شاركي في النقاش

سجلي الدخول لإضافة تعليق.

التعليقات

32
  1. @ampfta_almsthylamp

    مماتشوفين شر
    والافضل اختي تكتبي القصه كااااامله بالوورد واسخيها هنا عشان ماتضيع اجزاء القصه بين الصفحات والردود
  2. @hyf_261

    صاحبة الموضوع
    بنت ال سمثا
    ما تشوفين شر ياقلبي
    الله يسلمكم حبيباتي واحمد الله على حالي الان افضل من قبل ونكمل القصة عشان ما اطول عليكم وتملون ...
    وبس وينتهي العام الثاني وانا مركزة على يدي وعلاجها وما افكر في شئ ثاني واكيد بتقولون هالبنت كلها مصايب الحمدلله المؤمن مبتلى ونجي على السنة الثالثة ورجعت افكر بالحمل وبالاطفال ومن دكتورة الى دكتورة الى تمريخ وما الله كتب وسبحان الله احلم بجدتي للمرة الثانية وكانت معاها طفلة صغيرة كانت بنت اخوي الكبير بس على صورة رضيعة تعطيني اياها وتبكي وتزعل جدتي:44: وترجع تاخذها ثم قالت لي: يابنتي شوفي لاتتكحلين لا بالاسود ولا بالازرق تكحلي بالاحمر وتاشر على عينها وهالمرة كان ايام عيد ولي سنة من حادثة يدي بغيت اغير في نفسي شوي وليلة العيد رحت لمشغل مشهور والزباين يمدحونه كثير واصبغ شعري واقصة ومحد شافني غير اختي وبناتها واروح لبيتي في الليل وعينكم ماتشوف الا النور اصحى الصباح راسي منتفخ وعيوني وجبهتي وخفت :eek:واصحي زوجي ونروح للمستشفى قالت الدكتورة هذي حساسية من الصبغة واعطتني دواء وابرة ورحت البيت على امل انه يخف وتخيلو جو عندي اهل زوجي من منطقة ثانية بيقضون العيد عندنا والله ماهو عيد انا بس ابكي وتعبان وزوجي بس على راسي ماينام والانتفاخ كل يوم يزيد عن قبلة لين مانزل على عيوني وساعتها رحت مرة ثانية للمستشفى وخافت الدكتورة وقالت الحمدلله انك جيتي والاكان سبب لك تسمم في الدم ووفاة وتعطيني ابرة والله المستعان على هالحال انا ساعتها ماتحملت بكيت بكاء تعبت من حياتي وعلى فكرة كنت دايم تعبانة ودايم متمللة وانا مدري انه كله حسد وعين وراحوا اهل زوجي بعد يومين ماجلسوا مايبيون يضيقون علي وانا تعبانة واروح كم يوم اجلس عند اختي وساعتها قلت بكلم شيخ يفسر لي الحلم وسبحان الله على الكلام اللي قالة شئ غريب: قالي انتي كم سنة متزوجه قلت 3 قال طيب انتي مريتي بضيقة وتعب خلال السنتين اللي فاتت قلت اية قالي شوفي الحلم يقول الاسود والازرق هم وتعب والاحمر حمل باذن الله لكن المانع من الحمل هو العين لازم ترقين نفسك وبس خفت حييييل لاني بصراحة ماكنت أؤمن بالحسد والعين واحس انها صارت خرابيط كل من طاح قالو عين:35: المهم حكيت اختي عن الرؤيا وكلام الشيخ قالت والله ماتروحين بيت زوجك الا لمن اوديك لشيخ ووالله ودتني عند الشيخ العصيمي في حي الفيصيلية بالدمام واقولكم اني كنت بموت من الخوف:30: من الشيخ والمكان مااعرف وش يعني رقية وماكان فيه حريم تعبانين امشي وارجف المهم دخل الشيخ وبدا بالدعاء وبعدين القراءةوانا اول ماسمعت صوته ماشاء الله صوته حزين وغريب بدت دموعي تنزل بدون شعور وبس يخلص الشيخ القراءة واروح اسالة عن حالتي واشرح له عن وضعي قال لازم تستمرين على القراءة انت بك عين وحسد عظيم واعطاني موية مقري فيها وزيت مقري فية واظرف بالزعفران اذوبها بالماء واشربها بالمعوذات واغتسل بالسدر 7 ايام وادهن بالزيت بالليل واغسلة الصباح كل يوم ووالله يابنات يوم الثلاثاء انتهيت من القراءة والجمعة جاتني الدور وتنتهي