إعادة موضوع عجينه خورررافييه بدون زيت وتحميل الصور مع إضافة صور جديده للمعجنات تفضلي

متابعة النقاش، صفحة 56

شاركي في النقاش

سجلي الدخول لإضافة تعليق.

التعليقات

699
  1. صاحبة الموضوع
    أشكر كل من شرفت موضوعي وردت او حتى إطلعت عليه من غير رد تنورون صفحتي بتواجدكم فيها
    وأسأل الله العظيم رب العرش العظيم ان يوفق الجميع لما يحب ويرضى وأن يبلغنا وإياكم رمضان ونحن في صحه وعافيه ويعيننا على صيامه وقيامه ,,
    من زمان ماطليت على الموضوع وأعتذر من كل اللي سألوني وتأخرت عليهم راح أجاوب عن الأسأله بالترتيب:

    *

    العجينه ماتصير قاسيه تتلزق شوي باليد ولاتعتمدين على قياساتي بالضبط ترا الأكواب ونوعية الدقيق تختلف عن بعض سويها مره ثانيه وخلي العجينه أهم شي تتلزق شويه باليد زيديها مويه وطولي في عجنها حتى تصير رطبه وغطيها وبتشوفين كيف بتصير..


    النار عاليه والوقت عالصاج مايطول أبد خلك عندها وشوفيها كل شوي من تحتاج أحيانا وقتها بالثواني والصاج تراه الثقيل التيفال الخفيف يحرقها واللي موتيفال تتلصق فيه


    فردت قطعه من العجين على شكل مستطيل وحطيت في الوسط الحشوه بالطول ولفيتالجوانب عليها
    طلعت طويله شبكت الطرفين مع بعض حتى تطلع زي الإسوره وقصصت جوانبها بالمقص وخليتها تتخمر قبل الخبز.

    أما اللمعه فما إستخدمت غير بياض البيض لأن الصفار دسم وفيه ريحه ماحبيته..


    لا مش كثير أبدا بالعكس يعطيها قوام طري وناعم


    الصاج هو االحديده المدوره التيفال بس الثقيل مو الخفيف لأنها تحترق وماتستوي فيه


    ينفع بتصير أحلى وأحلى.


    هذي طريقتي في حشوة السبانخ:
    أقطع بصله قطع صغيره وأشوحها في 3 ملاعق زيت زيتون
    بس ماأحمرها أخليها تذبل فقط وتصير شفافه
    بعده أطفي النار وأضيف لها رشة كمون و2 ملاعق كبيره دبس الرمان ورشة فلفل أبيض
    وملعقة سماق وشوية ملح وأقلبهم سوا وأخلي الخلطه هذي تبرد ،أغسل ربطتين سبانخ وأقطعهم ثم أضيف عليه
    الخلطه بعد مابردت وأقلبهم كويس وتصير جاهزه للحشو..


    والله ماجربت أفرزنها لأني أسوي على قدي والباقي أحطه في حافظة بلاستيك في الثلاجه يومين ثلاثه وماتتغير.


    لقيت صوره للأخت العزيزه همسة الشوق موضحه طريقة تشكيل الورده تفضلي

    .

تابعي تجارب أخرى من هذا القسم.