[رابطة] أصحاب العمليات الجراحية للتنحيف

لا تصدقين ان الربط سحر
هو رجيم مثل اي رجيم

برد عليج من خلال خبرتي

في البدايه تعيشين اسبوعين على السوايل
وعقب اسبوعين عالمهروس

ومن الشهر الثاني يبدا التضويق ب 2 سي سي ( ما تحسين ابد بالتضويق )
الشهر الثاني يزيد الدكتور التضويق ب 4 سي سي ( شوي تحسين بالتضويق )

يقولون النزول يبدا من 6 سي سي لانه ما تقدرين تاكلين وايد (يمكن أجربه بعد اسبوع ان شاء الله )
ولو تحبين الحلويات مثلنا لازم تمتنعين عنها لانها تنزل بسهوله وممكن تزيد الوزن

شفتي ان الموضوع رجيم في رجيم

لكن كلمه حق البرط عامل مسااااااااااااااااااااعد اذا احسنتي استغلاله

وازيد من الشعر البيت الحمد لله كلنا استفدنا منه

الحمد لله شو علومج ياللي قاطعه عنا

اشربي مرقه دياي واللا لحم

وحليب ولبن

انتي اصلا فاهمه الموضوع غلط حبيبتي

التحزيم من اسهل العمليات على الاطلاق
والدكتور كلامه مو جديد بس قالج كلمه حلوه ان نسبه 70 % على المريض وهذه صحيح وحتى يمكن اكثر

التحزيم هو مجرد حلقه تساعدج على تقليل الاكل والشعور بالشبع باسرع من قبل فقط
بهل حاله تكون وجبتج قليله مع رياضه وحركه وشغل بيت اكيد بتخسرين وزن

اما التحوير وباقي العمليات ما انصحج بيهم ابد ولا احد بيقولج زينين
يعني انتي تخيلي يقصون جزء من الامعاء وجزء من المعده ويركبون واحد بالثاني وشغله صعبه وعمليه ما بيها حتى امل الرجوع مثل قبل يعني من تطلعين من غرفه العمليات تنسين انج ترجعين مثل اول

لكن التحزيم سهل
مثلا
اثناء فتره الحمل الطبيب يوسع لج الحلقه على الاخر حتى تقدرين تاكلين وتغذين نفسج والجنين
اذا لاحضتي نزولج بطيئ تقدرين تروحين الطبيب يضوق لج الحلقه اكثر
اذا وصلتي لوزنج المثالي وحبيتي تشيلين الحلقه تقدرين بكل سهوله حتى لو كانت عليها الياف اكيد بتنشال
غير هذه بتتعودين على اسلوب حياه جديد
يعني من اول يوم العمليه حياتج تتغير من ناحيه الاكل والثقه بالنفس ترى كلش مهمه
وجباتج قليله تحسبين حساب متى تاكلين متى تشربين تحسين بالشبع بسرعه



اما عن اهلج
ترى اهلج مو هم عايشين هل سمنه مثلي ومثلج
كل واحد يفتي من صوبه
صحيح اني زوجي رافضها بس صار لي اكثر من سنتين معاه واحاول واقدر اسويها بدون علمه لكن مالي احد بالغربه الا الله سبحانه ثم رجلي يعني لو متت بالعمليات ما القى من يدفني بخيس بثلاجتهم
هذا الشي الوحيد الي يخليني اتردد وما اسويها بدون علمه
هو مرات يلين ومرات احسه رافضها اكثر من اول لكن الله يقدم الي بيه الخير

اما عن التجارب
اني قلت لكم صديقتي كان وزنها 120 كيلو وخلال 10 اشهر من العمليه نقصت 52 كيلو مشالله
لكن التزمن بمعنى الكلمه لان هي اصلا رايده تضعف وسوت هل عمليه كعامل مساعد مو كعصى سحريه


ما قلتيلنا كم وزنج حبيبتي؟

عليه افضل الصلاه واتم التسليم

يسلم لي قلبج من كل شر فديتج

اي دمرني هل حلو

بس تدرين قاعد اكسر واجبر
مره اكل حلو ومره اسوي رياضه


وخاصه البارحه واليوم عدنا حر مووووووت وصلت الحراره 24 :09:
وكل شوي تلقيني عند المجمده على هل ايس كريم

الله يوفقج ياقلبي
بس لا تنسين تقولين ان شاء الله بضعف وان شاء الله بقهر هل شحوم

عسى دوم نسمع عنج وعن البنات الاخبار الطيبه والبشاير الحلوه