شاركي في النقاش

سجلي الدخول لإضافة تعليق.

التعليقات

3,327

  1. @rmal_8

    ماما1983
    سبحان الله فرجت يابنات من عند ربنا ياه انا حاسه بقرب من الله عمال يفتحها في وشي انا وزوجي الحمد لله قدرنا اليوم نكمل اربع اخماس فلوس العمليه بس انا خلاص هيئت شعوري اني اعملها الشهر الجاي لدرجه اني النهارده 2 يوم الدوره ولسه ما اشترتش الحبو…
    ماما حبيبتى اسفه اوى انى مردتش عليكى فى ساعتها لانى دخلت كتبت اخر مشاركة والانترنت فصلت بعدها لحد دلوقتى .. المهم يا قمر انتى عاملة ايه دلوقتى يارب تكونى ريحتى شويه من تعب وارهاق الحج ..
    بالنسبه للعملية .. عايزة رأيى ... اعمليها الشهر ده .. على طول وبدون تردد ... ايه قيمة انك تأجلى نفسك علشان اللى هييجوا يزوروكى قصاد شهر كامل بيضيع منك يا ماما وانتى اهم حاجه بالنسبة لك الوقت ..
    انا مع انك تبدأى فى العلاج اللى قاللك عليه دكتور حسام وتوكلى على الله خير البر عاجلة .. كده انتى هتبقى بتاخدى بالاسباب يا حبيبتى وبتعملى اللى عليكى .. وبعدين انتى متعرفيش الشهر الجاى فيه ايه متعرفيش حتى بكرة هيكون فيه ايه .. انتى ضامنة ان الفلوس حتى تفضل معاكى للشهر الجاى ؟
    بصى طالما انتى كنتى مرتبة من الاول انك تعمليها الشهر ده يبقى متتأخريش وبلاش تغيرى خطتك .. انتى كنتى هتأجلى علشان المصاريف وظروفك المادية بدأت تتحسن اهه يبقى دى تساهيل من رب العالمين علشان تعملى العملية ..
    شوفى من يوم كنتى بتقولى ايه .. مش عارفه تجمعى المصاريف واهه ربنا بعتها لك بين يوم وليلة .. استخيرى كويس يا ماما وتوكلى على الله وبأمر الله خير يا حبيبتى .. قلبى معااااكى

  2. @rmal_8

    هيا ننشر الخير
    مش عارف يا بنات .. هى أشعة الصبغة بتأثر على الدورة ولا إيه ؟ أصل أنا دورتى كانت مظبوطه كل 28 يوم من ساعة ما عملت الأشعة الشهر اللى فات و الدورة بقت غريبة يعنى الشهر اللى فات جت فى اليوم ال 19 و الشهر ده جت فى اليوم 16 الحمد لله حمدا ك…
    حبيبتى انا اعرف انها بتلخبط الدورة بعدها فعلا بس معرفش هل فعلا ممكن تعمل كده ولا لا .. اسألى الدكتور يا رورو متضربيش اخماس فى اسداس كلمى الدكتور فى التليفون واسأليه وانتى تعرفى كل حاجه
    المهم انتى عاملة ايه واخبارك ايه يا قلبى طمنينى عليكى

  3. @rmal_8

    ورده في طور النمو
    اسأل الله العضيم الكريم بمنه وكرمه وجوده وقدرته ان يكرمكن اخواتي بالذريه الصالحه الباره عاجلا غير اجل اللهم ارزقهن الذريه الصالحه وقرن اعين اخواتي برؤيه اطفالهن باسرع وقت انت وحدك القادر سبحااانك
    جـــزاكى اللــــه خيراّ يا وردة وربنا يجعله فى ميزان حسناتك يارب ولكى بالمثل اللهم آمين يارب العالمين ..
    احنا يشرفنا وجودك معانا .. ممكن نتعرف بيكى يا حبيبتى ..

