السلام عليكم ورحمة الله وبركاته
انا رحت عند دكتور تغذيه وفي اول مقابله قالي ع معلومات كتير انا ماكنتش اعرفها فقلت اقولها لكم يمكن تفيدكم
1- بالنسبة لتأخر الحمل السمنه بتأثر ع تأخر الحمل لأن الجسم السمين بيفرز هرمون ذكري واحنا طبعا هرمونا أنثوي
والهرمون الذكري بيبقى موجود بس افرازه محدود لكن الناس المليانه بيزيد عندهم وطبعا مش كلهم
2- الناس السمينه عرضه اكتر للإجهاض ( لا قدر الله ) لان الدهون بتضغط ع البويضه فبتسبب انها ما تثبتش
3- نفسيا طبعا مش بتبقي راضيه عن شكلك ولا عن لبسك حتى لو بتلبسي احسن الماركات دايما بتحسي ان في حاجه ناقصه
4- لو أنتي متزوجه بتتجنبي تبدلي هدومك قدام جوزك
5- أي رجيم بياخد من 6شهور إلى سنه نص المده بتبقى ريجيم والنص الثاني تثبيت
وطبعا دي غلطتنا ان احنا اول ما بنخس بنفرح ونقول خلاص بننزل وهنبقى رفيعين وبنرجع بالتدريج ناكل تاني واحنا مش حاسين ان احنا بنرجع الوزن اللي خسرناه
فعشان كده لازم لما ننوي نعمل ريجيم نكمل للأخر أو لو زهقتي شوفي ريجيم يثبت وزنك أو يحافظ عليه ولما تروح حالة الزهق دي ترجعي للرييم من غير ما تكوني زدتي في وزنك
6- اللي بينزل بسرعه بيرجع بسرعه واكتر
7 ننزل احسن حاجه واحده واحده عشان يبقى صعب انهم يرجعوا وكمان مش عشان تخسي يبقى وشك شكله تعبان وشعرك يبوظ مش عشان نصلح حاجه نبوظ حاجات تانيه
8- الرياضه ع الاقل نص ساعه في اليوم او يوم ايوه ويوم لا وع فكره الدكتور قالي مش لازم تبقى رياضه جامده يعني حتى لو هتنضفي البيت بس يكون جسمك كله بيتحرك او تمشي او ترقصي
9- لما بنعمل رياضه او اي حركه لما بنعرق يبقى بنحرق سكر لكن لما تحسي بمرارة في فمك او حلقك يبقى دي دهون وانتي كده بتخسي
-10- يارب أكون أفدتكم حتى لو حاجه بسيطه
شكرا ليكم ويارب كلنا نتشجع ونخس بصحه وعافيه :)
شاركي في النقاش
سجلي الدخول لإضافة تعليق.
التعليقات
11- شكرا على الموضوع جزاكى الله كل خير
- تسلمي حبيبتي على الموضوع
وان شاء الله تخسي وانتي بصحة وعافية - شكرا موضوعك مفيد و****لله كلنا نخس وننحف ونلبس ملابس تليق بنا هههههه
- شكرا ع الرد حبيبتي ويارب كلنا نخس ان شاء الله
- شكرا حبيبتي ع الرد وكلنا نخس ان شاء الله
وابقي طمنينا عملتي ايه في الرجيم بتاعك
عشان نستفيد
مواضيع مشابهة
تابعي تجارب أخرى من هذا القسم.