شاركي في النقاش

سجلي الدخول لإضافة تعليق.

التعليقات

19
  1. @knz_adm

    صاحبة الموضوع
    السلام عليكم ورحمة الله وبركاته ...أنا أسفة يا جماعة أقسم بالله العظيم إتأخرت عليكم بسبب ظروف قهرية مش بإيدي ..يعني متفتكروش إني من النوع إلي بيحب يزل في الناس لحد مايديهم المعلومة ...دا أنا كنت مقهورة إني إتأخرت عليكم ..المهم عشان مطولش عليكم أكتر من كده ...بسم الله الرحمن الرحيم نبدأ النظام
    1-الإفطار :3ملاعق عسل أبيض تزوبيهم في نصف كوب ماء- بيض مقلي في سمن بلدي +2قطعة جبن كامل الدسم مثل جبنة مثلثات بريزيدون+3رغفة عيش أفرنجي طويل مش عيش بلدي مدور لأن العيش الطويل بيهضم بسرعة وبيسمن +كوب لبن كامل الدسم محلي جيدا ومضاف إليه 4ملاعق مكمل غذائي يباع في الصيدلية إسمه growth formula جروس فورمولا +7بلحات بالسمن سنه عن سيدنا محمد عليه أفضل الصلاة والسلام غير فائدتها الغذائيه الجبارة ونسبة سعراتها الحرارية تمنع السحر والحسد.
    2-وجبة إضافية :2 سانويتش مربي بالقشطة أو حلاوة بالقشطة وساندويتش جبنة بريزيدون +مخلل عندالرغبة إذا شعرتي بعدم الجوع +عصير محلي جيدا أقل شئ 5ملاعق سكر .
    3-الغداء-طبق أرز أومكرونة +شوربة لسان العصفور أو شيبسي أو سلطة طحينة بيضاء+ربع فرخة الفخدة مش الصدر أو لحمة أو كبدة أو سمكتان مقليتان مش مشويتان +ملعقة سلطة أو مخلل +عصير محلي جيدا
    4-وجبة إضافية -5قطع كيك أو 5 بواكي بسكويت+كوب لبن كامل الدسم محلي جيدا ومضاف إليه 5ملاعق مكمل غذائي جروث فورمولا
    5-العشاء:بطاطس محمرة +2قطعة جبن كامل الدسم مثل بريزيدون +عسل أسود بطحينة+3أو4 رغفة أفرنجي طويل +كوب لبن كامل الدسم محلي جيدا ومضاف إليه المكمل الغذائي +كوب لب وسوداني أو مكسرات ..وهذه الوجبه تكون قبل النوم
    ملحوظة:لازم تاخدي فاتح شهية حبوب ميسيجور 3مرات قبل الوجبات الرئيسية وهي الفطار والغداء والعشاء حباية واحدة ...وكمان كانت الدكتورة كتبالي مطهر للمعدة حبوب أنتينال حباية الصبح وحباية بالليل لمدة 3أيام ووقفيه وإرجعيله كل 15 يوم ...لازم تطبقي النظام بحزافيره ..وأقل شئ 5 وجبات يوميا ويكون أحسن لو كترتي يعني إنت ومقدرتك علي الأكل وإنت وشطارتك ..يعني تكتري الوجبات أوكيه لكن إوعي تنقصيها ....وأي إستفسار أنا بإزن الله حكون موجوده ...وكمان علشان عايزة أتنافس معاكم ..يلا نبدأ بإزن الله من بكره ونوزن نفسنا بكره ونشوف بعض بعد أسبوع بالتمام وإنتوا وشطارتكم.....عايزة حماس وتشجيع وإراده أهم حاجة الإرادة...
  2. @ryhab_15

    مرآة روح
    جزااااااااااااااك الله كل خيررررررررر بحاول اطبقة

    طيب انتي اكيد عارفه يا كنزي ان اللي بيعانو من النحافه ده بيكون علشان مش بيعرفو ياكلو
    انتي عرفتي تاكلي النظام ده ؟؟؟؟؟؟؟؟؟ ده اكل اسبوع بالنسبه لي بجد من غير مبالغه
    ولا بداتي تزودي شويه شويه علي ما قدرتي تاكلي كل الوجبات دي ؟
    وربنا يوفقك ان شاء الله وتزيدي وتوصلي للوزن المثالي قريب ان شاء الله
  3. حمستيني اطبق النظام وانا بتنافس معك بس المكمل الغذائي مش موجود بالسعوديه دورت فكل الصيدليات ايش ممكن يكون بداله ببدا من بكره

تابعي تجارب أخرى من هذا القسم.