تعبت ماابغى اشتكي منه بس ابغى حل بالله تساعدوني
اخواتي في الله عساكن بخير الله يسعدكم ساعدوني مشكلتي مره كبيره وحاولت في حلها بكل الطرق بس حالي هو حالي ادخل في الموضوع عشان مااطفشكن مشكلتي مع زوجي وهي الفلوس الفلوس الفلوس والله تعبت مليت اطلب منه الطلب وانا مرعوبه واجلس زي الطفله التبغى تاخد ريال بس وتروح البقاله وخايفه تطلب من امها ماادري تتذكروني يوم كتبت موضوع اطلب فيه تقدير منكن لمبلغ اخده من زوجي وانا مسافره عند اهلي مدينه تانيه عشان ملكة اختي المهم في بنات كتير مافهموني بس انا سالت عشان نفس المشكله الانا فيها اليوم مع زوجي هو قدر وقتها اني اخد 300 ريال بس كفايه وهدي ال300 تقضي ملابس لملكه اختي وجلسه عند اهلي 3 ايام مع العلم انه عندي ولد وبنت يعني معايا اطفال ومايبطلو كلممت نبغى لا وكمان قاللي هدي ال300 تحاسبيني عليها من يوم ترجعي من عند اهلك المهم بنات المنتدى ماقصرو يوم استشرتهن القالت لي تكفيكي 1500 والقالت 1000 كفايه وواحده مره طيبه قالتلي 500 تمشي الحال وخلاص والله صرت اضحك وانا اقرا ياناس انا اخدت 300 وكمان راح اتحاسب عليهم والله العظيم انا ماابغى اشتكي منه لان الشكوى لغير ربي مذله بس والله تعبت والله يابنات انا طلبات بسيطه والله العظيم اني اشيل هم يوم ابغى ملابس ليا ولا لاولادي ولا ابغى اي شي ومضطره اخد منه فلوس والله اجلس قدامه اطلب منه بالذل وهو يقول لي ها كم تبغي 50 كفايه اقول طيب كيف مايقضو يقوللي طيب 100 كفايه والله يابنات هدا اليصير انا تعبت ولو اقول لكم ايش المشكله الصارت وهي الدفعتني اني استشيركن ماراح تصدقو اتخيلو انقلب البيت فوقه تحته عشان قولت له اطلع الاولاد الملاهي اليوم اول كلمه رد عليا فيها قال لي ليش هدا التبذير اتخيلو انتن والاولاد صار لهم شهر ماراحو ملاهي من اسبوع بالضبط قطعت المويه عندي في البيت قولت راح تطول قمت اخدت اولادي وطلعنا اتمشينا اتخيلو والله مااخدت منه ولا ريال كان معايا 50 ريال باقيه من فلوس ابويا اعطاني هي قمت شحت لاولادي كرت الملاهي ب15 ريال وحبايب قلبي قالولي نبغى ايس كريم جبتلهم ومااخدت منه عشان لا يزعق ويهاوش ولا سال كيف طالعه بدون فلوس وحتى اطفاله ماصعبو عليه يابنات انتن احكمو والله كم موقف حاولت اشرحهم عشان انتن تحكمو انا فعلا على دا الحال خاربه بيته وماخده الور اه والقدامه مع العلم اني ماطلبت اطلع اولادي الملاهي غير لما نزل راتبه من يومين امانه ساعدوني انا مره تعبت افكر انفصل عنه بس برضه هو ملزم بمصاريفي انا واطفالي وهدا حقنا ليش نتخلى عنه ايش اساوي قولو لي