لييه الهجوم الشرس من البعض ع المطااااااوعه !!؟؟؟

اسمحيلي ارد عليك ...هي بألتزامها تاخذ اجر لها يعني ماراح تسوي لي خير اذا صلت وتصدقت نفعها لها وحدها !

اما النصيحه تعدت على الغير ..يعني في شروط للنصح اذا انتي قدها انصحي اما اذا انتي مو قدها تجنبي النصح يمكن بدال ماتغيرين منكر بسبب اسلوب غلط خليتي صاحب المنكر يزيد في غلطه !
وبكذا تشيلين ذنبه ..ولا تنسين ان كنت فضا غليظ القلب لانفضو من حولك !
كلام ربي ..يعني مو معقوله بنصير احنا احسن من كلام ربي وابرر للملتزمه الي ماعندها اسلوب انها تحبني !
لو تحبني فعلا استعملت اسلوب لبق
والي تستعمل اسلوب جاف ومستهزء انا هذي افسرها غييييره وليست نصيحه وحب تغير المنكر

جزاك الله خيرا

اختي بعض الملتزمين هداهم الله ليس بالقصد قد يكون اسلوبه غير صالح او قاااسي لذا قد يرى شخص او شخصين ومن بعدها يعمم


ومافيه شخص ما يخطي كلنا بشر

لكن الهدف الاساسي هدف سااامي وهو نصره الدين ونرجوا لهم السداد والثبات


لكن البعض اصلحه الله لو يغير من اسلوبه الدعوي لكااان افضل حتى يتقبل من حوووله


ولو كنت فظا غليظ القول لانفض الناس من حولك

وعليكم السلام ورحمة الله وبركاته

يعطيك العافيه اختي عالموضوع وبصراحه معك حق

بس بعض الاخوات الملتزمات الله يهديهم ماعندهم اسلوب !

انا مثلا في مره رحت لمسجد لاني سمعت انهم يعطون دروس دينية ..ولما طلبت من احدى الاخوات تعطيني الكتاب عشان ابدأ معاهم

ناظرت فيني من فوق لتحت باستحقار لاني كنت لابسه عباية على الكتف وبصراحه مالها حق وخلتني اكش منها

ولما جيت الاسبوع الثاني لبست عباية على الراس لاني بغيت اشوف ردة فعلها وتغيرت معاملتها لي وهالشي خلاني مااتحمس للدروس وفي النهاية بطلت

لانه من الظلم انها تحكم علي من عبايتي هذا اولا ..ثانيا عبايتي ماكانت مزخرفه ولا ملفته !!واذا هي تبي الاجر المفروض تحاول تنصحني بأسلوب مو تنفرني

غير كذا الاخوات اللي كانو معي في المسجد الله يهديهم كنت احاول احتك فيهم وماشاء الله كانت وجيههم بشوشة مبتسمين وباين عليهم اخلاق

بس المشكلة اني لما كنت احاول اتقرب منهم يحاولون يصيرون رسميات معي..مثلا مره وحده نست كتابها وخليتها تقرا معي وشكرتني وخلاص كنها ماتعرفني

بس اشوفها تتعرف بسهولة على البنت اللي لابسة على الراس وتاخذ وتعطي معها؟؟ و هذا الشي اللي حز في قلبي

وبصراحه لما اشوف الشباب اغبطهم لانهم يلاقون ناس يحتونهم اكثر من البنت..مثلا اخوي يسمع اغاني وفترة اتعرف على شباب ملتزمين

وكانو ياخذوة مخيمات وحلقات من غير مايفرضون عليه وش يلبس وكانو يشجعوه وماشاء اخلاقه تغيرت للافضل الين يومك هذا

الوحيدة الملتزمه اللي ساعدتني هي بنت عمتي الله يجزاها خير ..ملتزمه بس عمرها ماحسستني انها احسن مني ودايم تحاول تكسب البنات خصوصا صاحبات المعاصي

تكسبهم في الاول عشان يسهل عليهم تقبل نصايحها..وماشاء الله لما جت عمرها ماقالت لي حرام تسوين كذا او ليش

بس اذكر انها مرة كنا نسولف وقالت لي انها تخاف من سماع الاغاني لانها تدخل النفاق على القلب وانا اساسا كنت فترة اسمع وفترة اترك

بس كلمتها هاذي اثرت فيني خصوصا ان المنافقين في الدرك الاسفل من النار والحمدالله من يومها ماصرت اسمع اغاني >>الله يثبتنا ويرزقنا الاخلاص

وكانت ملابسي كلها بناطيل وبرمودات وكنت اقول لو اموت ما البس تنورة طويلة >>استغفر الله ..بس عطتني تنوره هدية وقالت لي بالعكس بيطلع شكلك بنوته وباسلوبها اقنعتني

والحمدالله صرت البس تنانير وبطلت العاري ..اللي ابي اوصله انه ياليت الاخوات الملتزمات يحاولون يكسبون الاشخاص اللي يبون ينصحوهم

لان كل انسان فيه خير ويتمنى انه يهتدي بس احيانا البعض قصدهم خير بس اسلوبهم يستفز

وجزاك الله خير

اختي انتبهي للنقط والهمزآآت هذا قران بارك الله فيك

شوفي حبيبتي بعض المطآوعة يجيك بس ينآفخ ويهآوش يعني بصرآحة ماعنده اسلوب للنصيحة ابدآ

وانتي عآرفة كيف اثر الاسلوب الزين والكلمة الطيبة؛؛صح!

