تعبت مع حريم اخواني والمظاهر الزايده في الملابس ابي حل

هلا بنات

صراحه انا تعبت وابي رايكم انتم يا الي عندكم حريم اخوان وش تلبسون اذا رحتوا لا اهلكم


مشكلتي

حريم اخواني علاقتنا فيهم رسميه شوي

وحده بيت بل حالها وحده مع امي با البيت

انا من النوع الي حريصه اني اكون كشخه انا وعيالي وملابسنا جديده حتي بجامات عيالي لازم بين فتره وفتره اغيرها

الي مضايقني ما ابي اكون اقل منهم

الي بيت بل حلها اذا جت مشاء الله تقولين اليوم العيد هي وعيالها

الثانيه الي با البيت اذا طلعت اخر شياكه وتشكيله با الملابس مره تنوره مره برمودا مره ومره

طبعا الي متعبني الي مع اهلي با البيت هذي الي دئما اشوفها

طبعا انا على وجه ولاده ان شاء الله

تعالوا شوفي الخساير البجامات الي شريت كلاها ماركات وشباشبي وملابس عيالي

عشانها

انا تعبت

ولا الحين ورانا ان شاء الله عمار بيت


كيف اطنشهم والبس ملابس عاديه وما اجيب خبرهم ليش انا كذا تعبت

حتى اني صرت بعض الحيان اتحاشا روحت اهلي اذا ما لي نفس البس


طيب انتم وش رايكم تقول صديقتي لا تعطينهم اكبر من حجمهم اذا شافوك حريصه با الملابس ع شانهم
كبر راسهم

وانا مبدء عندي الملابس انطباع لشخصتي

لكن الامر مطاول مرت خوي معنا با البيت


انتظر ردودكم

انتم ايش تلبسون بس اذا انتم رسمين معهم مو تمونون

135 تعليق 16,836 مشاهدة

شاركي في النقاش

سجلي الدخول لإضافة تعليق.

التعليقات

130
  1. @bnt_al_smtha

    بالنسبه لي مستحيل اطلع لاهلي بالبجامه لام البس حتى عيالي مو عشان حريم اخواني بالعكس حبوبات وامون عليهم

    لكن هذا طبعي حتى قبل لا اتزوج البيجامه للنوم فقط

    طيب انا عندي لك حل اشتري ترنقات حلوه سواء صيفي او شتوي والبسيها عند اهلك وفي نفاسك من الطبيعي

    بتلبسين قميص مع روب واذا انتي مقتنعه بالي تسوينه ما عليك من احد اهم شي النظافه والترتيب
  2. المشكله منك انتي مو من زوجات اخوانك هم ما طقوك على ايدك وقالو اكشخي ولا بنتريق عليك يمكن هم طبيعتهم كذا يحبون البس والحركات انا اختي ما تحب تلبس وتغير على طبيعتها وانا واختي الاثانيه لا نحب نلبس ونكشخ وانا احب المكاج اختي ما تحطه مو معناتها انا فيني كبر وشوفت حال لا هذي طبيعتي

    وانتي غلطتي من البدايه جاريتيهم وتبين تسبقينهم بعد والان توهقتي انا معك حلو تكشخين بس في بيت اهلك عادي لبسك المعتاد لو بعزيمه بقولك اكشخي ولبسي ولا تخلين بس انتي تزورين اهلك مسيار عادي


    الان صعبه تتحولين بين ليله و نهار من شي ولبس وكشخه لعادي ابتديها حبه حبه كرري البس لك ولعيالك يعني البسي التنوره 5 مرات والبلوزه 3 مرات ولا تطلعين الجديد الا بالعيد والعزايم الكبيره وشوي اشوي بيتعودون واساسن عنهم ما تعودو بقريح الزم ما عليك زوجك وجيبه واذا تكلمتي قولي والله جلست طول عمري اشري لبس وخرابيط والان جاء وقت الجد ابي بيت زي الناس انا حالفه طول ما نعمر ما احط افلوسي بلبس وخرابيط وكذا بترتاحين وراعي زوجك والله محد نافعك اذا الرجال انقط بالسجن لدين وغيره الله لا يقوله

    احفظي فلوس زوجك الي هي فلوسك وفلوس اعيالك وبتلقين الخير قدامك
  3. @nora_2009_1

    ماسه لابسه الماسه
    المشكله منك انتي مو من زوجات اخوانك هم ما طقوك على ايدك وقالو اكشخي ولا بنتريق عليك يمكن هم طبيعتهم كذا يحبون البس والحركات انا اختي ما تحب تلبس وتغير على طبيعتها وانا واختي الاثانيه لا نحب نلبس ونكشخ وانا احب المكاج اختي ما تحطه مو معناته…
    اهم شئ راعي ظروف زوجك

تابعي تجارب أخرى من هذا القسم.