تبين تعرفين رحمك بمكانه ولا لا ؟؟ تعالي جربي هالتمرين

السلام عليكم ورحمة الله وبركاته..
اللي صاحي ينام واللي نايم يصحى عمشى عمشمش جاتكم بالمختصر المفيد..
القصه ومافيها هي طويله ابختصرها حصلت لي شخصيا بعد عناء وتعب بسبب الدوره الشهرية شارت علي وحده بحرمه تمرخ ومعروفه وفعلا لما جات ومرختني قالت لي رحمك مو بمحله قالت رحمك بظهرك تخيلو لاني كنت اشيل ثقيل والبس كعوب عاليه باستمرار والاردى من كذا انط من الدرج الله لا يبلاكم بالرجه طبعا قبل العرس من تزوجت صرت مره وش حليلي راكزه بس الطواري عاد لا بد منها اكون طالعه مع زوجي وكاشخه مايدري الا وانا متزحلقه على الدرابزين حق الدرج والعبايه تهفهف وراي تقولون كرندايزر هههههههه :22: تخيلو عاد دخلتوها براسي يبيلي اسويها مره :biggrin: المهم ومالكم بطوالها التمرين يا وخياتي هو كالتالي

تجلسين على الارض وتمدين رجيلاتك بطريقه مستويه :7_5_122: يعني من دون ماتثنين ركبك وتحاولين تمسكين اصابع رجلك بيدينك بس زي ماقلت لك من دون ماتثنين ركبك واللي تقدر ان شاء الله مايكون عندها مشكله واللي ماتقدر يعني رحمها مو بمحله على الارجح لاتقولون سهل والله بعد شهرين من المرخ والبرنيه (كاسات الهواء) بوقت الدوره حتى قدرت امسك رجولي كان ظهري بيطق نصين من الالم واغلب قريباتي قدرو يسوونه الا انا خاصه لما اكون توني صاحيه من النوم ما اقدر حتى امسك ركبتي تخيلو والحين الحمد لله احسن بكثيررر .... بالله يابنات اللي تجرب تعلمنا وش صار معها قدرت ولا تحس بالم بظهرها وتحت ركبها..
اتمنى اني قدرت افيدكم والله من وراء القصد...

46 تعليق 9,988 مشاهدة

شاركي في النقاش

سجلي الدخول لإضافة تعليق.

التعليقات

44
  1. @dr_abha_1

    والله اني قمت من طاولة الكمبيوتر اجرب
    ماحنا بعاقلين
    حشا
    والله اني اسويها و عيني على الباب خايفة احد يدخل يقول انهبلت
    لكن الحمدلله
    سويتها
    لكن مع الم خفيف في ظهري
    يسلموووووووووووو عمشى شليويح
  2. انا ماقدرت الابعد شق الانفس بعد يمكن ثلاث محاولات
    وبعدها حسيت بألم في اسفل بطني من التمرين؟؟؟؟

تابعي تجارب أخرى من هذا القسم.