شاركي في النقاش

سجلي الدخول لإضافة تعليق.

التعليقات

2,688
  1. صاحبة الموضوع
    امانى61
    صباح الخير على احلى بنات كل سنه وانتم طيبين جميعاااااااااااااااااا ويارب يبقى عي سعيد عليكم وعلى جميع الامه الاسلاميه دندون ربنا يكرمك يارب على كل الحاجات الجميله فعلا كلها حاجات فى الصميم واختيارتك موفقه ربنا يجعله فى ميزان حسناتك ويخليك…
    اسرار مطبخية رائعه
    من مطبخ شاعر الرومانسية


    أهم حاجة فى المكرونة بالباشميل ..
    هو طريقة البشاميل نفسة ودة له سر عشان يطلع حلو ولذيذ هو مش سر واحد انما سرين
    اول حاجة ...


    1 ) بدل ما نعمل البشاميل بالطريقة المعتادة وبعدين نضيف علية البيض
    احنا نضيف البيض على اللبن الساقع ونربه كويس .. وبعدين نكمل عادى باضافة اللبن بالبيض الى الدقيق الذى تم تحميرة على النار

    2 )

    بعد مانخلص اعداد الصنية نغطيها بكيس بلاستيك ونسيبها فى التلاجة على الاقل ساعة او ساعتين

    قبل ما ندخلها الفرن تستوى...
    فعلا حنلاقى الفرق كبير من لو عملنها وسويناها علطول..

    ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,


    سر صينية الفتة اللذيذة



    طبعا بعد سلق اللحمة بالحبهان والمستكة وورق اللورى
    وعمل الارز الابيض وتجهيز العيش المقطع ورشة بالفلفل الاسمر ومعلقتين زبدة وتحميصه فى الفرن
    نجى لاهم حاجة ..
    نعمل تقلية من التوم المفرى ونشوحة فى الزبدة على النار وقبل ما يصفر نضيف الخل ونيبه يغلى لفترة على النار وناخد نصف المقدار على جنب ونضيف عصير الطماطم الى الباقى ونتركة يتسبك

    ونجيب كمية الشوربة اللى حنسقى بيها الفتة ونضيف عليها كمية التوم بالخل اللى اخدنها ونغليها على النار ونسقى بيها العيش ونتركه حتى يتشرب..
    ونكمل عادى بعد كدة باضافة الارز على الوش ووضع الصلصة المتسبكة على الوش
    ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
  2. صاحبة الموضوع
    don
    اسرار مطبخية رائعه من مطبخ شاعر الرومانسية أهم حاجة فى المكرونة بالباشميل .. هو طريقة البشاميل نفسة ودة له سر عشان يطلع حلو ولذيذ هو مش سر واحد انما سرين اول حاجة ... 1 ) بدل ما نعمل البشاميل بالطريقة المعتادة وبعدين نضيف علية البيض…
    اسرار مطبخية رائعه
    من مطبخ شاعر الرومانسية

    فطبعا لون الطماطم الاحمر الجميل
    ممكن بسهولة نحتفظ بيه من غير مايتغير بعد الطهى اذاى بقى ...

    نعصر نص ليمونة على الطبيخ اثناء الطهى
    وطبعا لو طبيخ بيحلّو بالليمون زى حبيبتى البامية...فممكن نزود وتبقى ليمونة
    غير كدة كفاية نص ليمونة عشان ماتغيرش الطعم


    سر طاجن البامية

    اولا
    ..
    يتم تشويح البامية
    فى شوية سمنة صغيرة مع فص مستكة
    ورشها اثناء التشويح برشة قرفة مع رشتين كسبرة
    ناشفة

    ثانيا
    ..
    بعد اتباع الطرق العادية فى عمل
    الصلصة (بصل مع توم )
    وقبل السوا ..مع اخر غلوة يعنى
    ..
    نحط التحديقة المعتبرة
    ( توم مع كسبرة ناشفة مع فلفل اسمر )
    وممكن طبعا نضيف فلفل اخضر حامى مفروم
    لهواة المشطشط
    يدوبك غلوة واحد عشان التوم بيبان طعمة اكتر وهو نى
    وطبعا مع عصير الليمون
    والف هنا وشفا


    وعلى الفكرة التحديقة دى انا ممكن نحطها مع انواع طبيخ تانية.. زى الفاصوليا الخضرا ... البسلة
  3. صاحبة الموضوع
    don
    اسرار مطبخية رائعه من مطبخ شاعر الرومانسية فطبعا لون الطماطم الاحمر الجميل ممكن بسهولة نحتفظ بيه من غير مايتغير بعد الطهى اذاى بقى ... نعصر نص ليمونة على الطبيخ اثناء الطهى وطبعا لو طبيخ بيحلّو بالليمون زى حبيبتى البامية...فممكن نزود …
    اسرار مطبخية رائعه
    من مطبخ شاعر الرومانسية



    خلطة تتبيل البانيه بتاعتي : ( كيلو واحد )
    4 فصوص ثوم
    3 بصلات متوسطة
    3 ملاعق كبيرة خل أبيض
    2 ملعقة صغيرة فلفل أسود
    عصير ليمونتان متوسطتا الحجم
    1 ملعقة كبيرة أوريجانو
    1 ملعقة صغيرة ملح

    تخلط المقادير السابقة في الخلاط ..
    و يتبل بها البانيه و يترك في الثلاجة مع تغطيته لمدة ليلة كاملة .
    لما نيجي نحمر البانيه ..
    تكون الخلطة كالتالي
    يضاف الى البقسماط ملعقة بهارات لحم او دجاج .. و يخلط بها جيداً ..
    يضاف الى البيض ملعقة كبيرة لبن رايب لكل بيضتين .

    نضع اللحم او الدجاج في دقيق ابيض .. و بعدين يغمس في البيض ثم يغمس في البقسماط ..
    و يوضع في الفريزي الداخلي للتلاجة لمدة ربع ساعة ..
    و بعدين نحمره في زيت غزير..و يوضع على ورق تنشيف ..طعمه بيبقى تحفة ..
  4. كل سنه وانتم كلكم طيبين

    دينا تسلم ايديكى
    كهرمانه تورته تحفه ما شاء الله ..ممكن تقولى مقادير الصوص بالتفصيل

    امانى ممكن السويسرول لو سمحتى وطؤيقه حشوه

تابعي تجارب أخرى من هذا القسم.