والله نفس وزني ان شاء الله يزيد وزني علشان احس اني حامل خخخخخخخخخخخ
كملي سالفتج
ولادتي بحبيبتي......أسيل
متابعة النقاش، صفحة 2
شاركي في النقاش
سجلي الدخول لإضافة تعليق.
التعليقات
33- متابعين لاكن لاتتأخري
- السلام عليكم ياحلوات.............
لا اطول عليكم.........
المهم لمن رحت ع الدكتوره قالت اني ناقصه مويات وكلامها لما قالت اول مره اشوف وحده حامل في 8 ووزنها 45 وقالت حالتك غريبه بصراحه
ورحت عا البيت وخلصت اجازه زوجي وطلعت على بيتي بالمدينه
<<<<للتوضيح انا وزوجي عايشين بالمدينه واهلنا كلهههههههههههم في جده>>>>
جاتني سخونه:09: ومرضت كم يوم رحت للمستشفى ويم سالتني ( السستر الممرضه )في اي شهرقلت 8 سارت تصرخ بنت انتي في اي شهر وانا والله ماااااااني فايقه لااحد يختي عساكي لاصدقتي ......في النهايه قتلها وليش بكذب عليكي يعني ..........سكتت وجات الدكتوره وكلمتها وكل شي وكانت تطالع عالممرضه وتضحك وتقولها دا عادي وكان عندي التهاب في البول وكتبتلي دوا الله لايوريكم قرف صح والله كنت اشربه بفلوس كان يقولي يلا اشربيه بعطيكي 5 وانا ماصدق ومرات اكبه اسوي نفسي شربته واخذ 5ريال غشاشه كبيره انا هههههههههههه لمن خلص كنت معيده قبل الناس كلهم لاني خلصته....
ومرت الايام ...
وجاء رمضان .....
واللي احسبه انه شهري وكنت ابي اولد في رمضان نفسيتي مستعده وحركاااااااااات ادخل النت واتعلم واطبق سرت بس امشي ابي اولد واخلص وشربت القرفه واكلت التمر ويوم الجمعه بالتحديد صحيت قبل الظهر ممغصه والله ماتتصورا قد ايش كنت فرحااانه فتحت الثلاجه قلت لازم افطر عشان اكون قويه وما اتعب لمن فطرت راح الوجع رجعت ونومت ومرت الالايام ولا في اي شي يدل على الولاده وعيدت الحمدالله اهم شيء انه اعيد مع الجماعه خخخخخخخخخخخخخخخخ
لين خامس عيد صحيت من نومي وكلي مبلوله صحيت زوجي قلي لا عادي بس انا مااطمنت رحت مستشفى الجامعه وقالت المويه ناااقصه وسرت بس اشرب مويه على بالي ان المويه تتعوض اذا انا شربت مويه كثيييير لعلمكم سألت الدكتورعالكلام هذا وقالتلي لا طبعا..............
وبعد ثلاثه ايام اتنومت في الجامعه وزوجي سافر على المدينه وكانت بجد نفسيتي زفت اصعب لحظه كانت عندي
واتصلت عليه الاربعاء قتله تعال وجاء وكان يناظرني ويقول انتي وجهك مو وجه ولاده ابدا هههههههههههه
كنت خايفه اني اولد وزوجي مو قريب مني قلت لمامتي الله يحفظها جيبي معاكي تمر
خلصت الزياره وسارت غرفتي هدوء وجاتني وقتها فكره <<<<<<<<<
جهنميه
جهنميه
جهنميه
بمعنى الكلمه ,اتحمد ربي اني كنت وحدي بالغرفه
سرت امشي بالغرفه .....رايحه راجعه رايحه راجعه وبعباطه وآكل التمر واحس انه برضه مافي فايده سرت انط وانط وامشي واكل التمر وارجع انط كني اللعب حبل لين خلصت ربع علبه التمر
وكان وزني قبل اتنوم في المستشفى 45 برضه كنت خفيفه كله عشان لا أولد وزوجي بعيد عني واخيرا جا المغص ومسكت جوالي احسب الوقت كل 5دقايق عشان اعرف هذا طلق ولا...لأ فايقه ورايقه بالله من زي ههههههههههههه
وطلع الامر جدي هذا طلق الولاده وكنت اتألم واشد شعري وحالتي حاله لين الساعه 3ونص وانا ماكلمت احد جات االممرضه وشافتني وجابت العده رجعت نادت الدكتوره وقتها اتصلت بزوجي ونزلوني لللكشك وانا اولد كنت اقولهم ةابي مويه انا عطشانه ولاحد طل عليا ماحد فاضيليجالسين يشتغلوا (خلاص عيب ممنوع التفاصيل ) وكنت من وقت مانزلت لكشك الولاده وانا ماسكه جوالي وخللصت من كل شي وانا برضه ماسكه جوالي ليتني سبته كنت ممكن احصل جوال جديد اطلق من اللي معايا هههههههههههه الحمدالله على كل حال، ومن حظي انه الممرضه المشرفه عليا الشرباين في عيونها ياناس ولدت ماحد جنبي زوجي ماجا الا وانا خلصت من كل شي اصلا ممنوع يدخل حتى مرافقه ممنوع والله كنت ناقصه حنان بجد تعبت مره ،ومن الالم وانا واولد مسكت يد الممرضه عارفين ايش سوتلي طلت عليا كذا نظرات طوييييييييله تعروفها اكيد وشويه قالت شيلي يدك انت:44:ه كنه احد صفقني كف على وجهي اتفشلت صدق كان الخبث في عيونه:mad:ا بس الحمدالله اني ولدت بالسلامه وكل شي هان يوم شفت حبيبتي اسيل الله يحفظها يارب..........
ابي اقلكم شغله ترا الحافظ الله وكل شي يسير بامر الله انا كنت دايما اجري واللعب والحمدالله ماسقطت وغيري من غير شي يسقط ولوكانت طول الوقت عالسرير غير كذا ولادتي كانته سهله ماادري اذاا كان من التمر ولا من النط ولا من دعوه امي في الفجر ولا الدعاء عند بدايه الطلق اللي انا قلته بس في النهايه هذا تيسير الرحمن
ولازم الوحده توكل امرها لربها وتدعي في سجودها ربي يسهلها ولادتها :icon28: - الله يعييييييييييييييييين
- الحمد لله عالاسلامة ومبروك البنوتة الجديدة تتربى في عزكم ان شاء الله
ويارب يسهل جميع ولاداتنا ويلارزقنا الذرية الصالحة ويفرح الجميع
مواضيع مشابهة
تابعي تجارب أخرى من هذا القسم.