شاركي في النقاش

سجلي الدخول لإضافة تعليق.

التعليقات

3,327
  1. @ashtkt_alyk

    oxygenatom
    اسكتى يا موزة دى نوفا بهدلتنى على الرسالة دى وقالتلى انك مستربعة فى قلبها زى ماقلتى تمام وقالتلى انها زكرتك بس انا اللى نسيت واتهمتنى ان الالزهيمر نتح عليا انا كمان ... بس برده انا مصمصمة ان زاكرتى استلس ستيل ربنا يدليك يارب غير انس ولد…
    صباحك فل يا أوكستى.....
    متقوليش كده...إحنا كلنا حبايب يا قلبى...
    بس تلاقى نوفى بس فرحت فيكى لما لقت الزهايمر عمل عمايله معاكى....
    و يا رب يا قلبى يسمع منك ..عارفة اللى نفسى فيه فعلا إن ربنا يكرمنى قبل ما أنس يبتدي يحس بالوحدة أو يبتدي يسأل ليه هو مش عنده أخوات....
    و طبعا يا رب يرزق الجميع و يفرح كل أخواتى ...و يكرمك يا قلبى فى المحاولة الجاية
  2. @ashtkt_alyk

    سارة و توتا...
    صباحكم فل يا قمرات....

    بوبا....
    أنتى كمان وحشتينى كتير.....و حاولى يا قمر متفكريش كتير ...هو صعب....بس كتر التفكير هيكركب بطنك و يخلى الأعراض تظهر حتى لو مش موجودة.....خلى كل تفكيرك دلوقتى انك عملتى اللى عليكى...و الأمر دلوقتى بين إيدين ربنا.....لا نملك سوي الدعاء....

    رورو....
    قريت فى وسط مشاركات امبارح إنك توكلتى على الله و رحتى للدكتور عادل....يا رب يا حبيبتى تكونى اتوفقتى و حطيتى إيدك على مشكلتك....تعالى يلا طمنينا عليكى.....

    ريمو....
    عندك حق...ربنا يبعد عننا الناس الأنانية......و يديم المحبة اللى بينا.....
  3. رمـــــال
    أوكســــى .. منورانا بالليل يا اوكسى وبجد مش هزار وجودك بالليل فااااااارق جداااا وماشاء الله شوشو هى كمان اهيه اتشجعت وبقت تدخل بالليل منورة يا شوشو .. المهم انتى بتقولى يا اوكستى متعرفيش البنات القدام ليه مبقوش يدخلوا !!!! بصى ياحبيبتى …
    تحليلك متواضع ... ده انتى اللى متواضعة انتى ياريمو ماشاء الله عليكى لو كنتى دخلتى حقوق كان زمانك كسحتى كل المحاميين اللى فى السوق المصرى والعربى كمان ) ماشاء الله عليكى ... اللهم بارك اللهم بارك ...

    انت عملة نادرة رغم انك رمال .... حلوة دى هههه :o
  4. @ashtkt_alyk

    وداع....
    أنتى طبعا وجهتى سؤالك لريمو...بس أنا هأرد عليكى لحد ما هى تيجى.....
    و ده لان كلنا أخوات و كمان لأن للأسف حظك وحش معايا أوي...كل ما أقرا مشاركة ليكى و أنوي أرد عليكى لازم تحصل حاجة تقومنى.....

    المهم...زي ما قالتلك ريمو بالظبط....غالبا ضعف التبويض ده بيكون عرض لمشكلة تانية......بس برده طالما جت فى النقطة ديه فالحمد لله إنها بتكون سهلة و الموضوع فيها بس بيكون شوية تظبيط و مسألة وقت مش أكتر.....

    بصى يا قمر...معمل المختبر أكتر المعامل الموثوق فيها فى موضوع الهرمونات....فياريت تستغلى أول أيام الدورة و تعملى التحاليل اللى ذكرتيها....و يا ريت كمان لو تحطى معاهم تحليل الغدة الدرقية علشان تبقى حصرتى كل الأسباب اللى ممكن تسبب ضعف تبويض....

    ولو لسه عندك وقت...فرأيي إنك تعملى الصبغة كمان بالمرة و كده تبقى خلصتى فحوصاتك كلها و تروحى بيها للدكتور مرة واحدة...علشان الأمور تبقى واضحة و المشكلة تبان بسهولة...و بالتالى يسهل وضع حخطة علاج ليها و ساعتها تنفيذ الخطة ديه ممكن يحصل هنا أو عندك ...مش هتفرق....

    و على فكرة....لما سألت فى المراكز معظمهم أجمعوا ان افضل وقت ليها بعد نهاية الدورة من يومين لست أيام.....يعنى أنتى كده هتبقى تمام أوي.....
  5. boba boba
    ياساتر يارب ده انا اتخنقت من النت ده خنقة يا اما مش راضى يتفتح اصلا يا اما يفتح والمنتدى يعلق الحمد لله انه اخيرا دخلت اصل انا استعرت جهاز صاحبتى فى المكتب اللى جنبى عشان ادخل اطمن عليكم واطمنكم عليا يارب يارب تكونو كلكم بخير …
    بوبتى ان شاء الله تكونى بشرة الخير اللى مستنينها فى الجزء ده وتفرحى بحملك ويكون سليم ومعافى بإذن الله

    انا آخر اخبارى انى رايحة للدكتور يوم الاربع

تابعي تجارب أخرى من هذا القسم.