لييه الهجوم الشرس من البعض ع المطااااااوعه !!؟؟؟
متابعة النقاش، صفحة 37
شاركي في النقاش
سجلي الدخول لإضافة تعليق.
التعليقات
183
نفس حالتي قبل بس يوم التزمت عرفت انهم هدفهم مو النقد هدفهم خايفين علينا صدق انا قبل كنت جاهله وعقليتي صغيره ولاافهم يوم اني اكره الي ينصحني ومسويه فيها مالهم دخل ماكنت ادري ان المنكر لازم تغيرينه سواء تعرفين الشخص او لا واني معلقه في رقبته يوم القيامه صدق ابليس شاطر
لا ياعمري يمكن الي خالطيتهم اشوف الي مايهتمون بالنظافه ماله دخل التزام او لا ياما ناس موب مطاوعه تعالي شوفي وصاختهم والحمدلله مجتمعي اغلب الملتزمات شياكه اخر شي وترتيب حتى صغارهم ماله دخل النظافه الا بتسبونهم وتدروون الزله حتى في النظافه والله ياانك بليس قدرت علينا
- لا شي مستحيل حلو موضوعك .. وجاي بوقته و انا ودي اتناقش بهالموضوع
أحب الصالحين ولست منهم .. لعلي أنال بهم شفاعة
وأكره من تجارته المعاصي .. ولو كنا سواء في البضاعة
بهالوقت للاسف صارت كلمة مطوع كثير يستخدمونها للاستهزاء .. بعضهم بيجي يقول لا انا مو قصدي صح مو قصدك
بس فيه كثير ياخذونها على سبيل الاستهزاء او يو ياويلي هذي مطوعه ماقدر اصادقها هذي مطوعه ماقدر اكلمها هذي مطوعه مدري ايش
انا صراحه مااودي يكون عندنا كلمة مطوع ملتزم مدري ايش .. الى متى هالتفرق مو كلنا مسلمين ؟ اذاً كلنا سلمنا بـ اوامر الله
و مفروض نتبعها مو لناس و ناس على كيفها تسوي الي تبي
و فعلا في بنات ياويلك لو تقولين عنها مطوعه .. مطوعه عندها يعني قرويه و ماهي كشخه و ماتفهم
اول شي في ناس ماشاء الله تبارك الله عليهم ربي عطاهم حسن الخلق و حسن التعامل
و بعضهم ملتزم و بعضهم لا عادي و بعضهم منفتحييين مره .. لكن حسن خلقهم مع الجميع معطي الناس محبتهم
و هذا شي ما ننكره لان حتى في كفار اخلاقهم زينه
و الي اخلاقه زينه بيكون محترم مع الجميع و تعامله زين مع الجميع ..
و هذا الشي اساسا حرص عليه دينا الحنيف
الحين نجي لسالفة الملتزمين .. في اشيا ملاحظه على بعضهم و هي الي اثرت على سمعة الملتزمين عند عموم الناس
لكن الانسان الفاهم يعرف ان اصابع يده مو سوا
و حتى غير الملتزمين فيهم الناس المؤدبه و المحترمه و فيهم الناس الي لا ادب ولا اخلاق و لا احترام
قال عليه الصلاة والسلام ( إنما بعثت لأتمم مكارم الأخلاق)
و قال عليه الصلاة و السلام " ما كان الرفق في شيء إلا زانه، وما نزع من شيء إلا شانه "
وعن عائشة -رضي الله تعالى عنها- قالت: استأذن رهط من اليهود على النبي -صلى الله عليه وسلم- فقالوا: السام عليكم، فقلت: بل عليكم السام واللعنة، فقال يا عائشة إن الله رفيق يحب الرفق في الأمر كله، قلت: أولم تسمع ما قالوا! قال: قلت: وعليكم أخرجه البخاري.
وعنها قالت: قال رسول الله صلى الله عليه وسلم: يا عائشة إن الله رفيق يحب الرفق، ويعطي على الرفق ما لا يعطي على العنف، وما لا يعطي على ما سواه أخرجه مسلم.
و قال عليه الصلاة و السلام " ما شيء أثقل في ميزان المؤمن يوم القيامة من خلق حسن فإن الله تعالى ليبغض الفاحش البذيء "
و كان عليه الصلاة و السلام يقول اللهم إني أعوذ بك من الشقاق والنفاق وسوء الأخلاق
الاخلاق الحسنه من اهم الاشياء الي المفروض يتحلى بهالملسلم و حسن التعامل و الرفق
ولا لو مو مهمه ما اوصى عليها الرسول عليه الصلاة و السلام في اكثر من موضع
لكن في ناس للاسف يحسبهم المجتمع من الملتزمين و اخلاقهم لك عليها .. و احيانا ناس بصراحه ماتتحملينهم ولا تتحملين تصرفاتهم
لا تاخذنا العاطفه مافي احد كامل .. و لا ننكر ان الاخلاق و حسن المعامله من اهممم الاشيا الي تاثر في نظرتك للانسان
لا تلومين انسان يحترم شخص مو ملتزم بدينه و يحبه بسبب حسن خلقه و ينفر من ملتزم لسؤ خلقه .. غصبا عنه هذا
في وحده اعرفها و محسوبه من الملتزمين عند الناس و هي في الفاظها تقول ياحماره و كلي تبن مع اهلها !!