الحين انتي سويتي غلط مثلا وجتك وحدة وقالتلك اتقي الله يالي فيك ومافيك وقعدت تهآوشك بالله بتسمعين كلامها ونصيحتهآ؟

ممكن..بس على مضض..

ولو جتك وحدة ونصحتك باسلوب رآقي وتركت الخيار لك ,,طبيعي تتاثرين فيها وممكن تتركين هالمنكر بسببها..

والانسان يعرف امور دينه ويعرف اذا كان غلط ولاصوااب واحنا علينا نصح النآس وترك الخيار لهم..

يعني الانسان يفرق بين الخير والشر كما قآل تعآلى (وهديناه النجدين)

سوري ع الاطآآله

تقبلي مروري’’

حبوبة علشان نكون منصفين ..لازم تكون نظرتنا للأمور معتدله ..

انا معك ان فيه ناس مالهم وظيفه في الحياه الا تصيد هفوات وزلات المستقيمين ..وهؤلاء لايعتد بهم ولابقولهم ولابرأيهم ..

..لأنه ماسلم أحد من لسانهم ..

ماتركوا شيخ ولاعالم ولاداعية ..ولاقاريء ..ولاناصح الا آذوة ..فهؤلاء شرهم طال المجتمع بأسرة ..

حتى الشخصيات الأسلامية المعتدله والوسطيه ..طالها الأذى ..من ألسنتهم ..

حتى وصل الامر بأحدى المتصيدات ..انها تنكر على ملتزمة أنها ماسلمت لما دخلت غرفة الأنتظار في مستشفى ..( وكاتبة عن هذا الأمر موضوع كامل )

والأخرى تنكر على ملتزمة أنها ماتبسمت لطفل ..!!

يعني تحسين أنهم يدورن على أي شيء ..يلتمسون منه مدخل ..لهم حق ينكرون على الملتزمين الأخطاء الكبيرة ..والزلات التى لاتغتفر .,.

أما السنن..والأمور المستحبة ..ومايباح ..ومايكرة ..ليس لأحد أن ينكر على أحد ..فيه ..

لكن على الجانب الآخر توجد شخصيات من المستقيمين ..فيه طبائع وسلوكيات خاطئة ..

الدين ليس له دخل بها ..

يعني مثلآ ..أعرف أنسان ..عصبي ..بمعنى كلمة عصبي ..وأذا عصب مايعرف أمه من ابوة ..من قبل الألتزام ..وحتى بعد ماالتزم ..ماتغير فيه شيء ..لازال على نفس سلوكة ..

عصبيته سلوك دائم ..معه ..ماتغير فيه شيء الا أنه أهتدى وترك المنكرات والمعاصي ..

لكن بقي هذا العيب فيه ..صحيح أنه أستقام ..ووالله أن هذا الشيء أفرح كل من حولة وأسعدهم ..

لكن لايحبون التعامل معه ..لأنه عصبي ..وممكن بأي لحظة يتهاوش مع الخلق ..ويمسح فيهم البلاط ..!!

فيه سلوكيات ليس للدين فيها دخل ..

طبائع للبشر ..لم تتغير بالأستقامة ..وهذه مشكلة ..كبيرة ..

مثل الرجل العصبي اللي ذكرته لك ..وغيرة كثيييييييير ..

الأمر الآخر ..

التزكية ..بصراحة أمقت المستقيمين اللي يزكون أنفسهم ..( أحنا اللي مانسوي كذا ..وينكرون على الناس بفحش وأذية ..وكأنها شماته ..وليست ..نصيحة ..)

اذكر مرة كنت في مجلس وكان تتقريبآ أغلب من فيه من المستقيمات

وحدة منهن انكرت على أخرى لبسها للبنطلون ..وهي قريبتها ..

المشكلة ان الانكار كان بشكل سيء ..وكأنها تريد الانتقام من اهل هذه المرأه ..

صارت تقول لها انتِ اللي تلبسين كذا ..وأبوك اللي كان يمنعنا ويقول حرام ووووووووووووووفتحت نقاش عن اشياء قديمة وكأنها تريد الأنتقام ..

شعرت الموضوع انه ليس بنصيحة وانما تحول الا ثأر ..!!

والله عزوجل يقول (ولاتزكوا أنفسكم هو أعلم بمن أتقى )..يعني مايحتاج ..أذا شافت أحد على مخالفه ..تجلس تقاطعه ..,و الا تتهاوش معاه علشان هي ماتسوي هذا الشيء ..!!

والا تجلس ترمي عليه كلام ..ماله داعي ..

صدقيني ياغلاتي أن القدوة الحسنه تربي السلوكيات الحسنه أكثر من النصيحة في الوجة ..

نحاول نكسب الناس قبل مانغير فيهم أي شيء .. فقط أدخلي الى قلوبهم ..

عامليهم بالأحترام ..راح يتقلبون منك أي شيء ..حتى لو كان مخالف لقناعاتهم ..

.وراح تبقى المودة بينكم حتى لو ماتغيروا ..لأنه للأسف الناس صارت توصل بينهم الى القطيعه ..

بسبب شيء تافه ..او كلمة ..ربما يكون المقصد منها خير أصلآ ..