بمناسبة الاجازه ملف لجميع حلوياتي السابقه بالصورررر

تسلمــــــــــــــــين ..الموضوع مره حلو..
الله يعطيك العافيه..

ما شاءالله الله يعطيكي العافية وييسر امورك ويفرح قلبك

أسعدكي الله ووفقكي لكل ما يحب ويرضى مجهود أكثر من رائع

&& كيكة المناسبات &&

المقادير :

الكيكه :
(اخذت طريقتها من فتافيت سكر نت جزاها الله خير مع بعض التغيير )
3 بيضات
ثلثين كاس سكر
1 ملعقة زيت
3 ملاعق حليب بودره
1 ملعقه صغيره فانيلا
1 ونصف ملعقه صغيره بيكنج باودر
7 ملاعق طحين

الحشو :
1 ونصف علبة قشطه
6-7 ملاعق شوكولاته قابله للدهن (نوتيلا مثلا )
2 م صغيره قرفه (لو حبيتي بس مو ضروري )
3 م مكسرات اي نوع (جوز - لوز - كاجو - فول سوداني ) اللي تحبين بس انا استخدمت جوز البيكان لأنه هو اللي متوفر عندي

التغطيه :
علبة قشطه
4 م شوكولاته قابله للدهن (نوتيلا)

للتزين :
اللي تحبين
انا زينتها بأصابع ويفر

الطريقه :
نخلط مقادير الكيكه
بداية بالسكر والبيض الى ان يصبح مزيج كريمي ثم بقية المقادير الى ان تمتزج
ثم نصبها في صينيه واسعه (عاد لا تتحمسين )
الصينيه اللي تستخدمينها لصنع كيك السيسرول عادة ونخبزها بالفرن الى انت تنضج وتتحمر




ثم نتركها ونغطيها لتبرد ثم نقلبها على سطح العمل ونغطيها ..
نعمل مقدار اخر من الكيكه ونخبزها بنفس الصينيه ونتركها لتبرد ثم نقلبها ..
(يعني تصير عندك كيكتين )

نخلط مقادير الحشو مع بعض بالخفاقه اليدويه
بداية بالقشطه والنوتيلا والقرفه اذا حبيتي ثم نضيف نوع المكسرات اللي انتي اخترتيه ونخلطه معها ..
ونفرد الحشو على الكيكتين ولا ننسى ازالة الاطراف (انا نسيت ازيلها )




نقسم كل كيكه بالعرض الى ثلاثة اقسام ونحاول تكون متساويه بالمقاس



نأخذ شريحه من الكيك ونلفها مثل السيسرول ونضعها بشكل عمودي على قاعدة التقديم اللي ما ننسى غلفها بالنايلون عشان ما تتوسخ




نأخذ شريحه اخرى ونبدأ بلفها من نهاية الشريحه الاولى .. وهكذا حتى ينتهي المقدار
(اتمنى تكون الفكره واضحه )



طبعا واضح بالصوره الكيكه اصبحت تضاريس ومرتفعات ومنخفضات .. فلذلك ساويتها بالسكين وطلعت بالشكل الحلو هذا ..




نخلط مفادير التغطيه مع بعض وندهنها على كامل الكيكه من الوجه والاطراف



نتركها بالثلاجه لحد ما تتماسك شوي ..

ثم نزينها حسب الرغبه ...
انا زينتها بفتات الويفر ع الاطراف وحطيت حبتين فوق كشكل جمالي

وهذا شكلها النهائي



وهذا شكلها من الداخل



وبالعافيه

يتبع