السلام عليكم ورحمة الله وبركاوته
كيفيكم ياحوائيات ان شاء الله مرتاحات
عندي مشكله وابيكم تشورون علي وتساعدوني يالغاليات
انا ساكنه بشقه ايجار واكتشف صاحب العماره ان فيه تسريب من دورة المياة حقتي((الله يكرمكم)) والله ويروح يجيب العمال ويطبون علينا
ويدخلون ويهدون الحمام كله وبدوا يشتغلون فيه
بصراحه مامداني اضف ولا شي بالبيت بسرعه بس طلعت اغراض الحمام
وللاسف اثاث الصاله والمجلس حق الرجال ماغطيت الاثاث حقهم او حتى ارفع واشيل التحف عن طريق العمال وحوستهم
وتعالوا شوفوا شكل بيتي وربي مادري وش اسوي فيه غبار وتراب وسمنت وبلاط وقار واسلاك ومسامير :icon33:
غير الاثاث اللي اندمر وخرب:mad:
والمطبخ الله لايوريكم لاني ماقدر اروح له الا بسرعه واخذ اللي ابي واطلع صاير حوسه مغبر كل شي
وغرفة النوم تحزن:44:
وان شاء الله على قولتهم يمكن يخلصون الليله صار لهم اربع ايام مزعجينا
والمشكله اللي محيرتني وذابحه تفكيري اللحين
مدري وش اسوي وشلون برتب بيتي وارجعه نظيف زي اول واحسن
وخواتي مايقدرون يساعدوني عندهم امتحانات
قلت مالي الا الله ثم انتم تشورون علي وتريحون بالي
اكتب لكم من حبسي الانفرادي ((غرفة جلوسي))
بليز هلمي
واسفه على الاطالة
خيتكم
هنوده
شاركي في النقاش
سجلي الدخول لإضافة تعليق.
التعليقات
7- الله يكـون في عـونكـ ممكن أخــتي تجــيبي شغاله بساعات تساعدكـ
بس من المفروض يخــبرونكــم قبل !! - ياربي الله يفرجهاعليناتعبنامن مذلة الشقق ...الله يرزقنابالبيوت الملك قولواامين
- اولا قولي للعمال يشيلون الوسخ اللي عملوه-هم ملزومين بذلك
اذا ماقدرتي تجيبين شركه تنطف
اول يوم شيلي العبره
وخمي الارض وهوي البيت
ثانيا امسحي الارض بديتول والاثاث بكلوركس للالوان - إستأجري شغاله وريحي عمرك
- الله يعينك أول شيء عندك طريقتين:
الطريقة الأولى \ تجيبين شغالة اللي بالساعات وتساعدك وعلى حسب كلامك إن بيتك شقة يعني مو كبير مرة على كذا ماراح يأخذ وقت.
الطريقة الثانية \ خلي العمال قيل لا يمشون ينظفون الغبار ويشيلون الأغراض اللي وراهم
الله يسهل عليك
مواضيع مشابهة
تابعي تجارب أخرى من هذا القسم.