  5. @rmal_8

    oshy2005
    ياخلاسى ياناس ياسكر ياعسل ياتى كميلة ايه الشربات ده يانيفوو يارب يرزقنا كلنا بنونهات عساسيل كده بجد انا فرحت قوى لما شفت الصورة ربنا يخليكى ليا يانيفوو
    هدهود ..
    ازيك دلوقتى يارب تكونى بقيتى احسن وصحتك احسن .. ربنا يشفيكى ويعافيكى ويرد عليكى صحتك يارب
    بالنسبة لمعلومة العسل دى فعلا صح وكمان معلومة الزبادى صح جدااا حتى انا كنت عند الدكتور النهاردة وقالها لى للمرة التانية..
    بالنسبة بقه لابنك ربنا يحميه .. ما تكبريش المسألة كده الموضوع محتاج منك حكمة اكتر وشويه ذكاء فى التعامل معاه لان الطفل ذكر جداا فوق ماتتصورى .. يعنى تدورى على الطريقه الصحيحة اللى تتعاملى بيها معاه فى حكاية الاكل دى
    بصى انا اسمع دايما ان الاكل لازم يكون بمواعيد بقدر الامكان واسمع ان الضغط على الطفل فى الاكل مش صح وانه هو اللى بيؤدى للى بتحكى عنه ده علشان كده انتى لازم الاول تعملى مواعيد للأكل فطار وغذا وعشا وتلتزمى بيها وتلزمية هو كمان بيها.. يعنى تحطى الاكل قدامة وتسيبيه حوالى ربع ساعه او نصف ساعه قدامة اكل اكل مش اكل خلاص قولى له هشيل الاكل وشيليه ..
    لو جه يقوللك جعان بعدها قولى له مفيش اكل لحد معاد الوجبة التانيه .. معلش جمدى قلبك واتحملية لما يعيط او يصرخ مرة فى مرة هيتعود على النظام ده وهياكل فى الوجبة بتاعته كويس ... وبلاش بردو الفواصل اللى بتكون بين الوجبات لانها اكتر حاجه بتخلى الطفل مبيحبش ياكل خالص ..
    بصى بإختصار المشكله مش فى نوع الاكل اللى بيرفضه ابنك .. المشكلة كلها فى انه رافض الاكل بوجه عام .. فا انتى حاولى تقرأى اكتر فى الموضوع ده وانتى هتلاقى كلام كتير جدااا عن الحكاية دى .. وفى نقطة اخيرة كمان .. انواع الاكل اللى بتعمليها حاولى تجددى فيها وتغيرى فى طريقه تقديمها علشان يبدأ من اول وجديد يتقبلها ولو قدرتى مثلا ياكل مع مجموعة يكون افضل من الاكل لوحدة طبعا لانه هيشوف غيرة بياكل فا هيحاول يقلدة فاهمانى ..
    وربنا ياحبيبتى يهديه لك ويبارك لك فيه ياقمر

    زينب ...
    لولولولولولولولولولولولى .. مبرووووك الخسسان يارب عقبال ما توصلى للتارجت بتاعك يا قمر .. ايوة كده افتحى نفسنا ياشيخه على الجيم .. خلى باقى البنات كمان يتشجعوا همه كمان يروحوا يلعبوا
    ويارب يا زوبة اشوفك غصن بان .. كملى وربنا معاكى يا حبيبتى

    نيييفووو ..
    شفاكى الله وعافاكى يا حبيبتى وربنا يبعد عنك كل سوء ياااااارب

    شوشو ..
    البقــــاء لله يا حبيبتى .. لله ما اخذ ولله ما اعطى وانا ان شاء الله لصابرون .. خليكى جمب ماما وربنا يصبرها يارب ويربط على قلبها اللهم آمين وربنا يجعلها اخر الاحزان يا حبيبتى ومايدخل بيتكم الا الفرح والهنا والسعادة دايما يا رب .. مستنيين رجوعك لينا بفارغ الصبر الملف من غيرك بيبقى وحــــش اوىىىىىىى









تابعي تجارب أخرى من هذا القسم.