ترى من جد اكرها

ترى من جد اكرها ياعالم ناشبه فيني ****** تغير دايم الارقام عشان ارد واكلمهــــــــــــا

لعنت اليوم ذاك اللي جمع نظراتها بعيني ****** وصرت اتمنى ذاك اليوم يجي فجأه واودعها

حرام اقول يافلانه روحي لا تحبينــــــي ****** وحرام ابقى معاها كذب على اني اطاوعها

حرام اكسر محبتها وابين قولت انسيني ****** حرام اكذب على نفسي على اني انا معهــــا

انا اذكر قلت ابي ارحل قالت لا تخليني ****** وصار الدمع على الخدين يغير من ملامحهــا

وقالت لا رحلت انتا جعل موتي يناديني ****** مع اني قاسيا معها كاني كنت ادلعـــهــــا

طفله لينت قلبـــي ودلتني عناوينـــــي ****** وذبت انا معاها صدق وصعب اني افارقها

خذت روحي بلطافتها وميانتها تسليني ****** وصرت اخشى دموع العين تنزل من مدامعها

وصار الكون في كفه وهي صارت تكفيني ****ملاك(ن) لا حشى والله عجزت اني اشبهــــها

وكل مااشوفها والله اقول انتي توديني ****** اخاف انها تصرفنيي مثل مانا اصرفهــــــا

ياعالم شكلها بتقول ترى هذا نشب فيني ***** واصير انا الغبي اللي يفكر بس يكلـمـهـــا:44:
للشاعر / مانع بن شيبان ..


اتمنى تعجبكم ودمتم بصحة وعافية ..

8 تعليق 1,365 مشاهدة

شاركي في النقاش

سجلي الدخول لإضافة تعليق.

التعليقات

8
  1. @bnt_alshhbndr

    وشلوون ماتعجبنا ؟؟
    ماشاء الله قمة في الإبدااااااع دوما مميزة
    وفقك الله لما يحب ويرضى واعطاك خير ما اعطيت
    تقبلي إطلالتي
  2. @g9e100

    مانع بن شيبان



    له قصائد كثيرة

    ولكنه مقل في قضية النشر عبر الإعلام ويكتفي بالأمسيات المحدودة

    وأتمنى أن نرى له مشاركات على مستوى أوسع

    .
    .
    .
    أختي .. بنتalg



    دمتي بكل مافيك من روعة

    تحياتي

    أختك

    قصيمية

تابعي تجارب أخرى من هذا القسم.