شاركي في النقاش

سجلي الدخول لإضافة تعليق.

التعليقات

1,551
  1. @ashtkt_alyk

    boba boba
    السلام عليكم ورحمة الله وبركاته المرة دى جبت الصفحات اللى فاتتنى من الاول وحاسة ان رقبتى وقفت من كتر القراءة اناهرد عليكو بسرعة لانى ماينفعش اقرا ده كله ورقبتى توجعنى واطلع من غير ما اعلق اولا مسلمة حمدا لله على سلامتك يا ام جنة يار…
    ميرسى يا بوبا على ذوقك و كلامك الجميل يا قلبى.....
    أما لموضوع العلاج اللى طرحتيه....فبالرغم من إنى ضد ان الواحد يحدد علاجه بنفسه...
    لكن للأسف قلبى معاكى ...لان الحيرة ديه صعبة اوي...و يا رب يهديكى للى فيه الخير...
    عموما لو قررتى تريحى الشهر ده...فيا ريت تحركك يكون سريع...يعنى قبل ما يعدي الشهر ده تكونى مقرررة هتعملى إيه...علشان الوقت ميسرقكيش يا قلبى و علشان تعبنا ميروحش على الأرض....

    و بعدين بالنسبة للحقن ديه...متخافيش منها أوي....طالما ديه وسيلة علاج مطروحة...]بقى بأمر الله أكيد نفعها أكتر من ضررها....و بعدين هنروح بعيد ليه....ما توتا حبيبتى ربنا يكرمها...أخدتهم...و بعد كده عملت تنشيط و الحقن مبوظتش حاجة....يا رب يكملها على خير و تفرحنا علشان تكون بشرة خير و دافع قوي ليكى....

    و بالنسبة للبرولاكتين يا بوبا....فده ممكن يتعمل فى أي وقت و مش مرتبط بيوم معين فى الدورة....بس قوليلى...انتى عايزة تعمليه ليه...هل هو كان عالى عندك قبل كده؟....
  2. @ashtkt_alyk

    رمـــــال
    السلام عليكم ورحمه الله وبركاتة ازيكم يا بنات عاملين ايه وحشتونى جدا جدا جدا.. يارب يكون الكل بخير الحاضر والغايب كمان .. معلش مكنتش بدخل اليومين اللى فاتوا لان انس عنده دور برد من تغيير الجو المفاجئ ده للأسف .. وشكلى انا كمان داخله على دو…



    ريمو حبيب قلبى....
    عاملة إيه يا قمر....يا رب تكونوا دلوقتى أنتى و أنوس بخير...خلى بالك منه أوي....و ربنا يحفظهولك...
    و متقلقيش عليا ...أنا بخير و الحمد لله...و الدنيا زي الفل.....وفعلا أعصابى هادية على الآخر و باشحن البطارية للجولة القادمة....دعواتك بقى إن البطارية تطلع تمام و متبقاش صينى و تفضى من أول جولة....
  3. @ashtkt_alyk

    دودو أم جوجو
    انا جيت نورت البيت , ازيكم يا حبيبى وحشتونى بس بجد ايام نهاية الاسبوع بتبقى فيها ارتباطات كتير , بس طبعا انتو اللى على البال طبعا انا بكتب بسرعة قبل ما يهنج الجهاز فمش عارفة ارجع اقرا اللى فات . بس طبعا الف سلامة ليكى يا نيفو يا حبيبتى و …
    ازيك يا دودو...
    عاملة إيه يا حبيبتى....و أخبارك إيه مع جوجو....
    و كمان عملتى إيه مع جوزك و قررتوا إيه بالنسبة للعملية.....يلا بقى ورينا الهمة....
    و على فكرة يا دودو....ما شاء الله أرقام تحاليلك بتقول إنك بعيدة كل البعد عن موضوع التكيس....فمتقلقيش يا قلبى...ربنا يحفظك و يرزقك ....

    أما بالنسبة لأنوس...فهو بخير و الحمد لله....بس لسه برده مش باوديه المدرسة.....انا اللى باسال عن خطتهم فى المدرسة و باحاول امشى معاه بيها....و اللى مساعدنى كمان انى لقيت مواقع على النت فيها برامج ظريفة أوي تساعده فى تعلم المهارات المطلوبة و طبعا معاها أغانى و ألوان و كده......إن شاء الله هابعتهالك حالا....
  4. @ashtkt_alyk

    oxygenatom
    بوبا صباح الخير ... انا اعتبر نفسى جنبك فى الصف بس مش بالضبط ... انتى عارفة ان اتشفطلى كيس شيكولاته مع سحب البويضات والصح بعد كده انى كنت آخد حاجة توقف الدورة علشان ميرجعش يملى تانى ... لكن بعد ما غيرت الدكتور ورحت لدكتور تانى وانا منتظرة …
    أوكسى
    صباحك فل يا قمر...
    واحشانى يا جميل.....ربنا يقويكى على شغلك....
    و يلا خلصيه قوام علشان ترجعى تنورينا تانى....
    و معلش يا أوكسى...ده حال الدنيا ...فيها الصالح و الطالح....بس واضح ان اليومين دول الطالح زاد اوي وخصوصا فى مجال لا يتعامل مع آلات و لا أوراق...لا للاسف بيتعامل مع بشر...ربنا يرحمنا ..و الحمد لله برده إن لسه فيه ناس كويسين و بنقدر نوصلهم....

    بصى يا قمر...أنتى كده تمام أوي...و أهو ميعادك مع دكتور عادل مش بعيد خالص....يبقى نهدي أعصابنا شوية و نستريح اليومين دول...و إن شاء الله ربنا هيجعله سبب فى شفائك و يفرح قلبك....
  5. @ashtkt_alyk

    أوشى....
    إزيك يا أم مرمش و فرفش...بحس إنى باتروش كل ما انطق اساميهم...
    المهم يا رب تكونى بخير يا قمر....و عايزين النفسية فوق على طول....

تابعي تجارب أخرى من هذا القسم.