3 ايام وما عاد بدي غش ابدا لاني ندمت والله لا يجعلنا من النادمين
  2. ** المُحبّة للخير **
    مررررررررررحبا يا بنات ... الحمدلله اليوم المنتدى أسرع و عم بقدر أرسل الردود ... الحمدلله رب العالمين عقبال ما يخلص التطوير بشكل نهائي . أول شي : بالنسبة عن أخباري الجديدة .. الحمدلله رب العالمين بس أنا بهاليومين يللي مضو , أكلت أكل ...…
    المحبة للخير
    انا اليوم خبصصت ما خليت شوكليت ما كلته اف متضايقة من الاكل بس باحاول ما الخبط باقي اليوم
  3. صاحبة الموضوع
    ** المُحبّة للخير **
    مررررررررررحبا يا بنات ... الحمدلله اليوم المنتدى أسرع و عم بقدر أرسل الردود ... الحمدلله رب العالمين عقبال ما يخلص التطوير بشكل نهائي . أول شي : بالنسبة عن أخباري الجديدة .. الحمدلله رب العالمين بس أنا بهاليومين يللي مضو , أكلت أكل ...…
    أهليييييييين حبيبات ألبي شلونكم اليوم شو أخباركم طمنوني .



    bonitaa

    أييييييييييييه حبيبت ألبي , طولي بااااااااااااالك ... و الله يا عيوني مافي غير حل وحيد و هو أنك تلعبي رياضة إذا كنتي مليتي من كل أنواع الريجيم و تتوكلي على الله و تتبعي الطريقة التالية :

    تاكلي كل الأكل يللي بترغبيه و لكن بنصف الكمية التي كنتي تاكليها سابقاً , يعني مثلاً , من زمان كنتي تاكلي رغيف خبز على الفطور مع صحن لبنة و الكثير من الزيت , بتصيري بتاكلي نصف رغيف مع نصف صحن لبنة و قليل زيت .
    على الغداء , أنتي مثلاً كنتي تاكلي صحن بطاطا مقلية كبير مع قطعتين إلى ثلاثة قطع أسكالوب مع بيبسي , بتصيري بتاكلي صحن بطاطا مقلية صغير مع قطعة أسكالوب واحدةمع كولا دايت .
    و بهالطريقة رح تقدري تنزلي من وزنك 4 كيلو غرام بكل راحة و بساطة و سهولة بالشهر الواحد و هذه الطريقة مجربة و الله العظيم رائعة ,.
    و هذه مفيدة لمن يعاني من الملل من الريجيمات عرفتي شلون حبيبت ألبي , يعني ما إلك غير هالطريقة و الرياضة المضاعفة و حتشوفي النتائج إن شالله رح يكون شي بياخد العقل و هاتي البشارة :D
    الله يوفقك حبيبت ألبي و نسمع عنك أخبار حلوة و ظريفة


    مشتاقة للاهل
    و الله أنا بالنسبة لي ما قدرت أشوفه :( ياريت حبيبت ألبي تكتبيلنا ملخص صغير عن أهم ماجاء بهالحلقة يعني رؤوس أقلام و الله يجزيك كل الخير ياااااااارب .

    الحساوية
    أهلين حبيبت ألبي منورة , شو وينك صارلك كم يوم مو مبينة ؟؟؟ :)

    بلبلة
    الغالية على ألبي لك شو وينك أنتي كمان , و الله ألبي عندك و اشتقت لحكياتك الحلوين إن شالله بتسلميلي يارب و أنتظرك .

    fofo2004
    لك مية مليون مرحبا حبيبت ألبي منورتينا و بالنسبة للريجيمات , فالمنتدى مليان ريجيمات أشكال و ألوان , عملي بحث و حتلاقي شي بيعجبك إن شاء الله و الله يوفقك .
  4. صاحبة الموضوع
    الملكةالحنونة :)
    يبعتلك الهنا إلاهي و الله العظيم فرّحتيني بمحبتك للشام , ياعيوني أنتي , أدعيلنا الله يديم علينا السلام و الأمان يارب العالمين طول عمرنا و يحفظ بلدنا من كل شر يااااااااارب العالمين .
    و الله يا حبيبت ألبي الطقس عنا حلو كتير كتير , و لو تشوفي الغوطة ما أحلاها و الزهر الأبيض على الشجر شي بياخد العقل يعني هالأيامات حلوة كتير , بس بكرة بس لتجي الصيف ... منموت و منعيش من كتر الشوبات :09: , العوجة و الجانرك نزلوا أي و الله , شي طيب كتير اشتهيت أبعتلك كم حبة أي و الله ...
    و الله العظيم اشتهيتك بهالأيام تكوني بالشام و الله من كل ألبي , حلوة كتير , و إن شالله بتوصلي بالسلامة لعنا , بالنسبة للمصايف أنتي وين بتروحي أنا إذا بتحبي بعطيكي نصايح عن الأماكن و شغلات بتدعيلي عليها كتير كتير و الله إذا بدك كمان بعطيكي و بنصحك يعني بدك تقولي مرشدة سياحية ;) ...
    و إن شالله بلتقي فيكي على خير , لك مني أطيب و أرق التحيات يا ألبي .


    ريم الدوحة
    معلشي حبيبت ألبي ولايهمك لا تتضايقي و لا على بالك , إذا مرة واحدة بالأسبوع خربطتي فبإذن الله ما بيصيرلك شي و ما بيتخربط رجيمك .
    توكلي على الله عيوني و لا تتراجعي , و اليوم متل ما قلتي , حاولي تحافظي على بقية اليوم بدون خرابيط و الله يوفقك ..

تابعي تجارب أخرى من هذا القسم.