شاركي في النقاش

سجلي الدخول لإضافة تعليق.

التعليقات

36
  1. أنا بدأت من 4 أيام و نزلت كيلو و نص بدون رياضه، بصراحه نظام مريح جدا. بس أنا ملتزمه حرفيا يعني مانعه كل السكريات تماما لا فاكهه لا عصاير و بشرب كميات كبيره من الماء، و أحسن ما فيه انك تقدري تاكلي بقوليات عادي مش زي أتكينز و بصراحه رمضان من غير فول على السحور صعب : D. و كمان عادي تلاقي أكل يناسبك بالمطاعم. هو حلو إننا برمضان كمان بيسهل نقص الوزن لأن الواحد مبياكلش غير وجبتين و سناك يدوب في الفتره بين المغرب و الفجر.
  2. أنا بحثت عن نظام دشتي للمقارنه، هو تقريبا نفسه في المرحله الأولى بس مش مضطره انك تقيسي الكربوهيدرات بالجرام و كمية الدهون أقل، أنواع الدهون المسموحه هي زيت الزيتون و الكانولا أما السمن و الزبد ممنوع. مسموح المكسرات بعدد محدود (15 حبه للمكسرات كبيرة الحجم مثل اللوز و البندق و الجوز و 30 حبه للمكسرات الصغيره مثل الفستق) بعكس دشتي و كذلك مسموح البقوليات ما عدا البازلا و اللوبيا يعني الفول و الحمص و الفاصوليا بأنواعها و غيرها من البقوليات عادي. الكافين مش ممنوع. الأجبان المسموحه هي الفليله أو خالية الدسم فقط و ليست مفتوحه مثل نظام دشتي. اللحوم فليله الدسم فقط (صدور الدجاج منزوعة الجلد، لحم البتلو...إلخ) يعني ممنوع الضأن و الدواجن عاليه الدهون مثل البط. مسموح التنويع في أنواع الأكل في الوجبه الواحده يعني عادي سلطه مشكله مش نوع واحد من الخضار.

    المرحله التانيه:
    هي مرحله تحديد كمية النشويات المناسبه للجسم و بيقل فيها معدل نقص الوزن بس ده شيء صحي و فيه بيتم إضافة نوع واحد من الكربوهيدرات كل أسبوع لقياس مدى استجابة الجسم للإضافه دي يعني مثلا أول أسبوع بنضيف فاكهه مره واحده و يفضل أكلها مع الغداء أو العشاء، ممكن كل يوم تغيير نوعها عادي في حدود المسموح بيه، و بعدين تاني أسبوع مثلا نضيف شريحة توست القمح الكامل كده بيكون الفرد بياكل نوعين من النشويات في اليوم و هكذا حتى تبدأ أعراض زيادة النشويات بالظهور فيتم التوقف عن إضافة المزيد و تلك الأعراض تشمل : الشعور بالجوع في وقت أسرع من المعتاد. أو الشعور بالرغبه في أكل "شيء ما" رغم عدم الشعور الحقيقي بالجوع، التوقف عن خسارة الوزن أو زيادته. و بالتالي إنتي بتحددي نظام الريجيم المناسب لجسمك و اللي بيختلف من شخص لآخر. و يراعى تجنب كل النشويات المصنوعه من الدقيق الأبيض أو السكر الأبيض لأن الرجيم ده بيعتمد على التفرقه بين الكربوهيدرات "الجيده" و هي اللي بتحتوي على نسبه عاليه من الألياف مما يؤدي إلى الشبع و بطء عملية الهضم بحيث نتجنب الارتفاع المفاجئ في معدل السكر في الدم و اللي هو السبب في الزيادة الفرطه في الشهية و الأكل أكثر من حاجه الجسم. أما الكربوهيدرات "السيئه" فهي الكربوهيدرات اللي بترفع مستوى السكر في الدم بدرجه كبيره في وقت قصير و تشمل الدقيق الأبيض، المكرونه المصنعه منه، السكر الأبيض، الأرز الأبيض، و ما إلى ذلك حيث يتم معالجة هذه المنتجات معالجه قاسيه تنتزع منها المغذيات و الألياف و تتركها مصدر خالص للسمنه فقط دون أن يكون هناك استفاده حقيقيه من أكلها.
    و القاعده أن كلما زادت خطوات معالجة المنتج و إضافه الكيماويات و غيرها فإن هذا دليل قوي على أن هذا المنتج لا يصلح لمن يرغب في اتباع نظام غذائي سليم و لا يشترط كونه متبعا لحمية الساوث بيتش أو لا. من المفيد إنك تعرفي انه اضافة الدهون أو البروتينات أو الحموضه بنسبه بسيطه بتديكي شعور أسرع بالشبع و بتبطأ الهضم أكتر و بالتالي بتقلل معدل ارتفاع السكر في الدم يعني لو أكلتي شريحة توست عليها معلقة زيت زيتون أو معصور عليها ليمونه أحسن من شريحه توست لوحدها صحيح بتزيدي سعرات بس بتقللي الوجبات و بتطولي مدة الشبع بصورة أكبر و دي قاعده مهمة في النظام ده.
    المرحله التانيه بتستمر حتى الوصول للوزن المطلوب. و بعدين المرحله التالته و هي مرحله مفتوحه بيكون الجسم خلاص اتعود على عادات معينه في الأكل. أهم حاجه هنا السيطره على كميات الوجبات و في أي وقت لخبطتي و زدتي ممكن ترجعي تعملي المرحله الأولى لمدة أسبوع أو أسبوعين عشان تخلصي من الزياده بسرعه.

    أنا بنصح بقراية الكتاب لأنه ممتع جدا و بيفهمك أسباب الزياده و طرق التخلص منها و بيخليكي تقدري تظبطي نظامك بالطريقه اللي تناسبك لما تفهمي آليات الهضم و الاحتراق و مسار الغذاء في الجسم بطريقه سهله جدا و مناسبه لحد مش متخصص.

تابعي تجارب أخرى من هذا القسم.