شاركي في النقاش

سجلي الدخول لإضافة تعليق.

التعليقات

109
  1. @shklath_sakhnh

    نجمة كريستال
    مستحيل أزور وحده بدون ماأعطيها خبر من بدري وصراحه ماقد جاني أحد كذا ألا العجايز أقارب رجلي لأنهم مساكين مايعرفون للجوالات صح أتلخبط وخصوصا عيالي صغار والبيت يكون دمار لكن وش أسوي أعذرهم أما بالنفاس دايم أجيب شغاله لأنه أي وقت يطب عليك ناس …
    البيوت لها حرمه والناس عندهم ظروف
    مايصلح طبع المداهمه هذا ابد ابد
    حتىالنفاس مهوب معقوله انها قاعده تنتظر الزوار خاصة لو كانت ببيتها
    مهوب معقول كذا
  2. @tal_antthary_5

    صارت لنا زمااااااااااان قبل اتزوج كنا متكين انا واخواني مع ابوي وامي بالصاله اللي سادح
    واللي منبطح واللي يتقهوى الخ نطالع التلفزيون وشوي الا دخلت علينا جارتنا تطلطل من المقلط
    وياهل البيت موجودين ؟لامو موجودين شرايك شتشوفين قدامك خخخخخخخخ
    ويقوووووم ابوي يفز يلبس ملابسه ويطلع من الباب الثاني < انحاش هههههههه
    والله حاله من بعض الناس اللي مدري متى تتعلم الذوق
  3. @ghlah_baayony

    يهونون كله ولاذا الناس الي اذا درو انه في هالبيت نفاس خلاص عرفو اين يقضون الاجازه اربعاء وخميس الى منتصف الليل والله ان امي تقولي خلاص يابنيتي روحي نومي ارتاحي تبيهم يفهمون ولاحد معبرها يحللون ابو دعوه
  4. @bnt_adm_ohoa

    الله يكثر من امثالك
    فعلا قلة دوق والقهر الا تتصل وهي بجنب الباب تقول ابجيك ومداك تلبسين الا هي في خشتك
    الله يفكنا منهم
  5. @myzya

    انا اسويها لالالالالالالالالالالالالالالالالالا ويكثر ماصارت فيني
    عندنا وحده دايم تسويها معي ومع غيري تبي تشوف وش تسوون
    انتم نظيفين ولا لا وتبي تشوف ومين عندكم الله يهديها وتترك هل عاده
    ومشكوررررررررررررررررررررررره اختي على طرح الموضوع

تابعي تجارب أخرى من هذا القسم.