أطعمه تطبخينها لطفلك من 6 أشهر الى سنه

اشكر صاحبة الموضوع ...فانا استفدت منكم وحابه افيدكم..
اولا التمر لازم اول مايقوم من النوم اعطيه حبه وحده بدون قشور طبعا..(هذا النصيحه اخذتها من حريم كبار..)وقبل كذا اتباعا لسنة الرسول...
وش بعد...
خضار مسلوقه مع ارز مسلوق...
مهلبيه.. او كاسترد ..اعملها من حليب البيبي..واحليه بشوي سكر..
عصير برتقال طبيعي .. اماالصناعي افضل الربيع.
توست وجبن كيري..
تفاح مهروس ..او موز
والزبادي قطعته عن ولدي لانه سبب له حساسيه..والبسكويت بعد..

كيف تعطينه التوست وجبن الكيري ؟؟

ياليت تفيدينا بالطريقه

وتسلمين على اضافتك المفيده ربي يجزاك كل خير

انا لقيت هنا اكثر من موضوع عن الاكل ومره استفدت منهم عيالي الحين عمرهم 6 شهور ونص...اول شيء ابدي بالعصائر تفاح وكمثرى
بعدين جربي الخضار وابدئي بكل صنف لحاله عشان الحساسيه والفواكه نفس الشيء,,,,بعدين اخلطي لهم

بالنسبه لي اعطيهم زبادي...اول مره خلطت الزبادي مع بسكويت التسنين وبعد كذا خلطته مع الفواكه المشمش اوالتفاح اوالكمثرى...والحين اعطيهم اياه بدون اضافات

الغداء والعشاء اما وجبة خضار او فواكه او سيريلاك التمر

اطبخ لهم خضار مسلوقه (بطاطس _جزر_قرع) الكوسه احيانا لاي ماحبها واحسها تخرب الطعم. واضيف مره ملعقتين رز مصري ومره ملعقتين شوفان..والحين احط قطعة صدر دجاج وقطعه صغيره طماطم

احيانا اطبخ لهم القرع مع التمر(لكن التمر انقعها قبل ب ماء حار واقشرها)وحطهم بالخلاط وجبه لذيذه ومغذيه

مره سويت لهم مهلبية التمر(قشري التمر وبالخلاط مع ماء..بعدين على النار وملعقه صغيره نشاء)

الفواكه (اقطع تفاح وكمثرى)واحطعم على النار مع ماء بعدين بالخلاط واضيف موزه وعصير يوسف افندي ومشمش
احيانا اضيف تمر

واحيانا تفاح لحاله او كمثرى

اللي طفلها يستفرغ لاتعطيه البرتقال انا عيالي يستفرغونه فصرت استخدم اليوسف افندي
والكميات اول شيء على ملعقه وزيدوا حسب تقبل الطفل

يسلمووووو بنات استفدنا منكم