زفرة اللحمه المفرومه

كل المجمدات فيهن زفره وريحه غريبه

بس مافي بديل للحمه الطازه الي انتم ذابحينها

يعني جيبو ذبيحتكم حقت رمضان وسلتي اللحم لحال والعظم لحال

وخلي العظام مع شوي لحمه للشوربه

وباقي اللحم انا اغسله واقطعه صغار وعلى المفرمه وكله بيدي

والحمدلله من اروع مايكون ريحته ومستحيل اخذ من الجزارين لحم ماادري متى مذبوح او منين جاي او وش نوعه

واذا ضبطتي اللحمه على النار طبعا بدون شحم وبدون زيت حطيها على طول بصينية الطبخ واذا استوت مره مع البهار والماجي

والفلفل الرومي المقطع صغار وبشر الجزر ونشفت مويتها كبي عليها بقدونس مفروم ومغسل واذا تحبين ضيفي عليها شبت

وبصل اخضر وقلبيها وابدي احشي وراح تحسين بالفرق

وعليكم بالعافيه

جربي طريقتي انا مثلك ما احب الريحة

وهذه الطريقة جربتها حتى مع المفروم الجاهز المجمد

اغسلي اللحم في الصفاية مرتين بس

اطبخي اللحم مع ملح بس فقط بدون موية ولا شي مع التحريك لين يستوي

اضيفي فلفل اسود مطحون وبصل مطحون في طاحونة البصل او قطعيه صغير جدا وكمون كثير

وحركيه وغطيه حتى تهدأ الحرارة ثم اضيفي البقدونس والكزبرة والبصل الاخضر

واستخدميه ريحته تجنن

بالنسبة للفلفل لازم يكون مطحون طازج في الالة حقت الفلفل اللي تدور وتطحنه من وقته

دانه الجمان...........حبيبتي اذا كنتي من اهل الجبيل مافيه احلى من لحم رشدي لذيذ...... اما اذا كنت من مكان آخر حبيبتي لحم امريكانا البقر اول شي احمسي البصل والثوم الين يذبل بعدين حطيه اللحمه وحاولي تعصرين شوي منها بعدين قلبيها بيطلع لك مويه كبيه وحركي الين ينشف بعدين حطي بهارات(كمون فلفل اسود كزبره ناشفه وانتي يديك ماتوقف من التحريك بعدين الملحه اذا خلصتى يالله حطي الكزبره الخظراء مفرومه وجزر ميشور وفلفل برد وذره وماجي قطعه بس وانتي تحركين بس ياحبيبتي هذي الحشوه على كيف كيفك وبالعافيه

اتبعي طريقتي وراح تدعيلي ... اغسلي اللحم المفروم وهو بالمصفاة وبعدين اسلقيه بماي بس وشيلي الزفرة اللي تطلع عالوجه وخليه تقريبا خمس دقايق يطبخ وبعدين صفيه ....وبعدين سوي حمستج عادي ....