وش قصة الناس ما احد يبي احد مانجتمع الا بطلعة الروح

ايه والله مايجتمعون الا بطلوع الروح واذا اجمتعنا قعدوا رسميين..الله زمان الناس بسيطة وتحب بعض الحين الشيطان لاعبها صح
عشان ضعف الايمان في هذا الزمن..

صادقه النفوس تغيرت والناس صارت تحب تجلس لوحدها وتسافروتتمشى لوحدها
ولاتحب تحضر عزايم لأحد ولا تعزم
مدري كيف الناي يفكرون
مدري هو يعني من التطووور!!
اذا كان التطور كذا مانبيه
ياما تكلمت انا وياماصاارخت بس ماحد سمعني ياختي
حتى انا كل خميس اروح بيت امي واذا جاء العصر وانا عندهم اطفش ابدا ادقدق على الناس
اشوف من يبي يجينا
وكلن يتعذر
لا واكتشف بعد ان بعض الناس المقربين لنا مثل بنات خالتي\.. طالعين بنفس اليوم لمكان ومتجمعين وماقالوا لنا
وانا وامي لو رحنا اي مكان او اي احد بيجي لنا ندق عليهم ونعزمهم

والله رصيت بالوواقع وصرت يعني ما اتعلق بالناس
على قولة امي |(( اللي يبينا يجينا))
صارت تقول لي لو تتصللين بأحد بأزعل عليك
لأن بعض اللي اتصل فيهم اعزمهم.. تخيلي يقوولن من اللي راح يجي عندكم
قلت مافيه مناسبه وماحد جاي بس نبيكم تجوون يقولون لا والله مره ثانيه ان شاء الله

صادقة يام القمووره

السلام عليكم.....

شدني الموضوع لأن احساسي الجميع يعانون كما اعاني فلقد تعبت من المحاولات لجمع شمل العائلة باجتماعات سواء اكان من جهة زوجي او من جهة اهلي ولاكني في الاخير عجزت وفشلت ودائما اقول لنفسي بسبب عدم معرفتي لفنون التعامل والحاسيه التي احملها فلابد ان يتحلى الذي يريد التواصل باخلاقيات عاليه وفن في التعامل واستغلال كل الفرص المتاحه وان يغرس في اولاده هذا المفهوم ويدربهم على سلوكيات التواصل اما انا فااستلسم واعلن عجزي وياليت اي شخص يعلمني او يرشدني لأن التواصل مهم ليس فقط لي بل للعائله جميعها ومن ظمنها الاولاد
والسلام عليكم....