وش رايك ؟؟ حتى الطفل نقوله عيب على هذا الكلام فما بالك بوحده كبيره و دارسه و فاهمه
انا ما اقول هالكلام الا من كثر ما انا منقهره عليهم و ماودي انهم كذا و لا ودي اكون كذا .. وش فيه احلى من حسن الخلق
يضيييييق صدري اذا شفت ملتزم و تعامله مع الناس سي و اخلاقه شينه .. لانه بكذا ياثر ع الناس و يخرب على سمعة الملتزمين
اللهم اهدنا الى احسن الاخلاق لا يهدي لاحسنها الا انت و اصرف عنا سيئها لا يصرف عنا سيئها الا انت : )
اما الشي الثاني فهو بعض الناس المتلزمين الي يشوفون نفسهم على الناس الي عندهم معاصي ظاهره .. و نفس الشي لا ننكر انه مافي ملتزمين كذا
الله يهدينا و يهديهم .. طيب ليه كذا احنا بزمن فتنه الواحد مايضمن نفسه
ليه نظرة الازدرا و الاحتقار للي اقل منك ؟ طيب يمكنها جاهله .. يمكن فتره و تعدي و ربي يمن عليها بالهدايه و تكون احسن منك
يمكن يكون عند هذي الي تزدرينها لانك تشوفينها عاصيه اعمال تشفع لها عند ربي
يمكن يكون عملك انتي يالي تزدرينها فيه ريا و هي عملها خالص لوجه الله .. ولا يمكن انتي يالملتزمه عندك من الاعمال مايغضب ربي عليك
لا ننسى قصة المرأه الي قالوا لرسول عليه الصلاة و السلام انها تؤذي جيرانها و هي راعية صلاة و صيام وقال هي في النار
على ان الظاهر للناس انها صالحه !!
و نفس الشي قصة ماذكرها بالضبط بس معروفه .. الي قال لواحد و الله لا يغفر الله لك .. فغفر الله لرجل العاصي و احبط عمل الي قال هالكلام على انه رجل صالح
فيه ناس ملتزمه تفاجأنا بعدين انهم صاروا راعين اغاني و افلام و لبسهم تغير عن اول
الدنيا تغيرت و احنا بزمن فتن الواحد مايدري عن نفسه و القلب بين اصبعين من اصابع الله
الانسان المفروض ينظر للعاصي نظرة شفقه عليه و خوف وحب للخير .. انا اشفق عليك من عذاب الله
انا احب لك الخير انت اخوي الملسلم و المسلمين كالجسد الواحد
حتى شارب الخمر قال عنه الرسول عليه الصلاة و السلام انه يحب الله و رسوله
مدامها تشهد ان لا اله الا الله و ان محمد رسول الله .. فاكيد فيها من الخير الكثير بس الشيطان شاطر
مافي انسان بالدنيا يحب احد يناظره نظرة ازدرا و احتقار .. الي بيناظرك كذا اكيد بتنفرين منه
فلا نلوم بعض الناس اذا نفروا من بعض الملتزمين سيئن الخلق
كلنا ننفر من اصحاب الاخلاق السيئه و التعامل الشين .. لكن بما ان الملتزمين دايم النظره عليهم الناس تدقق على تصرفاتهم
و بشكل عام الواحد لازم يعرف ان الناس مو زي بعض
لو قابلت واحد ملتزم و تعامله شين اكيد فيه غيره اخلاقهم حلوه و متمكسين بالدين بشكل صحيح
و نفس الشي لو قابلنا بنات متبرجات مو شرط كلهم اخلاقهم خربانه او يكرهون الملتزمين .. بالعكس في ناس منهم
يحبووون الدين و اهل الدين بس الشيطان شاطر و احنا بوقت فتن .. و الواحد ماعليه الا النصحيه برفق و لين
و حب للغير و خوف عليهم وليس احتقار .. كلنا بالنهايه مسلمين ان شاء الله
الله يهدينا جميعا لحسن الاخلاق .. و الله يثبت قلوبنا على دينه و يصرفها على طاعته و يكفينا فتن هذا الزمن : ) - عزيزتي كلي ولهه .. شكرا لتشريفك
اختي عضوة قديمة .. اشكر لك مناقشتك العقلانية .. واعتقد اننا نتفق ان فيه ناس ينصحون بهالاسلوب واحنا علينا نوضح لهم خطئهم في اسلوبهم كما ذكرتي لا ان نتهجم عليهم ..
مواضيع مشابهة
تابعي تجارب أخرى من هذا القسم.