الدورة وانتظرها الشهر الثاني تاخرت ماعطيت بال ابدا ولا اهتميت بس لمن حيل تاخرت رحت وحللت وسبحان الله طلعت حامل يالله يابنات ياني فرحت وزوجي طار من الفرحة وعشت اسبوعين من احلى ايام حياتي وماعلمت احد ابدا وقلت بس بعلم وحدة وليتني ماعلمتها الجمعة والسبت بالليل احلم مرة ثالثة بجدتي معاها مكنسة يدوية وتكنس ببيتي واقولها ليش تكنسين بيتي نظيف وهي ماتكلمني واروح لزوجي بالغرفة وابكي طلعها من بيتي ما ابيها وخايفة منها وراح لها وهي تبكي :icon33:وتقولين تطلعون من بيتكم انا وش سويت وطلعها وانتهى الحلم واصحى على الدوام وفجاة حسيت بشئ رحت الحمام والقى لون وردي خفيف خفت موووت وكلمت الشيخ وقلت له عن الحلم الاول انه تحقق وابيك تفسر الثاني قالي :يابنتي لاتحزنين جدتك تنظف بالبيت يعني انتي حملك ماراح يستمر واسالي الله ان يعوضك خيرا.
    وكان الشيخ اعطاني كف على وجهي رجعت البيت قلت لزوجي بروح للمستشفى قال نشوف لو استمر لليل نروح ويتوقف الدم وفرحت ونمت وزوجي دوامه شفت بالصباح الاثنين بروح للدوام ادخل الحمام والقى الدم بشكل فظيع بكيت بكل حزن الدنيا وجا زوجي واروح للمستشفى وتقول الدكتورة الجنين موجود وبعطيك ابرة تثبيت لكن نامي على ظهرك لاتتحركين ورحت البيت ونمت على ظهري واصحي العصر بروح الحمام وارجع وبعدها بدا الم فظيع في ظهري احسه في احد يضربني بسكين في ظهري وبطني يتقطع وقلت خلاص بكلم اختي يوم اكلمها قالت على طول على المستشفى وقمت البس وبس ابي البس جزمتي وانتو بالكرامة واحس بشئ طالح مني واروح للحمام وينزل الجنين تدرون خواتي جاني احساس اني خلاص اخر يوم بحياتي للفرح وابكي بالحمام وزوجي يابنت اطلعي وش صار اطلعي وافتح واقوله راح خلاص راح قام يحظني بقوة واحس قلبة تقطع عليه وعلي
    الان صار لي سنه احاول احمل لكن الله ماكتب لكن من تعبت ماتركت الادعية والاذكار وصرت ما اعلم احد اني سويت او عملت او اي شئ تخيلو حتى من اهلي واهله صرت اخاف لكني توكلت على ربي كتب لي خيرا في حياتي من جديد اني عرفت ان العين والحسد حق وانه فيه ناس معاقين مايملكون ربع اللي نملكه لكن عايشين اسعد منا وعرفت انه الام منعرف نجزاها الا الجنة وعرفت انه الخير والراحة في التوكل على الله وعرفت ايضا انه اللي يستعوض الله في شئ يبدله خيرا منه اتمنى من الجميع يسامحوني على التاخير وانكم استفدتوا من القصة ولو بشئ قليل ولاتنسوني من الدعاء ولا انساكم .
  3. ياعمري :(

    والله اني مثلك عين وحسد وتعب واصبت بامراض شكثرهاا وتعب مايندرى من شنو والله مرات أيأس من حيااتي اتمنى الموت بس استرجع واستغفر ربي واسأله الصبر والله كريم ..

    يالغاليه مايبلى الا المؤمن افرحي بإن الله يحبك وماعليه لا رجع الحال طبيعي واتم الله صحتك بيرجع كل شي والحمل يتعوض عسى الله يرزقك الذريه الصالحه ويامالك من الحمل والولاده مره مرتين لين آخر العنقوود :)

    افرحي وانسي واستمري على الاذكار لاتخلينها لويوم وارقي نفسك بالفاتحه شوفي بقسم ملاذ الروح وثقي بالله تمام الثقه قولي الله بيشفيني وراح اجيب درزن عيال الله يعينك عاد :)

    أسأل الله العظيم رب العرش العظيم ان يشفيك شفاءا تاما لايغادرا سقما وينزل السكينه عليك ويصرف عنك العين وحرها ويرزقك السعاده والذريه الصاالحه يااارب ..

    أجر وعافيه يالغاليه ..

تابعي تجارب أخرى من هذا القسم.