بلدي السعودية،،،،،، شكرا لك عزيزتي على ردك الرائع لكن ما اقدر اقلب الوضع ليش ,,,, لان اني اذا زرتهم ما يعتبروني ضيفة وهااااات يا اوامر اقولك زوجة الولد هي الي تقوم بالشغل ما هي بنتهم وبنتهم اذا جت زارتهم ما تشيل الكاسة هذا طبعهم وعادتهم هذا من ناحية ومن ناحية ثانية اذا زرتهم ورجعت للبيت تجي معاي الخالة للبيت تنام عندي ومن بكرى تتصل على باقي الحمولة يجون يجتمعون عندي وعياله الي ما تزوجوا يجون من الساعة 10 ص والله يساعدني على الطبح لازم العذاء والعشاء عندي ولازم يكون على السفرة حلى عشاء نوعين على الاقل غير الفواكهة والايدامات والمحاشي يعني كل اليوم وانا اكرف لهم غير التعب الي تعبته في بيتهم لما زرتهم
اما مواعيد الزيارات فهم ينتقدوني بهذة النقطة لما طلبت مرة واحده بالاسبوع اجي ازورهم
وكل ما يشفوني يضحكون على (هاة مرة واحدة في الاسبوع يالقطوع ) لازم يوميا تجي لامي مو علشان سواد عيوني والله علشان اكرف لهم وان تركتهم بنظرون لي باستياء
دائم هم يجتمعون لكن انا مليت احس مالي بيت ولا لي حياتي الخاصة تصدقون يا بنات من زواجي بعد شهر العسل ما شفت الطلعات ولا التمشي لوحدنا دائم عزائم اهلة كل يوم واللع يساعدني في رمضان والله ما اتمنى اني اصوم عندهم لان كلة طبخ وسهرات وشئ مالة معنى او فائدة
اما زوجي انا ما اقولة لكن هو يحس اني اتضايق من تصرفاهم واحيانا يكون معاي لكن يقول وشلون ارضيك وارضي اهلي( امي) يا بنات والله ازورهم لكن هم شائفين مرة بالاسبوع قطاعة
تحفة،،،،،، شكرا يا عيوني على ردك الطيب بالنسبة لزوجي هو تعبان نفسيا منهم ومن طلباتهم الي ما تنتهي لكن ما حنا قادرين نفتك من تطفلهم ولا نبي نزعلهم او نقطع بهم نبي نرضيهم بحيث تكون لنا حياتنا الخاصة الي ما احد يتطفل عليها
اما جاراتي واحدة من الجارات تقرب لهم واذا صار فية عزيمة كلمتها من غير ما انا اتصل تجي الخالة وتروح معي بعد ما عطي جارتي كلمة باني ابي ازورها ما اقدر ارفض اني مااروح واقول لخالتي روحي لوحدك
اول مرة زاروني جارتي كنت انا عند اهل زوجي ولما اتصلت سالتني خالتي مين وخبرتها ان جارتي يبون يزوروني على حسن نية وما دريت الا الخالة جاية تبي تحظر العزيمة
اما زواج قريبي فهي عارفة من زوجي واي زواج اخر يكون من طرفهم لاني غريبة بالديرة يعني بجميع الحالالت الزواجات لازم يكون عندها خبر
مرة رحت لزواج وحدة من صديقاتي ولما عرفت اني رحت وما قلت لها قالت ليش ما قلتي لي وزعلت علي
لا للكابة،،،،، مشكوره على ردك الطيب وان شاء ما يكون فية كابة ابدااااا باذن الله
زوجي ما بيده حل هو متضايق من بعض تصرفاتهم لكن ما يبي يزعل احد هو طيب وحبوب مع الكل يبي يسعد الصغير قبل الكبير( الله لا يحرمني منه يارب) بالنسبة للسيارة لو قلتي لهم عدم تجازو الحد من عدد الركاب يا خذونك بمزح وضحك وتكفي ان شاء الله و يتزاحمون بالسيارة او تكون على دفعتين يعني بجميع الحالات ما فية رااااااحة معهم
الي ا اتمناه يا بنات اني ارضي زوجي واهلة وتكون لي حياتي المريحة الخاصة فينا استقبل من اريد ولا استقبل من لا اريد
ما ابي احد يجئ يزورني فجأة ابي يكون لي نظامي الخاصي بيتي وتربيتي لأ بنائي
اطلع واتمش وازور من غير ما اشيل هم السيارة ولا هم الرجعة للبيت ان يكون معاي احد
يبات عندي احد
حتى السفر اتمنى نسافر لوحدنا وناخذ عمرة لوحدنا
والله احس اني نسيت نفسي من هالفوضى الي اعيشها
انتظر ارائكن العملية ومشكوراااااااات على كل حال ولا ردودكن الطيبة التي خففت عني الكثير وسامحوني على الاطالة
اريد ان استقلاليتي التي سلبت مني
متابعة النقاش، صفحة 3