هذه اكلة ايطالية اسمها فيتوشيني fettuccine لذييييييييييييييييذة لكن دسمة
وهي عبارة عن نوع معين من المكرونه والافضل نستخدم العادية مع الخضراء الي بالسبانخ لكن حظي ما كان عندي الخضراء
تغلين المكرونه عادي على ماء حار وشويت زيت وملح ومن ثم نشيها من الماء
وفي وعاء اخر تحمرين حبة بصل ولو تحبين تحطين فلفل ملون (( بيبار)) اخضر واحمر واصفر
وخليهم يذبلون شوي وبعدين حطي فوقهم صدور دجاج مقطع صغار ومشروم وحبة ماجي ان وجد وثوم وحركيهم مع بعض الى ان يستوي الدجاج
ثم ضعي المكرونه
واخر شيى حطي الكريمة وهنا يختلف على حسب المذاق
البعض يحط علبة قشطة مع علبة كريمة ((هاف ويبنج )) مع الجبن الي تحبونه
والبعض يضيف بدال القشطة ساور كريم
انا سويت علبة قشطة مع علبة صغيرة كريمة ومعلقتين جبن سايل مع نص علبة كريمة خاصة لاطباق المكرونه واكيد تشوفينها في واال مارت هي علبة زجاج
وانا افكر المرة الثانية اسوي منها بدون الجبن والقشطة والهاف ويبنك
ويمكنك وضعك عليها اخر شيى جبنه مبشورة وتدخلينها الفرن تتحمر لكن انا ما اسوي وكفاية الي فيها لانها دسمة مرة لكن حلوة من باب التغير
واخلطيهم مع بعض وتذوقي احلى طبق
وبالعافية على قلوبكم
اما الصورة شفتي الطفولة خلاص معاد في براءة :30: