طريق الامل ( خبرات متبادلة حول مراكز العقم فى مصر ) الجزء الثامن

فعلا انا عارفه طبعا موضوع الاستجابة نسبيه و اذ اراد ربنا هيرزق بجون اى اسباب مادية و انا دايما بادعى بكده ربى ارزقنى بدون اسباب بكلمتك كن فيكون بس طبعا باعمل اللى على و اسيب الباقى على ربنا و راضيه باى حاجة يديهالى

هو التكيس بيظهر من التحليل fsh - Lh
و كمان متابعه التبويض صح و الا فى حاجة كمان اعملها؟

حبيبتى ليه بتقولى كده.....احنا هنا علشان نفيد بعض و منخليش حد يقع فى أي غلطة وقعنا فيها.....لإننا حاسين ببعض...وعارفين و مقدرين حالة الحيرة و التوهان ديه بتتعب إزاي....وعارفين كمان ان الدكاترة مش بيقولوا كل حاجة....و الواحد بيبقى نفسه يفهم و يطمن....و كمان لان الدكاترة النص كم كتروا أوي...فلازم نساعد بعض بأي معلومة علشان نحمى بعض من الوقوع مع أي حد من النوع ده...

بس يا مفترية يعنى الكتور بتاعك أهه من نفسه قالك خدي سيدوفاج سواء فيه تكيس أو لا....يبقى ده أكبر دليل إنه لو مافادش مش هيضر يا قلبى.....أعمل فيكى إيه بس....يلا توكلى على الله و خديه و ان شاء الله يكون فيه خير ليكى....أنا باخده دلوقتى من شهر 2 اللى فات و هاستمر عليه بأمر الله لحد ما ربنا يكرمنى و بعدها كمان....لانى مقتنعة جدا بفايدته.....

و بعد كده يا حبى...أي جديد اشركينا معاكى فيه لحد ما توصلى لأصل الشغلانة....

الحمد لله....ربنا يا حبيبتى دايما يرضيكى و يراضيكى.....

بصى أكتر حاجة قاطعة فى تشخيص التكيس هى التحاليل .....لان شكل المبيض بالسونار مش دايما بيكون دلالته صحيحة.....و ده برده حصل معايا...هرمونات ملخبطة جدا...و سونار بيقول ان المبيض شكله سليم وزي الفل....

و أكتر حاجة بتؤكد لنا انه موجود هو تأثيره على التبويض.....

يبقى الخلاصة منزعلش لو عرفنا ان فيه مشكلة......خصوصا اننا عارفين انها بسيطة و حلها من أسهل ما يكون سواء فى العلاج أو المدة.....

صح كلامك لا زعل و لا حاجة بس نعرف طريقنا و بس
لسه قارية دلوقتى بالمنتدى انه الى عندها تكيس هرمونات الذكورة بتكون ملخبطة انتى كنتى كده و الا لا ؟

لانه هرمونات الذكورة تسترون و فرى تسترون كلها مظبوطة الحمد لله عندى